នាវាលេខ 016-Quang Trung ចូលចតនៅកំពង់ផែ Coonawarra ប្រទេសអូស្ត្រាលី
កប.អនឡាញ - នៅរសៀលថ្ងៃទី ៥ ខែមីនា នាវាលេខ 016-Quang Trung នៃកងពលតូចលេខ ១៦២ តំបន់លេខ៤ កងទ័ពជើងទឹកប្រជាជនវៀតណាមដឹកគណៈប្រតិភូ ដែលដឹកនាំដោយវរសេនីយ៍ឯក Nguyen Minh Lanh អនុប្រធានសេនាធិការនៃតំបន់លេខ៤ បានចូលចតនៅមូលដ្ឋានកងទ័ពជើងទឹក Coonawarra ក្នុងទីក្រុង Darwin ដែនដីភាគខាងជើង ប្រទេសអូស្ត្រាលី ដើម្បីបំពេញការងារភស្តុភារបច្ចេកទេសសម្រាប់រៀបចំធ្វើដំណើរទៅកាន់ទីក្រុងស៊ីដនី។
លោកស្រីវរសេនីយ៍ឯក Bernadette Alexander មេបញ្ជាការមូលដ្ឋានកងទ័ពជើងទឹក Coonawarra និងលោកវរសេនីយ៍ឯក Nguyen Anh Vu អនុព័ន្ធយោធាវៀតណាមប្រចាំប្រទេសអូស្ត្រាលី បានទទួលស្វាគមន៍នាវា 016-Quang Trung និងគណៈប្រតិភូ ដោយសម្តែងការរីករាយដែលកងទ័ពជើងទឹកប្រជាជនវៀតណាមបានចាត់បញ្ជូននាវាទៅចូលរួមពិធីព្យុហយាត្រាកងទ័ពជើងទឹកអន្តរជាតិ ដើម្បីរំលឹកខួបលើកទី ១២៥ នៃការបង្កើតកងទ័ពជើងទឹកភូមិន្ទអូស្ត្រាលី និងចូលរួមលំហាត់សមធកងទ័ពជើងទឹកពហុភាគី (Kakadu) ២០២៦ នៅទីក្រុងស៊ីដនី។
    |
 |
|
លោកស្រីវរសេនីយ៍ឯក Bernadette Alexander ទទួលស្វាគមន៍គណៈប្រតិភូ |
ដោយចេញដំណើរពីកំពង់ផែកងទ័ពជើងទឹក Cam Ranh នៅរសៀលថ្ងៃទី ២៣ ខែកុម្ភៈ និងធ្វើដំណើរជាង ២៥០០ ម៉ាយល៍សមុទ្រទៅកាន់ Darwin នាវាលេខ 016-Quang Trung បានអនុវត្តយ៉ាងតឹងរឹងតាមផែនការធ្វើដំណើរតាមសមុទ្រដែលបានអនុម័ត។ កម្មាភិបាល នាវិកបានរៀបចំការយាមល្បាតយ៉ាងតឹងរ៉ឹង ហើយបានរួមបញ្ចូលគ្នានូវការធ្វើដំណើរតាមសមុទ្រចម្ងាយឆ្ងាយជាមួយនឹងការហ្វឹកហ្វឺនយ៉ាងហ្មត់ចត់នូវផែនការដាក់ពង្រាយប្រយុទ្ធ និងធានាបាននូវការថែទាំសុខភាពល្អសម្រាប់កងទ័ពដើម្បីអនុវត្តបេសកកម្ម។
ពេលចូលចតនៅកំពង់ផែ គណៈប្រតិភូ និងក្រុមនាវិកនាវាបានគោរពតាមបទប្បញ្ញត្តិស្តីពីចត្តាឡីស័ក្ត និងអន្តោប្រវេសន៍របស់ប្រទេសអូស្ត្រាលី។ តំណាងមកពីកងទ័ពជើងទឹកនៃប្រទេសទាំងពីរបានឯកភាពគ្នាលើខ្លឹមសាមួយចំនួនសម្រាប់សកម្មភាពនាពេលខាងមុខ។
យោងតាមផែនការ នៅថ្ងៃទី៧ ខែមីនា នាវាលេខ 016-Quang Trung នឹងបន្តដំណើររបស់ខ្លួនទៅកាន់ទីក្រុងស៊ីដនី ចូលរួមពិធីព្យុហយាត្រាកងទ័ពជើងទឹកអន្តរជាតិ ដើម្បីរំលឹកខួបលើកទី ១២៥ នៃកងទ័ពជើងទឹកភូមិន្ទអូស្ត្រាលី និងចូលរួម Kakadu 2026។
បកប្រែដោយ Duy Hoan