កិច្ចសហប្រតិបត្តិការការពារជាតិ វៀតណាម-បេឡារុស ត្រូវបានអនុវត្តប្រកបដោយប្រសិទ្ធភាព

លោកឧត្តមសេនីយ៍ឯក Nguyen Truong Thang បានវាយតម្លៃថា ក្នុងរយៈពេលកន្លងមក កិច្ចសហប្រតិបត្តិការការពារជាតិទ្វេភាគីនៅតែបន្តត្រូវបានអនុវត្តប្រកបដោយប្រសិទ្ធភាព ស្របតាមតម្រូវការ និងសមត្ថភាពរបស់ភាគីទាំងពីរ ដោយសម្រេចបានលទ្ធផលវិជ្ជមានជាច្រើនលើវិស័យជាច្រើនដូចជា៖ ការផ្លាស់ប្តូរគណៈប្រតិភូគ្រប់លំដាប់ថ្នាក់ ជាពិសេសថ្នាក់ជាន់ខ្ពស់ កិច្ចសហប្រតិបត្តិការរវាងអង្គភាពទ័ព ការអប់រំនយោបាយ និងមនោគមវិជ្ជា ប្រវត្តិសាស្ត្រយោធា ការបណ្តុះបណ្តាល វិទ្យាសាស្ត្រយោធា វេជ្ជសាស្ត្រយោធា។ល។

លោកឧត្តមសេនីយ៍ឯក Nguyen Truong Thang ទទួលជួបលោកឧត្តមសេនីយ៍ត្រី Ravenko Valery

រីឯលោកឧត្តមសេនីយ៍ត្រី Ravenko Valery បានបញ្ជាក់ថា បេឡារុសឱ្យតម្លៃចំពោះទំនាក់ទំនងសហប្រតិបត្តិការជាមួយវៀតណាម។ លោកឧត្តមសេនីយ៍ត្រី Ravenko Valery បានជម្រាបជូនលោកឧត្តមសេនីយ៍ឯក Nguyen Truong Thang អំពីលទ្ធផលនៃកិច្ចប្រជុំលើកដំបូងរបស់ក្រុមការងារទ្វេភាគីវៀតណាម-បេឡារុស ស្តីពីកិច្ចសហប្រតិបត្តិការការពារជាតិរវាងនាយកដ្ឋានទាក់ទងបរទេស ក្រសួងការពារប្រទេសវៀតណាម និងនាយកដ្ឋានសហប្រតិបត្តិការយោធាអន្តរជាតិ ក្រសួងការពារជាតិបេឡារុស។ ដោយវាយតម្លៃខ្ពស់ចំពោះលទ្ធផលនៃកិច្ចសហប្រតិបត្តិការក្នុងឆ្នាំ ២០២៥ លោកឧត្តមសេនីយ៍ត្រី Ravenko Valery បានសម្តែងក្តីសង្ឃឹមថា នាពេលខាងមុខ ភាគីទាំងពីរនឹងបន្តសម្របសម្រួលយ៉ាងជិតស្និទ្ធ និងជំរុញកិច្ចសហប្រតិបត្តិការការពារជាតិទ្វេភាគីឱ្យកាន់តែមានប្រសិទ្ធភាព។

លោកឧត្តមសេនីយ៍ឯក Nguyen Truong Thang ផ្តល់វត្ថុអនុស្សាវរីយ៍ដល់លោកឧត្តមសេនីយ៍ត្រី Ravenko Valery

លោកឧត្តមសេនីយ៍ឯក Nguyen Truong Thang បានវាយតម្លៃខ្ពស់ចំពោះលទ្ធផលនៃកិច្ចប្រជុំលើកដំបូងរបស់ក្រុមការងារទ្វេភាគីវៀតណាម-បេឡារុស ស្តីពីកិច្ចសហប្រតិបត្តិការការពារជាតិ។ លោកឧត្តមសេនីយ៍ឯក Nguyen Truong Thang បានស្នើថា នាពេលខាងមុខ ភាគីទាំងពីរបន្តអនុវត្តផែនការសហប្រតិបត្តិការការពារជាតិប្រចាំឆ្នាំប្រកបដោយប្រសិទ្ធភាព ដោយផ្តោតលើការពង្រឹងការផ្លាស់ប្តូរគណៈប្រតិភូគ្រប់លំដាប់ថ្នាក់ ជាពិសេសថ្នាក់ជាន់ខ្ពស់ ជំរុញការជួបប្រាស្រ័យ ការជួបជុំ និងការចែករំលែកបទពិសោធន៍ ដើម្បីបង្កើនទំនុកចិត្ត ការយោគយល់ និងប្រសិទ្ធភាពនៃកិច្ចសហប្រតិបត្តិការទ្វេភាគី ជំរុញកិច្ចសហប្រតិបត្តិការកាន់តែមានប្រសិទ្ធភាពក្នុងវិស័យបណ្តុះបណ្តាល វេជ្ជសាស្ត្រយោធា កីឡាយោធា វិទ្យាសាស្ត្រយោធា ការអប់រំនយោបាយ និងមនោគមវិជ្ជា ប្រវត្តិសាស្ត្រយោធា កិច្ចសហប្រតិបត្តិការរវាងអង្គភាពទ័ព ការរក្សាសន្តិភាពរបស់អង្គការសហប្រជាជាតិ បន្តគាំទ្រ និងចូលរួមក្នុងសកម្មភាពពហុភាគីអន្តរជាតិដែលរៀបចំដោយភាគីនីមួយៗ ដោយហេតុនោះ រួមចំណែកជំរុញកិច្ចសហប្រតិបត្តិការការពារជាតិរវាងប្រទេសទាំងពីរ ស្របតាមទំនាក់ទំនងមិត្តភាពប្រពៃណី និងភាពជាដៃគូយុទ្ធសាស្ត្រ វៀតណាម-បេឡារុស។

លោកឧត្តមសេនីយ៍ឯក Nguyen Truong Thang និងលោកឧត្តមសេនីយ៍ត្រី Ravenko Valery រួមជាមួយប្រតិភូនៅក្នុងជំនួប

ក្នុងឱកាសនេះ លោកឧត្តមសេនីយ៍ឯក Nguyen Truong Thang បានអញ្ជើញថ្នាក់ដឹកនាំក្រសួងការពារជាតិ ទីភ្នាក់ងារឧស្សាហកម្មការពារជាតិ និងសហគ្រាសការពារជាតិនៃប្រទេសបេឡារុស ឱ្យចូលរួមពិព័រណ៍ការពារជាតិអន្តរជាតិវៀតណាម ឆ្នាំ២០២៦៕

បកប្រែដោយ Huyen Trang