ភាគីទាំងពីរបានវាយតម្លៃខ្ពស់ចំពោះលទ្ធផលវិជ្ជមានបន្ទាប់ពីរយៈពេល ១០ ឆ្នាំនៃការចុះហត្ថលេខាលើកិច្ចព្រមព្រៀងពាណិជ្ជកម្មសេរីរវាងវៀតណាម និង EAEU (រួមមានរុស្ស៊ី បេឡារុស កាហ្សាក់ស្ថាន អាមេនី និងកៀហ្ស៊ីស៊ីស្ថាន)។ លោក Pham Minh Chinh នាយករដ្ឋមន្ត្រី បានចាត់ទុកថា ចាំបាច់ត្រូវបន្តជំរុញទំនាក់ទំនងវៀតណាម-EAEU ជាមួយនឹងកិច្ចព្រមព្រៀង និងគម្រោងសហប្រតិបត្តិការជាក់លាក់ ឆ្លៀតយកកិច្ចព្រមព្រៀងនេះឱ្យកាន់តែប្រសើរឡើង បើកចំហទីផ្សារបន្ថែមទៀត ជំរុញពាណិជ្ជកម្ម និងការវិនិយោគ ពង្រីកប្រៀបខ្លាំងដើម្បីបំពេញបន្ថែមជាមួយគ្នាទៅវិញទៅមក។

leftcenterrightdel
លោក Pham Minh Chinh នាយករដ្ឋមន្ត្រី ទទួលជួបលោក Bakytzhan Sagintayev ប្រធានក្រុមប្រឹក្សានៃគណៈកម្មការសេដ្ឋកិច្ចអឺរ៉ាស៊ី (រូបថត៖ vnanet.vn)

ដើម្បីជំរុញកិច្ចសហប្រតិបត្តិការទ្វេភាគីរវាងវៀតណាម និងបណ្តាប្រទេស EAEU និយាយរួមនាពេលខាងមុខ លោកនាយករដ្ឋមន្ត្រីបានស្នើឱ្យបន្តអនុវត្តយន្តការសហប្រតិបត្តិការប្រកបដោយប្រសិទ្ធភាពរវាងភាគីទាំងពីរ ដើម្បីដោះស្រាយឧបសគ្គបច្ចេកទេសឱ្យបានឆាប់រហ័ស។ ប្រទេសជាសមាជិក EAEU គួរតែពិចារណាលុបចោលវិធានការការពារ និងបង្កើនកូតាសម្រាប់ទំនិញមួយចំនួនសម្រាប់វៀតណាម ពង្រីកការនាំចូលទំនិញវៀតណាមដែលមានប្រៀបខ្លាំងដូចជា កសិផល ជលផល គ្រឿងអេឡិចត្រូនិចជាដើម។ ជាមួយគ្នានេះ លោកនាយករដ្ឋមន្ត្រីបានស្នើឱ្យសិក្សាពីទម្រង់នៃការអភិវឌ្ឍខ្សែសង្វាក់ផ្គត់ផ្គង់ ការដឹកជញ្ជូនតាមផ្លូវសមុទ្រ ផ្លូវដែក logistics... ដើម្បីជំរុញការផ្លាស់ប្តូរទំនិញរវាងវៀតណាម ជាមួយតំបន់អាស៊ីកណ្តាល និងប្រទេសសមាជិក EAEU នីមួយៗ។ល។

leftcenterrightdel
លោក Pham Minh Chinh នាយករដ្ឋមន្ត្រី ទទួលជួបលោក Bakytzhan Sagintayev ប្រធានក្រុមប្រឹក្សានៃគណៈកម្មការសេដ្ឋកិច្ចអឺរ៉ាស៊ី (រូបថត៖ vnanet.vn)

លោក Bakytzhan Sagintayev បានវាយតម្លៃខ្ពស់ចំពោះលទ្ធផលគួរឱ្យចាប់អារម្មណ៍ដែលវៀតណាមសម្រេចបានក្នុងរយៈពេលកន្លងមកក្នុងការជំរុញកំណើនសេដ្ឋកិច្ច និងស្ថិរភាពម៉ាក្រូសេដ្ឋកិច្ច។ លោកបានសម្តែងទំនុកចិត្តថា នាពេលខាងមុខ ទំនាក់ទំនងរវាងភាគីទាំងពីរនឹងបន្តត្រូវបានពង្រឹង និងអភិវឌ្ឍយ៉ាងខ្លាំងក្លា។ លោកបានមានប្រសាសន៍ថា សមាជិក EAEU ទាំងអស់ចង់ពង្រឹងកិច្ចសហប្រតិបត្តិការជាមួយវៀតណាម ព្រមទាំងបញ្ជាក់ថា វៀតណាម និង EAEU មានតម្រូវការពង្រឹងកិច្ចសហប្រតិបត្តិការក្នុងដំណាក់កាលថ្មី ហើយសក្តានុពលសម្រាប់កិច្ចសហប្រតិបត្តិការរវាងភាគីទាំងពីរគឺធំធេងណាស់ ជាមួយនឹងការជឿទុកចិត្តខាងនយោបាយខ្ពស់៕

បកប្រែដោយ Huyen Trang