ពិនិត្យទីតាំងរៀបចំពិព័រណ៍ការពារជាតិអន្តរជាតិវៀតណាម លើកទី៣

បន្ទាប់ពីការត្រួតពិនិត្យដោយផ្ទាល់នៅមជ្ឈមណ្ឌលពិព័រណ៍វៀតណាម (VEC) លោកឧត្តមសេនីយ៍ឯក Nguyen Truong Thang បានដឹកនាំកិច្ចប្រជុំមួយ​ និងស្តាប់របាយការណ៍ពីស្ថាប័ន និងអង្គភាពពាក់ព័ន្ធទាក់ទងនឹងគុណសម្បត្តិ ការលំបាក និងឧបសគ្គក្នុងការរៀបចំពិព័រណ៍ការពារជាតិអន្តរជាតិវៀតណាមលើកទី ៣។

មតិពិភាក្សាផ្តោតលើការរៀបចំពិព័រណ៍ និងសកម្មភាពក្នុងក្របខ័ណ្ឌរបស់ខ្លួន ធានាសន្តិសុខ សុវត្ថិភាព ភស្តុភារ ពិធីការ និងការរៀបចំកម្មវិធី​នានា។

លោកឧត្តមសេនីយ៍ឯក Nguyen Truong Thang ដឹកនាំកិច្ចប្រជុំជាមួយតំណាងមកពីស្ថាប័ន និងអង្គភាពផ្សេងៗអំពី​ការរៀបចំពិព័រណ៍ការពារជាតិអន្តរជាតិវៀតណាមលើកទី ៣

មានប្រសាសន៍ក្នុងកិច្ចប្រជុំ លោកឧត្តមសេនីយ៍ឯក Nguyen Truong Thang   បានសង្កត់ធ្ងន់លើសារៈសំខាន់នៃពិព័រណ៍ការពារជាតិអន្តរជាតិវៀតណាមលើកទី ៣ ក្នុងការលើកកម្ពស់កិច្ចសហប្រតិបត្តិការការពារជាតិរវាងវៀតណាម និងប្រទេសផ្សេងៗ ដើម្បីគោលដៅសន្តិភាព និងការអភិវឌ្ឍ។

លោកឧត្តមសេនីយ៍ឯក Nguyen Truong Thang បានយល់ស្រប នឹងការវាយតម្លៃចំពោះមតិយោបល់​ដែលបាន​លើក​ឡើងនៅក្នុងកិច្ចប្រជុំ ដោយកត់សម្គាល់ថា តាមរយៈការរៀបចំដ៏ជោគជ័យក្នុងឆ្នា២០២២ និង២០២៤ ការតាំងពិព័រណ៍ការពារជាតិអន្តរជាតិវៀតណាម បានរួមចំណែកដល់ការផ្សព្វផ្សាយរូបភាពល្អប្រសើអំពីប្រទេស ប្រជាជន និងកងទ័ពប្រជាជនវៀតណាមដល់មិត្តភក្តិអន្តរជាតិ។

បកប្រែដោយ Duy Hoan