កងទ័ពជើងទឹកវៀតណាមទទួលបានកិត្តិនាមវីរបុរសនៃកងកម្លាំងប្រដាប់អាវុធប្រជាជនជាលើកទីបី

ក្នុងការរាយការណ៍អំពីសមិទ្ធផលរបស់កងទ័ពជើងទឹកប្រជាជនវៀតណាម ក្នុងបុព្វហេតុការពារអធិបតេយ្យភាពសមុទ្រ និងកោះនៃមាតុភូមិ លោកឧត្តមនាវីទោ Tran Thanh Nghiem សមាជិកគណៈកម្មាធិការមជ្ឈិមបក្ស និងជាមេបញ្ជាការកងទ័ពជើងទឹក បានរំលឹកឡើងវិញនូវប្រវត្តិសាស្ត្រនៃការកសាង ការប្រយុទ្ធ និងការរីកចម្រើនរបស់កងទ័ពជើងទឹក និងការចូលរួមចំណែកដ៏លេចធ្លោរបស់កងទ័ពជើងទឹកចំពោះកម្លាំងរួម ការត្រៀមខ្លួនប្រយុទ្ធជាស្រេច និងជ័យជំនះរបស់កងទ័ពប្រជាជនវៀតណាម។

លោក To Lam អគ្គលេខាបក្ស និងថ្នាក់ដឹកនាំបក្ស និងរដ្ឋ រួមជាមួយប្រតិភូ

មានប្រសាសន៍នៅក្នុងពិធី តាងនាមថ្នាក់ដឹកនាំបក្ស និងរដ្ឋ លោក To Lam អគ្គលេខាបក្ស បានជូនពរដល់កម្មាភិបាល យុទ្ធជន យោធិនអាជីព កម្មករ និងបុគ្គលិកការពារជាតិទាំងអស់នៃកងទ័ពជើងទឹកប្រជាជនវៀតណាម។ លោក To Lam អគ្គលេខាបក្ស បានអបអរសាទរចំពោះសមិទ្ធផលដ៏លេចធ្លោរបស់កងទ័ពជើងទឹកប្រជាជនវៀតណាមក្នុងរយៈពេលកន្លងមក។ ដើម្បីបំពេញភារកិច្ចដែលបានប្រគល់ដោយជោគជ័យ លោក To Lam អគ្គលេខាបក្ស បានស្នើឱ្យកងទ័ពជើងទឹកផ្តោតលើការអនុវត្តភារកិច្ចសំខាន់ៗចំនួន ៦ ដោយសម្តែងទំនុកចិត្តថាគណៈកម្មាធិការបក្ស បញ្ជាការដ្ឋាន កម្មាភិបាល និងយុទ្ធជនទាំងអស់នៃកងទ័ពជើងទឹកប្រជាជនវៀតណាមនឹងបន្តរក្សាប្រពៃណីដ៏រុងរឿងរបស់អង្គភាព ដែលត្រូវទទួលបានកិត្តិនាមវីរបុរសនៃកងកម្លាំងប្រដាប់អាវុធប្រជាជនចំនួនបីលើកបំពេញភារកិច្ចដែលបានប្រគល់ដោយជោគជ័យ និងសក្តិសមនឹងការជឿទុកចិត្តរបស់បក្ស រដ្ឋ និងប្រជាជន។

លោក To Lam អគ្គលេខាបក្ស ប្រគល់កិត្តិនាមវីរបុរសនៃកងកម្លាំងប្រដាប់អាវុធប្រជាជន ដល់កងទ័ពជើងទឹក

នៅក្នុងពិធី លោក To Lam អគ្គលេខាបក្ស លេខាគណៈកម្មាធិការបក្សយោធាមជ្ឈិម បានប្រគល់កិត្តិនាមវីរបុរសនៃកងកម្លាំងប្រដាប់អាវុធប្រជាជនជាលើកទីបី ដល់កងទ័ពជើងទឹក៕

បកប្រែដោយ Huyen Trang