ពិនិត្យការត្រៀមរៀបចំសម្រាប់ជំនួបប្រាស្រ័យមិត្តភាពការពារជាតិព្រំដែនវៀតណាម-ឡាវលើកទី៣

ការត្រួតពិនិត្យបានបង្ហាញថា ស្ថានភាពនៅតំបន់ព្រំដែនរវាង Nghe An (វៀតណាម) និងខេត្ត Xiengkhoang (ឡាវ) មានស្ថិរភាព។ អធិបតេយ្យភាពទឹកដីត្រូវបានរក្សា។ ទំនាក់ទំនងសាមគ្គីភាព និងមិត្តភាពពិសេសរវាងអាជ្ញាធរ កងកម្លាំងប្រដាប់អាវុធ និងប្រជាជននៅសងខាងព្រំដែនត្រូវបានពង្រឹង ដែលបង្កើតជាមូលដ្ឋានអំណោយផលសម្រាប់ការរៀបចំសកម្មភាពផ្លាស់ប្តូរ។

ទីតាំងដែលបានគ្រោងទុកសម្រាប់សកម្មភាពដូចជា ពហុកីឡដ្ឋានឃុំ Nam Can ពហុកីឡដ្ឋានឃុំ Muong Xen សាលាបឋមសិក្សា Nam Can លេខ១ ជាដើម អាចរៀបចំការផ្លាស់ប្តូរវប្បធម៌ ប្រគល់អំណោយ ការពិនិត្យ និងការព្យាបាលជំងឺ ការសម្តែងវប្បធម៌ និងសិល្បៈ។ល។

គណៈប្រតិភូចុះត្រួតពិនិត្យនៅក្នុងឃុំ Muong Tip

ទាក់ទងនឹងសកម្មភាពសុខុមាលភាពសង្គមក្នុងក្របខ័ណ្ឌកម្មវិធី ដូចជា "ជួយកុមារទៅសាលារៀន" ការប្រគល់ពូជគោ ការពិនិត្យសុខភាព និងការព្យាបាលជំងឺ ការចែកថ្នាំពេទ្យ... អង្គភាពនានាបានពិនិត្យឡើងវិញនូវអ្នកទទួលផល និងទីតាំងដើម្បីធានាបាននូវភាពសមស្រប។ ជាពិសេស ឃុំ Nam Can នៅតែមានគ្រួសារក្រីក្រ និងសិស្សជាច្រើនដែលមានស្ថានភាពលំបាក ដែលត្រូវការការគាំទ្រជាក់ស្តែងពីកម្មវិធីជាបន្ទាន់។

គណៈប្រតិភូ បានស្នើឲ្យអង្គភាពនានាបន្តកែសម្រួលផែនការ សហការយ៉ាងសកម្មជាមួយភាគីឡាវ និងគណៈកម្មាធិការបក្ស និងអាជ្ញាធរនៃតំបន់នានា ដើម្បីពិនិត្យឡើងវិញនូវខ្លឹមសារនីមួយៗ ជាពិសេសការធានាសន្តិសុខ សុវត្ថិភាព ភស្តុភារ... ដើម្បីរាយការណ៍ទៅស្ថាប័នមានសមត្ថកិច្ចសម្រាប់ការពិចារណា និងធ្វើការសម្រេចចិត្ត៕

បកប្រែដោយ Thuy Anh