លោកនាយករដ្ឋមន្ត្រី៖ អភិបាលកិច្ចរដ្ឋបាលសាធារណៈដើរតួនាទីយ៉ាងសំខាន់ក្នុងដំណើរការអភិវឌ្ឍប្រទេសជាតិ

នេះគឺជាវិទ្យាស្ថានឯកទេស ដែលអនុវត្តការបណ្តុះបណ្តាលថ្នាក់បរិញ្ញាបត្រ អនុបណ្ឌិត និងបណ្ឌិត; ធ្វើការស្រាវជ្រាវវិទ្យាសាស្ត្រ; ចូលរួមក្នុងកិច្ចសហប្រតិបត្តិការអន្តរជាតិ និងផ្តល់សេវាសាធារណៈក្នុងវិស័យរដ្ឋបាល ការគ្រប់គ្រងរដ្ឋ អភិបាលកិច្ចសាធារណៈ និងច្បាប់។

លោក Pham Minh Chinh នាយករដ្ឋមន្ត្រី នៅក្នុងជំនួបធ្វើការជាមួយវិទ្យាស្ថានរដ្ឋបាល និងអភិបាលកិច្ចសាធារណៈ​ (រូបថត៖ vnanet.vn)

នៅក្នុងជំនួបធ្វើការ លោក Pham Minh Chinh នាយករដ្ឋមន្ត្រីបានបញ្ជាក់ថា អស់រយៈពេល ៧០ ឆ្នាំកន្លងមក ចាប់តាំងពីការបង្កើតឡើង វិទ្យាស្ថានតែងតែជាកម្លាំងស្នូលក្នុងការបណ្តុះបណ្តាល និងបំប៉នកម្មាភិបាល និងមន្ត្រីរដ្ឋការ ដែលមានស្នាដៃលេចធ្លោជាច្រើន និងដើរតួនាទីយ៉ាងសំខាន់ក្នុងដំណើរការអភិវឌ្ឍរបស់ប្រទេសជាតិ។ នៅក្នុងដំណាក់កាលអភិវឌ្ឍន៍ថ្មីរបស់ប្រទេសជាតិ លោក Pham Minh Chinh នាយករដ្ឋមន្ត្រីបានស្នើថា៖ “វិទ្យាស្ថានត្រូវស្ថាបនាប្រព័ន្ធអេកូឡូស៊ីគ្រប់ជ្រុងជ្រោយ និងបរិយាប័ន្ននៃការអប់រំ ការបណ្តុះបណ្តាល និងការស្រាវជ្រាវវិទ្យាសាស្ត្រលើរដ្ឋបាល និងអភិបាលកិច្ចសាធារណៈ នៅក្នុងយុគសម័យថ្មី។ ទីពីរ ត្រូវតែផ្លាស់ប្ដូរថ្មីយ៉ាងខ្លាំងក្លានូវកម្មវិធីបណ្តុះបណ្តាល អប់រំ និងកម្មវិធីស្រាវជ្រាវវិទ្យាសាស្ត្រស្របតាមគោលការណ៍ និងគោលនយោបាយរបស់បក្ស និងរដ្ឋ។ ទីបី វិទ្យាស្ថានត្រូវតែអភិវឌ្ឍដោយឈរលើមូលដ្ឋានដែលផ្តោតលើនិស្សិត ហើយគ្រូបង្រៀនជាកម្លាំងចលករ។ ទីបួន វិទ្យាស្ថាន រួមចំណែកប្រកបដោយប្រសិទ្ធភាពដល់ការអនុវត្តការទម្លុះទម្លាយយុទ្ធសាស្ត្រក្នុងការបណ្តុះបណ្តាលធនធានមនុស្សប្រកបដោយគុណភាពខ្ពស់។ ទីប្រាំ ធ្វើសមាហរណកម្មអន្តរជាតិយ៉ាងសកម្ម ស៊ីជម្រៅ ជាក់ស្ដែង និងប្រកបដោយប្រសិទ្ធភាព”៕

បកប្រែដោយ Thanh Cong