អគ្គលេខាធិការអង្គការអន្តរជាតិហ្រ្វង់កូហ្វូនីកោតសរសើរចំពោះតួនាទី និងការរួមចំណែករបស់វៀតណាម

ក្នុងជំនួប លោកស្រី Louise Mushikiwabo បញ្ជាក់ពីការរួមដំណើរជាមួយវៀតណាម និងប្រទេសសមាជិកដទៃទៀត ក្នុងការពង្រឹងកិច្ចសហប្រតិបត្តិការ និងសាមគ្គីភាព ដើម្បីបម្រើផលប្រយោជន៍របស់ប្រជាជន។ លោកស្រីបានអះអាងថា សហគមន៍ហ្វ្រង់កូហ្វូនី នឹងពង្រឹងកិច្ចសហប្រតិបត្តិការលើវិស័យជាច្រើនជាមួយវៀតណាម រួមទាំងកិច្ចសហប្រតិបត្តិការក្នុងការបង្រៀនភាសាបារាំង និងកិច្ចសហប្រតិបត្តិការសេដ្ឋកិច្ច។

លោកស្រី Nguyen Thi Van Anh ជូនសារតាំងដល់លោកស្រី Louise Mushikiwabo (រូបថត៖  VOV)

រីឯខ្លួនវិញលោកស្រី Nguyen Thi Van Anh ដែលបច្ចុប្បន្នជាប្រធានបេសកកម្មអចិន្ត្រៃយ៍របស់វៀតណាមប្រចាំអង្គការអប់រំ វិទ្យាសាស្ត្រ និងវប្បធម៌នៃអង្គការសហប្រជាជាតិ (UNESCO) បានជម្រាបជូនលោកស្រីអគ្គលេខាធិការអំពីលទ្ធផលវិជ្ជមាន និងជោគជ័យនៃមហាសន្និបាតលើកទី១៤ របស់បក្សកុម្មុយនិស្តវៀតណាម។ លោកស្រីឯកអគ្គរដ្ឋទូតបានបញ្ជាក់ថា វៀតណាមតែងតែយកចិត្តទុកដាក់ចំពោះកិច្ចសហប្រតិបត្តិការជាមួយសហគមន៍ហ្វ្រង់កូហ្វូនី ហើយជាសមាជិកសកម្ម និងមានទំនួលខុសត្រូវនៃអង្គការអន្តរជាតិហ្វ្រង់កូហ្វូនី៕

បកប្រែដោយ Thanh Cong