កងពេទ្យកម្រិត២ វៀតណាម ចែករំលែកសេចក្តីស្រឡាញ់នៅទិវានារីអន្តរជាតិ (ថ្ងៃទី៨ ខែមីនា)

គណៈប្រតិភូ CIMIC បានទៅទស្សនា Nyumdou ដែលជាភូមិតូចមួយដែលស្ថិតនៅស្ងាត់ៗក្រោមម្លប់ដើមស្វាយចាស់ៗ។ ក្នុងអំឡុងពេលនៃកម្មវិធី ប្រតិភូមកពីមន្ទីរពេទ្យកម្រិត២ លេខ៧ បានចែកអំណោយជាង ៥០ ជូនដល់ស្ត្រីក្នុងភូមិ និងអំណោយចំនួន ១៥ ជូនដល់កុមារ រួមជាមួយនឹងរបស់របរជាក់ស្តែងជាច្រើនសម្រាប់សហគមន៍ក្នុងតំបន់។ អំណោយសាមញ្ញៗទាំងនេះ ទោះបីជាតិចតួចក៏ដោយ ក៏មានសេចក្តីស្រឡាញ់យ៉ាងស្មោះស្ម័គ្រ និងស្មារតីចែករំលែករបស់យោធិនស្រីវៀតណាម។

ក្រៅពីការនាំយកអំណោយមកជាមួយ យោធិនស្រីក៏បានចំណាយពេលជួបជុំគ្នា ចែករំលែកចំណេះដឹងអំពីការថែទាំសុខភាព ផ្លាស់ប្តូរបទពិសោធន៍វប្បធម៌ និងរៀបរាប់រឿងរ៉ាវអំពីប្រវត្តិសាស្ត្រ និងប្រពៃណីរបស់ស្ត្រីវៀតណាមផងដែរ

យោធិនស្រីមកពីមន្ទីរពេទ្យកម្រិត ២ លេខ ៧ ប្រគល់អំណោយដល់ក្មេងស្រី

ផ្សព្វផ្សាយស្មារតីនៃទិវានារីអន្តរជាតិដល់ស្ត្រីដែលមានជីវភាពខ្វះខាតនៅស៊ូដង់ខាងត្បូង

យោធិនស្រីចែករំលែក និងសំណេះសំណាលជាមួយក្មេងស្រី

អំណោយទាំងនេះគឺជា ការលើកទឹកចិត្តដ៏សំខាន់សម្រាប់កុមារ និងស្ត្រីនៅក្នុងភូមិ Nyumdou

តំណាងស្ត្រីក្នុងតំបន់បានសម្តែងការដឹងគុណចំពោះវត្តមានរបស់មិត្តវៀតណាម និងការរៀបចំសកម្មភាពដែលមានអត្ថន័យសម្រាប់ប្រជាជន។ ដោយបញ្ជាក់ថា ទិវានារីថ្ងៃនេះនាំមកនូវភាពរស់រវើកថ្មី និងលើកទឹកចិត្តស្ត្រីក្នុងតំបន់ឱ្យមានភាពស្វាហាប់ និងមានទំនុកចិត្តជាងមុន។

យោធិនស្រីបានណែនាំសម្រស់នៃអាវផាយ (សម្លៀកបំពាក់ប្រពៃណី) របស់វៀតណាមដល់ស្ត្រី និងកុមារក្នុងតំបន់ ថតរូបជាមួយគ្នា ជជែកគ្នា និងថតទុកអនុស្សាវរីយ៍ ដែលមិនអាចបំភ្លេចបាន។ សម្លៀកបំពាក់ប្រពៃណីវៀតណាមដ៏ប្រណិត ដែលស្ត្រីពាក់នៅក្នុងទឹកដីអាហ្វ្រិកដាច់ស្រយាល មិនត្រឹមតែជាសម្រស់វប្បធម៌ប៉ុណ្ណោះទេ ប៉ុន្តែវាក៏ជានិមិត្តរូបនៃសន្តិភាព មិត្តភាព និងការតភ្ជាប់រវាងស្ត្រីមកពីតំបន់ពីរផ្សេងគ្នាផងដែរ។

គ្រាដ៏សាមញ្ញ ប៉ុន្តែមានអត្ថន័យទាំងនេះ បន្តផ្សព្វផ្សាយរូបភាពរបស់ស្ត្រីវៀតណាមនៅក្នុងកងទ័ពប្រជាជនថា ជាមនុស្សរឹងមាំ មានសេចក្ដីសប្បុរស និងការចែករំលែកក្នុងដំណើរ បំពេញបេសកកម្មរក្សាសន្តិភាពរបស់អង្គការសហប្រជាជាតិ។

បកប្រែដោយ​ Thanh Cong