លោកឧត្តមសេនីយ៍ឯក Le Huy Vinh ចុះត្រួតពិនិត្យការកែទម្រង់រដ្ឋបាល និងការធ្វើបរិវត្តកម្មឌីជីថលនៅយោធភូមិភាគទី១
កប.អនឡាញ - នាថ្ងៃទី ១៨ និងថ្ងៃទី ១៩ ខែមិថុនា ក្រុមបេសកកម្មក្រសួងការពារប្រទេសវៀតណាម ដឹកនាំដោយលោកឧត្តមសេនីយ៍ឯក Le Huy Vinh សមាជិកគណៈកម្មាធិការមជ្ឈិមបក្ស អនុរដ្ឋមន្ត្រីក្រសួងការពារប្រទេស អនុប្រធានគណៈអចិន្ត្រៃយ៍នៃគណៈកម្មាធិការដឹកនាំការកែទម្រង់រដ្ឋបាល និងការធ្វើបរិវត្តកម្មឌីជីថល របស់ក្រសួងការពារប្រទេសបានចុះពិនិត្យការកែទម្រង់រដ្ឋបាល និងការធ្វើបរិវត្តកម្មឌីជីថលឆ្នាំ២០២៤ នៅយោធភូមិភាគទី១។
ក្រុមបេសកកម្មបានត្រួតពិនិត្យនៅបញ្ជាការដ្ឋានយោធភូមិភាគទី១ និងបញ្ជាការដ្ឋានយោធាខេត្ត Bac Giang លើកំណែទម្រង់រដ្ឋបាល; កំណែទម្រង់ក្បាលម៉ាស៊ីនរដ្ឋបាលរបស់រដ្ឋ; កំណែទម្រង់ហិរញ្ញវត្ថុសាធារណៈ កសាងនិងអភិវឌ្ឍរដ្ឋាភិបាល អេឡិចត្រូនិក និងរដ្ឋាភិបាលឌីជីថល...
តាមរយៈការចុះត្រួតពិនិត្យ ក្រុមបេសកកម្មបានវាយតម្លៃថា យោធភូមិភាគទី១ បានអនុវត្តប្រកបដោយទាន់ពេលវេលា និងប្រសិទ្ធភាពនូវការអនុវត្តកំណែទម្រង់រដ្ឋបាល និងការធ្វើបរិវត្តកម្មឌីជីថល។ ការពិនិត្យរដ្ឋបាលត្រូវបានរក្សា ប្រព័ន្ធគ្រប់គ្រងគុណភាព ISO ត្រូវបានធានា យោធភូមិភាគបានអនុវត្តយ៉ាងពេញលេញនូវដំណោះស្រាយសន្តិសុខព័ត៌មានតាមបទប្បញ្ញត្តិ និងអនុវត្តយ៉ាងពេញលេញនូវការធ្វើបរិវត្តកម្មឌីជីថលរបស់ក្រសួងការពារប្រទេស។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/06/20/upload_2118/qk1.jpg?dpi=150&quality=100&w=500) |
លោកឧត្តមសេនីយ៍ឯក Le Huy Vinh ថ្លែងក្នុងកិច្ចប្រជុំ |
យោធភូមិភាគបានបំពេញយ៉ាងសកម្មក្នុងការផ្សព្វផ្សាយ លើកកម្ពស់ការយល់ដឹងនិងការទទួលខុសត្រូវសម្រាប់កម្មាភិបាល យុទ្ធជនអំពីអត្ថន័យ និងសារៈសំខាន់នៃការកែទម្រង់រដ្ឋបាល និងការធ្វើបរិវត្តកម្មឌីជីថលក្នុងវិស័យយោធា និងការពារជាតិ...
ថ្លែងក្នុងឱកាសនេះ លោកឧត្តមសេនីយ៍ឯក Le Huy Vinh បានទទួលស្គាល់ និងលើកសរសើរចំពោះកិច្ចខិតខំប្រឹងប្រែងរបស់យោធភូមិភាគទី១ ក្នុងការកែទម្រង់រដ្ឋបាល និងការធ្វើបរិវត្តកម្មឌីជីថល ព្រមទាំងស្នើឲ្យយោធភូមិភាគទី១ ទទួលយក មតិយោបល់របស់ក្រុមបេសកកម្ម ដើម្បីយកឈ្នះលើចំណុចខ្សោយ ហើយពង្រឹងការផ្សព្វផ្សាយដល់កម្មាភិបាល និងយុទ្ធជន នៃកងកម្លាំងប្រដាប់អាវុធនៃយោធភូមិភាគអំពីការអនុវត្តការកែទម្រង់រដ្ឋបាល និងការធ្វើបរិវត្តកម្មឌីជីថល...៕
បកប្រែដោយ Thuy Anh