លោកនាយឧត្តមសេនីយ៍ Nguyen Trong Nghia អញ្ជើញចូលរួមពិធីបើកវគ្គហ្វឹកហ្វឺននៅកងពលធំលេខ៥ យោធភូមិភាគទី៧

លោកនាយឧត្តមសេនីយ៍ Nguyen Trong Nghia មានប្រសាន៍នៅក្នុងពិធី

មានប្រសាន៍នៅក្នុងពិធីនេះ លោកនាយឧត្តមសេនីយ៍ Nguyen Trong Nghia បានកោតសរសើរចំពោះ​សមិទ្ធផលលេចធ្លោរបស់កងពលធំលេខ ៥ ក្នុងគ្រប់ទិដ្ឋភាពការងារទាំងអស់​ក្នុងរយៈពេលកន្លងមក និងបានសង្កត់ធ្ងន់ថា៖ គណៈកម្មាធិការបក្ស មេបញ្ជាការ កម្មាភិបាល យុទ្ធជន នៃកងពលធំលេខ ៥ ត្រូវតែបន្តយល់ឲ្យបានស៊ីជម្រៅអំពីទស្សនៈ គោលនយោបាយយោធាការពារជាតិរបស់បក្ស ក៏ដូចជាសេចក្តីសម្រេចចិត្ត សេចក្តីណែនាំ និងសេចក្តីសន្និដ្ឋានរបស់គណៈកម្មាធិការបក្សយោធាមជ្ឈិម ក្រសួងការពារប្រទេស និងគណៈកម្មាធិការបក្ស បញ្ជាការដ្ឋានយោធភូមិភាគទី៧ ស្តីពីការហ្វឹកហ្វឺន ហើយ​រៀបចំការហ្វឹកហ្វឺនយ៉ាងតឹងរ៉ឹង ស្របតាមគោលការណ៍ ទស្សនៈ ដោយយក​ការ​អនុវត្តជាក់ស្តែងជាចម្បង។

ទិដ្ឋភាពនៃពីធីបើកវគ្គហ្វឹកហ្វឺន

លោកនាយឧត្តមសេនីយ៍ Nguyen Trong Nghia បានស្នើសុំឱ្យកងពលធំលេខ៥ បន្តអនុវត្តការងារបក្ស និងការងារនយោបាយប្រកបដោយប្រសិទ្ធភាព។ បង្កើនវិធានការអប់រំ គ្រប់គ្រង ដោះស្រាយសតិអារម្មណ៍ និងបង្កើនការគោរពច្បាប់ វិន័យកងទ័ព។ លើសពីនេះ អង្គភាពនានាត្រូវតែយកចិត្តទុកដាក់ជានិច្ចចំពោះការកសាងបរិយាកាសវប្បធម៌យោធាដ៏ល្អ និងសម្បូរបែប។ ធានាបាននូវជីវភាពរស់នៅខាងសម្ភារៈ និងស្មារតីល្អសម្រាប់កម្មាភិបាល យុទ្ធជន និងអនុវត្តគោលនយោបាយជួយ​គាំទ្រគ្រួសារកងទ័ពប្រកបដោយប្រសិទ្ធភាព និងចូលរួមយ៉ាងសកម្មក្នុងការគាំទ្រប្រជាជននៅតំបន់ក្នុងការអភិវឌ្ឍសេដ្ឋកិច្ចសង្គម ការប្រយុទ្ធប្រឆាំង​នឹង​គ្រោះមហន្តរាយធម្មជាតិ កសាងមូលដ្ឋាននយោបាយនៅតំបន់បានរឹងមាំ។ល៕

បកប្រែដោយ Duy Hoan