លោក Le Minh Hung នាយករដ្ឋមន្ត្រី វៀតណាមជួបសន្ទនាតាមទូរស័ព្ទជាមួយ លោក ឡរ៉េន វ៉ុង នាយករដ្ឋមន្ត្រីសិង្ហបុរី

លោក ឡរ៉េន វ៉ុង នាយករដ្ឋមន្ត្រីសិង្ហបុរី បានអបអរសាទរ លោក Le Minh Hung នាយករដ្ឋមន្ត្រីវៀតណាមដែលត្រូវបានជ្រើសតាំងជានាយករដ្ឋមន្ត្រីសម្រាប់អាណត្តិឆ្នាំ២០២៦-២០៣១ និង​បង្ហាញពីបំណងចង់សហប្រតិបត្តិការយ៉ាងជិតស្និទ្ធជាមួយ លោក Le Minh Hung នាយករដ្ឋមន្ត្រីវៀតណាម ដើម្បីអភិវឌ្ឍបន្ថែមទៀតនូវភាពជាដៃគូយុទ្ធសាស្ត្រគ្រប់ជ្រុងជ្រោយវៀតណាម-សិង្ហបុរី ក្នុងលក្ខណៈខ្លាំងក្លា ជាក់ស្តែង និងមានប្រសិទ្ធភាព។

លោក Le Minh Hung នាយករដ្ឋមន្ត្រី ជួបសន្ទនាតាមទូរស័ព្ទជាមួយ លោក ឡរ៉េន វ៉ុង នាយករដ្ឋមន្ត្រីសិង្ហបុរី

ដោយថ្លែងអំណរគុណដល់ លោក ឡរ៉េន វ៉ុង នាយករដ្ឋមន្ត្រី ដែលបានជូនលិខិត និងទូរស័ព្ទអបអរសាទរនោះ​ លោក Le Minh Hung នាយករដ្ឋមន្ត្រី បានចែករំលែកថា វៀតណាមជិតចេញគោលនយោបាយថ្មីៗ ដើម្បីទាក់ទាញការវិនិយោគបរទេសកាន់តែច្រើនចូលមកក្នុងប្រទេសវៀតណាម រួមទាំងពីវិនិយោគិនសិង្ហបុរីផងដែរ។ ហើយបានស្នើឲ្យ​មាន​ការគាំទ្រពីសិង្ហបុរីក្នុងការកសាងមជ្ឈមណ្ឌលហិរញ្ញវត្ថុអន្តរជាតិ ការពង្រីក និងធ្វើឱ្យប្រសើរឡើងនូវបណ្តាញតំបន់ឧស្សាហកម្មវៀតណាម-សិង្ហបុរី (VSIPs) ជំនាន់ថ្មី ដែលភ្ជាប់ជាមួយនឹងការផ្ទេរបច្ចេកវិទ្យាខ្ពស់។

លោក Lawrence Wong នាយករដ្ឋមន្ត្រី បានសម្តែងការយល់ព្រមយ៉ាងមុតមាំជាមួយនឹងការវាយតម្លៃ និងសំណើរបស់លោក Le Minh Hung នាយករដ្ឋមន្ត្រី ដោយបញ្ជាក់ថា សិង្ហបុរីឱ្យតម្លៃចំពោះទំនាក់ទំនងរបស់ខ្លួនជាមួយវៀតណាម ហើយត្រៀមខ្លួនរួចជាស្រេចដើម្បីអនុវត្តខ្លឹមសារនៃកិច្ចសហប្រតិបត្តិការដែលបានព្រមព្រៀងគ្នា និងសង្កត់ធ្ងន់លើបំណងចង់ពង្រឹងការផ្លាស់ប្តូរកម្រិតខ្ពស់ កិច្ចសហប្រតិបត្តិការសេដ្ឋកិច្ច កិច្ចសហប្រតិបត្តិការការពារជាតិ និងសន្តិសុខ និងវិស័យផ្សេងៗទៀត ដែលរួមចំណែកដល់សន្តិភាព ស្ថិរភាព និងការអភិវឌ្ឍនៅក្នុងតំបន់។

លោក Lawrence Wong នាយករដ្ឋមន្ត្រី បានថ្លែងថា សិង្ហបុរីនឹងបង្កើនចំនួនសរុបនៃ VSIPs នៅក្នុងប្រទេសវៀតណាមដល់ ៣០ តំបន់ឧស្សាហកម្មនៅឆ្នាំ ២០២៦ ដើម្បីរំលឹកខួបលើកទី ៣០ នៃវត្តមានរបស់​គម្រោងជោគជ័យទាំង​នេះនៅក្នុងប្រទេសវៀតណាម។ ហើយបានប្តេជ្ញាបន្តគាំទ្រវៀតណាមក្នុងការបណ្តុះបណ្តាល និងអភិវឌ្ឍធនធានមនុស្ស ជាពិសេសកម្មាភិបាល​កម្រិតយុទ្ធសាស្ត្រ តាមរយៈការចុះហត្ថលេខាលើកិច្ចព្រមព្រៀងថ្មីស្តីពីការបណ្តុះបណ្តាលបុគ្គលិក និងពង្រីកកម្មវិធីសហប្រតិបត្តិការអភិវឌ្ឍន៍សិង្ហបុរីទៅកាន់តំបន់នានារបស់ប្រទេសវៀតណាម។ នាយករដ្ឋមន្ត្រីសិង្ហបុរីបានសម្តែងទំនុកចិត្តថា ទំនាក់ទំនងទ្វេភាគីនឹងបន្តអភិវឌ្ឍយ៉ាងខ្លាំង ហើយសង្ឃឹមថានឹងបង្កើតនូវរបកគំហើញថ្មីៗនៅក្នុងវិស័យថ្មីៗ ដូចជាការផ្លាស់ប្តូរឥណទានកាបូន និងកិច្ចសហប្រតិបត្តិការក្នុងការធានាសន្តិសុខស្បៀងអាហារ។

