លោកឧត្តមសេនីយ៍ឯក Hoang Xuan Chien ចុះពិនិត្យនៅអង្គភាពមួយចំនួននៅខេត្ត Khanh Hoa
កប.អនឡាញ - នារសៀលថ្ងៃទី ២៧ ខែមិថុនា លោកឧត្តមសេនីយ៍ឯក Hoang Xuan Chien សមាជិកគណៈកម្មាធិការមជ្ឈិមបក្ស អនុរដ្ឋមន្ត្រីក្រសួងការពារប្រទេសវៀតណាម បានចុះពិនិត្យការត្រៀមខ្លួនប្រយុទ្ធជាស្រេចរបស់បញ្ជាការដ្ឋានយោធាខេត្ត Khanh Hoa (យោធភូមិភាគទី៥) និងកងទ័ពការពារព្រំដែនខេត្ត Khanh Hoa។
នាពេលកន្លងមក បញ្ជាការដ្ឋានយោធាខេត្ត Khanh Hoa បានអនុវត្តយ៉ាងទៀងទាត់នូវសេចក្តីសម្រេចចិត្ត និងសារាចររបស់ថ្នាក់លើស្ដីពីភារកិច្ចការពារជាតិ និងយោធានៅមូលដ្ឋាន បទបញ្ជា និងសេចក្តីណែនាំស្តីពីការត្រៀមខ្លួនប្រយុទ្ធជាស្រេច។ ដឹកនាំ និងសហការជាមួយបណ្ដាកងកម្លាំង ដើម្បីអនុវត្តឲ្យបានល្អនូវការត្រៀមខ្លួនប្រយុទ្ធជាស្រេចនៅក្នុងថ្ងៃឈប់សម្រាក បុណ្យចូលឆ្នាំថ្មី និងព្រឹត្តិការណ៍សំខាន់ៗនៅមូលដ្ឋាន...
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/06/28/upload_2118/khanh-hoa.jpg?dpi=150&quality=100&w=500) |
លោកឧត្តមសេនីយ៍ឯក Hoang Xuan Chien ថ្លែងក្នុងកិច្ចប្រជុំជាមួយកងទ័ពការពារព្រំដែនខេត្ត Khanh Hoa |
កងទ័ពការពារព្រំដែនខេត្ត Khanh Hoa អនុវត្តបានល្អនូវភារកិច្ចការពារព្រំដែន ការត្រៀមខ្លួនប្រយុទ្ធជាស្រេច ការគ្រប់គ្រងគ្រោះមហន្តរាយធម្មជាតិ ការស្វែងរក និងជួយសង្គ្រោះ រក្សាសន្តិសុខ និងសណ្តាប់ធ្នាប់នៅព្រំដែនសមុទ្រ តាមដានពីស្ថានភាព និងផ្ដល់យោបល់អំពីការការពារព្រំដែនជូនគណៈកម្មាធិការបក្ស និងអាជ្ញាធរមូលដ្ឋានដោយទាន់ពេលវេលា និងមានប្រសិទ្ធភាព...
លោកឧត្តមសេនីយ៍ឯក Hoang Xuan Chien បានវាយតំលៃខ្ពស់ចំពោះលទ្ធផលនៃការបំពេញភារកិច្ចរបស់អង្គភាពទាំងពីរ និងស្នើថា គណៈកម្មាធិការបក្ស និងមេបញ្ជាការនៃអង្គភាពទាំងពីររៀបចំបានល្អនូវសកម្មភាពឆ្ពោះទៅរំលឹកខួបលើកទី ៨០ នៃការបង្កើតកងទ័ពប្រជាជនវៀតណាម និងខួបលើកទី ៣៥ នៃទិវាការពារជាតិដោយប្រជាជនទាំងមូល។ បញ្ជាការដ្ឋានយោធាខេត្ត Khanh Hoa បន្តបំពេញល្អនូវភារកិច្ចផ្ដល់យោបល់ដល់ខេត្តស្ដីពីការកសាងតំបន់ការពារទប់ទល់ដ៏រឹងមាំ រក្សាយ៉ាងតឹងរឹងនូវការត្រៀមខ្លួនប្រយុទ្ធជាស្រេច សហការជាមួយកម្លាំងយាមល្បាតដើម្បីធានាសុវត្ថិភាពរបស់អង្គភាព និងការពារព្រឹត្តិការណ៍នយោបាយសំខាន់ៗ ហើយដឹកនាំ និងរៀបចំសមយុទ្ធនៅគ្រប់កម្រិតប្រកបដោយធានាសុវត្ថិភាពលើគ្រប់វិស័យ។
កងទ័ពការពារព្រំដែនខេត្ត Khanh Hoa បន្តសហការជាមួយបណ្ដាកងកម្លាំងគ្រប់គ្រង ការពារអធិបតេយ្យភាព និងសន្តិសុខនៅសមុទ្រ ចូលរួមយ៉ាងសកម្មក្នុងការការពារ និងគ្រប់គ្រងគ្រោះមហន្តរាយធម្មជាតិ ស្វែងរក និងជួយសង្គ្រោះ ពង្រឹងការប្រយុទ្ធប្រឆាំងនឹងឧក្រិដ្ឋកម្មគ្រប់ប្រភេទនៅតាមព្រំដែនសមុទ្រ។ល៕
បកប្រែដោយ Thuy Anh