លោក To Lam អគ្គលេខាបក្ស និងជាប្រធានរដ្ឋវៀតណាម​ និងភរិយា ទស្សនកិច្ចនៅ​ទីក្រុងណាននីង (ប្រទេសចិន)

បន្តដំណើរទស្សនកិច្ចផ្លូវរដ្ឋទៅកាន់ប្រទេសចិន បន្ទាប់ពីបញ្ចប់សកម្មភាពនៅទីក្រុងប៉េកាំង នៅថ្ងៃទី១៦ ខែមេសា លោក To Lam អគ្គលេខាបក្ស និងជាប្រធានរដ្ឋវៀតណាម​ និងភរិយា រួមជាមួយគណៈប្រតិភូជាន់ខ្ពស់វៀតណាម បានចាកចេញពីទីក្រុងប៉េកាំងដោយរថភ្លើងល្បឿនលឿន ដើម្បីទៅទស្សនា និងធ្វើការនៅទីក្រុងណាននីង។

លោក To Lam អគ្គលេខាបក្ស​ និងជាប្រធានរដ្ឋវៀតណាម និងភរិយា រួមជាមួយគណៈប្រតិភូជាន់ខ្ពស់វៀតណាម បានចាកចេញពីទីក្រុងប៉េកាំង ដើម្បីទៅទស្សនកិច្ចការងារនៅទីក្រុងណាននីង

នៅលើរថភ្លើង ថ្នាក់ដឹកនាំឧស្សាហកម្មផ្លូវដែកចិន បានរាយការណ៍សង្ខេបជូនលោក To Lam អគ្គលេខាបក្ស និងជាប្រធានរដ្ឋវៀតណាម​ ស្តីពីការអភិវឌ្ឍវិស័យផ្លូវដែករបស់ប្រទេសចិន។ យោងតាមរបាយការណ៍នេះ នៅដើមឆ្នាំ២០២៦ ប្រព័ន្ធផ្លូវដែកកំពុងដំណើរ​ការ​របស់ប្រទេសចិននឹងមានប្រវែងសរុប ១៦៥.០០០គីឡូម៉ែត្រ។ ក្នុងចំណោមនេះ ផ្លូវដែកល្បឿនលឿននឹងមានប្រវែងប្រហែល ៥៤.០០០គីឡូម៉ែត្រ ដែលនាំមុខគេលើពិភពលោក និងស្មើរនឹង ៧០% នៃប្រវែងផ្លូវដែកល្បឿនលឿនសរុបទូទាំងពិភពលោក។

ដោយសម្តែងការកោតសរសើរចំពោះការអភិវឌ្ឍបណ្តាញផ្លូវដែកល្បឿនលឿនរបស់ប្រទេសចិន លោក To Lam អគ្គលេខាបក្ស និងជាប្រធានរដ្ឋ សង្ឃឹមថាប្រទេសទាំងពីរនឹងបន្តពង្រឹងកិច្ចសហប្រតិបត្តិការក្នុងការតភ្ជាប់ដឹកជញ្ជូន រួមទាំងផ្លូវដែកផងដែរ សម្រាប់ការអភិវឌ្ឍបៃតង និងកំណើនជាតិ។

នៅដើមឆ្នាំ២០២៦ ប្រព័ន្ធផ្លូវដែកកំពុង​ដំណើរ​ការ​របស់ប្រទេសចិននឹងមានប្រវែងសរុប ១៦៥.០០០គីឡូម៉ែត្រ

ដោយសង្កត់ធ្ងន់លើសារៈសំខាន់នៃកិច្ចសហប្រតិបត្តិការជាមួយប្រទេសចិនក្នុងវិស័យដឹកជញ្ជូនផ្លូវដែកល្បឿនលឿន លោក To Lam អគ្គលេខាបក្ស និងជាប្រធានរដ្ឋ បានស្នើឱ្យថ្នាក់ដឹកនាំឧស្សាហកម្មផ្លូវដែក និងសហគ្រាសចិនចែករំលែកបទពិសោធន៍ និងផ្តល់ការគាំទ្រ ដោយចូលរួមជាមួយវៀតណាមក្នុងដំណើរការសាងសង់៕

បកប្រែដោយ Thanh Cong