នាយករដ្ឋមន្ត្រីទាំងពីរបានព្រមព្រៀងគ្នាពង្រឹងបន្ថែមទៀតនូវទំនុកចិត្តផ្នែកនយោបាយ លើកកម្ពស់ការផ្លាស់ប្តូរគណៈប្រតិភូ និងទំនាក់ទំនងកម្រិតខ្ពស់ និងទំនាក់ទំនងផ្សេងៗទៀត

នាយករដ្ឋមន្ត្រីទាំងពីរបានព្រមព្រៀងគ្នាពង្រឹងទំនុកចិត្តនយោបាយបន្ថែមទៀត លើកកម្ពស់ការផ្លាស់ប្តូរគណៈប្រតិភូ និងទំនាក់ទំនងកម្រិតខ្ពស់ និងទំនាក់ទំនងផ្សេងៗទៀត រក្សាប្រសិទ្ធភាពនៃយន្តការសហប្រតិបត្តិការដែលមានស្រាប់ រួមទាំងយន្តការផ្លាស់ប្តូរប្រចាំឆ្នាំរវាងនាយករដ្ឋមន្ត្រីទាំងពីរ អនុវត្តយន្តការសន្ទនាយុទ្ធសាស្ត្ររវាងគណបក្សកាន់អំណាចទាំងពីរ នៅឆ្នាំ ២០២៦ ក្នុងពេលឆាប់ៗ និងសហការគ្នាក្នុងការធានាសន្តិសុខថាមពល។ ភាគីទាំងពីរក៏បានបញ្ជាក់ពីការប្តេជ្ញាចិត្តក្នុងការផ្តល់អាទិភាពដល់ធនធានសម្រាប់ការអនុវត្តប្រកបដោយប្រសិទ្ធភាពនៃកម្មវិធីសកម្មភាពស្តីពីភាពជាដៃគូយុទ្ធសាស្ត្រគ្រប់ជ្រុងជ្រោយសម្រាប់រយៈពេល ២០២៥-២០៣០។ ភាគីទាំងពីរក៏បានឯកភាពគ្នាលើលទ្ធភាពនៃការចុះហត្ថលេខាលើកិច្ចព្រមព្រៀងអន្តររដ្ឋាភិបាលស្តីពីការជួញដូរអគ្គិសនីកាបូនទាបឆ្លងកាត់ព្រំដែន ដោយបង្កើតក្របខ័ណ្ឌច្បាប់ដើម្បីធានាការអនុវត្តគម្រោងនាំចេញថាមពលខ្យល់ដោយជោគជ័យពីវៀតណាមទៅកាន់សិង្ហបុរី។

នៅក្នុងបរិបទនៃស្ថានភាពអន្តរជាតិដ៏ស្មុគស្មាញ លោក Le Minh Hung នាយករដ្ឋមន្ត្រី បានស្នើឱ្យប្រទេសទាំងពីរពង្រឹងកិច្ចសហប្រតិបត្តិការអាស៊ាន សម្របសម្រួលយ៉ាងជិតស្និទ្ធនៅឆ្នាំ ២០២៧ នៅពេលដែលសិង្ហបុរីធ្វើជាប្រធានអាស៊ាន និងវៀតណាមធ្វើជាម្ចាស់ផ្ទះ APEC លើកកម្ពស់កិច្ចសហប្រតិបត្តិការក្នុងវិស័យការពារជាតិ និងសន្តិសុខ ប្រយុទ្ធប្រឆាំងនឹងឧក្រិដ្ឋកម្មឆ្លងដែន គាំទ្រការសាងសង់ ប្រតិបត្តិការ និងការគ្រប់គ្រងមជ្ឈមណ្ឌលទិន្នន័យជាតិ និងបញ្ញាសិប្បនិម្មិត និងជម្រុញការចរចា COC ដែលមានប្រសិទ្ធភាព និងជាក់ស្តែង​។ ក្នុងឱកាសនេះ លោក Lawrence Wong នាយករដ្ឋមន្ត្រី បានអញ្ជើញលោក Le Minh Hung នាយករដ្ឋមន្ត្រី អញ្ជើញមកបំពេញទស្សនកិច្ចជាផ្លូវការនៅប្រទេសសិង្ហបុរី។

បកប្រែដោយ Duy Hoan