យោងតាមកិច្ចព្រមព្រៀងសហប្រតិបត្តិការ សាជីវកម្ម Syntegon នឹងផ្តល់ជូនក្រុមហ៊ុន VNVC នូវខ្សែសង្វាក់ផលិតកម្មវ៉ាក់សាំងទំនើបបំផុតពីអាល្លឺម៉ង់នាពេលបច្ចុប្បន្ន។ ខ្សែសង្វាក់ផលិតកម្មនេះប្រើប្រាស់បច្ចេកវិទ្យា “No Touch Transfer” - ការផ្ទេរសម្ភារៈគ្មានមេរោគដោយមិនប៉ះ ដោយប្រើមនុស្សយន្ត និងបន្ទប់ដាច់ដោយឡែកទាំងស្រុង រួមជាមួយនឹងដំណោះស្រាយគ្រប់គ្រងដំណើរការទំនើបដើម្បីបង្កើនស្វ័យប្រវត្តិកម្មនៅក្នុងតំបន់គ្មានមេរោគ។ ខ្សែសង្វាក់ផលិតកម្មឧបករណ៍ទាំងមូលនឹងត្រូវបានរចនា និងផលិតនៅប្រទេសអាល្លឺម៉ង់ភ្លាមៗបន្ទាប់ពីកិច្ចព្រមព្រៀងត្រូវបានចុះហត្ថលេខា ដោយគ្រោងនឹងត្រូវបានដំឡើងចាប់ពីខែសីហា ឆ្នាំ២០២៧ និងដំណើរការនៅចុងឆ្នាំ២០២៧។

leftcenterrightdel
ក្រុមហ៊ុនវ៉ាក់សាំងវៀតណាម (VNVC) និងសាជីវកម្ម Syntegon (អាល្លឺម៉ង់) ចុះហត្ថលេខាលើកិច្ចព្រមព្រៀងសហប្រតិបត្តិការ

លោក Nguyen Tri Thuc អនុរដ្ឋមន្ត្រីក្រសួងសុខាភិបាលវៀតណាម បានវាយតម្លៃថា ភាពជាម្ចាស់របស់ VNVC លើខ្សែសង្វាក់ផលិតកម្មទំនើបនេះគឺជាព្រឹត្តិការណ៍សំខាន់មួយនៅក្នុងដំណើរការធ្វើសមាហរណកម្មស៊ីជម្រៅនៃវិស័យសុខាភិបាល ការទទួល និងការធ្វើជាម្ចាស់បច្ចេកវិទ្យាផលិតវ៉ាក់សាំងទំនើប និងការកែលម្អសមត្ថភាពបន្តិចម្តងៗក្នុងការផលិតវ៉ាក់សាំងដែលមានគុណភាពខ្ពស់នៅក្នុងប្រទេស៕

បកប្រែដោយ Huyen Trang