បេសកជនពិសេសរបស់លោកអគ្គលេខាបក្ស បំពេញទស្សនកិច្ចការងារនៅរុស្ស៊ី ដើម្បីជម្រាបជូនអំពីលទ្ធផលនៃមហាសន្និបាតលើកទី១៤
កប.អនឡាញ - នាថ្ងៃទី២៥ ខែកុម្ភៈ ក្នុងក្របខ័ណ្ឌនៃដំណើរទស្សនកិច្ចការងារនៅសហព័ន្ធរុស្ស៊ី នៅទីស្នាក់ការស្ថានទូតវៀតណាមប្រចាំសហព័ន្ធរុស្ស៊ី លោក Le Hoai Trung បេសកជនពិសេសរបស់លោក To Lam អគ្គលេខាបក្សកុម្មុយនិស្តវៀតណាម រដ្ឋមន្ត្រីក្រសួងការបរទេស បានមានជំនួបជាមួយកម្មាភិបាលទាំងអស់នៃស្ថានទូត តំណាងសហគមន៍យុវជន បញ្ញាវន្ត និងអាណិកជនវៀតណាមនៅសហព័ន្ធរុស្ស៊ី ដើម្បីជម្រាបជូនអំពីលទ្ធផលលេចធ្លោនៃមហាសន្និបាតលើកទី១៤ របស់បក្សកុម្មុយនិស្តវៀតណាម (មហាសន្និបាតលើកទី១៤) និងភារកិច្ចសំខាន់ៗដែលកំណត់ដោយថ្នាក់ដឹកនាំប្រទេស ដើម្បីនាំប្រទេសវៀតណាមឈានចូលក្នុងយុគសម័យថ្មីមួយ។
នៅក្នុងជំនួប លោក Le Hoai Trung រដ្ឋមន្ត្រីក្រសួងការបរទេស បានផ្តោតលើខ្លឹមសារសំខាន់ៗចំនួនបីរួមមាន៖ លទ្ធផលនៃមហាសន្និបាតលើកទី១៤ ទំនាក់ទំនងវៀតណាម-រុស្ស៊ី និងភារកិច្ចដែលបានកំណត់។
    |
 |
|
លោក Le Hoai Trung បេសកជនពិសេសរបស់លោក To Lam អគ្គលេខាបក្ស រដ្ឋមន្ត្រីក្រសួងការបរទេស (រូបថត៖ vnanet.vn) |
ក្នុងនោះ លោក Le Hoai Trung រដ្ឋមន្ត្រីក្រសួងការបរទេស បានសង្កត់ធ្ងន់ថា ក្រោមការដឹកនាំរបស់ថ្នាក់ដឹកនាំជាន់ខ្ពស់របស់ប្រទេសទាំងពីរ ទំនាក់ទំនងវៀតណាម-រុស្ស៊ី បានអភិវឌ្ឍយ៉ាងស្វាហាប់ ដោយសម្រេចបានលទ្ធផលសំខាន់ៗជាច្រើន និងពង្រឹងទំនុកចិត្តលើសក្តានុពល និងអនាគតនៃទំនាក់ទំនងទ្វេភាគី។ ភាគីទាំងពីរបានពិភាក្សាអំពីការរំពឹងទុកជាក់លាក់ជាច្រើន ផ្លាស់ប្តូរលើទិសដៅ និងបង្ហាញពីការប្តេជ្ញាចិត្តអភិវឌ្ឍទំនាក់ទំនងសហប្រតិបត្តិការវៀតណាម-រុស្ស៊ីបន្ថែមទៀត។
ក្នុងជំនួបជាមួយតំណាងនិស្សិត និងយុវជន លោក Le Hoai Trung រដ្ឋមន្ត្រី បានបញ្ជាក់ថា ចាប់ពីឆ្នាំនេះតទៅ សកម្មភាពផ្លាស់ប្តូរនិស្សិតទាក់ទងនឹងការសិក្សានៅប្រទេសរុស្ស៊ី មានការកើនឡើងយ៉ាងខ្លាំងដើម្បីកសាងកម្លាំងកម្មាភិបាលប្រកបដោយគុណភាពខ្ពស់សម្រាប់វៀតណាម៕
បកប្រែដោយ Huyen Trang