វៀតណាម និងគុយបាពង្រឹងកិច្ចសហប្រតិបត្តិការបោះពុម្ពសៀវភៅ

នៅក្នុងជំនួបធ្វើការ ភាគីទាំងពីរបានឯកភាពគ្នាបន្តជំរុញកិច្ចសហប្រតិបត្តិការ និងផ្លាស់ប្តូរបទពិសោធន៍ក្នុងការបោះពុម្ពផ្សាយសៀវភៅបោះពុម្ព និងសៀវភៅឌីជីថល ដោយហេតុនោះផ្សព្វផ្សាយអក្សរសិល្ប៍របស់ប្រទេសនីមួយៗដល់អ្នកអាននៅវៀតណាម គុយបា និងអន្តរជាតិ។ យោងតាមអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការទ្វេភាគី ភាគីនីមួយៗនឹងផ្លាស់ប្តូរកម្មសិទ្ធិបញ្ញាសម្រាប់ស្នាដៃចំនួន ៥ ជារៀងរាល់ឆ្នាំសម្រាប់ការជ្រើសរើស ការបោះពុម្ព និងការចែកចាយនៅក្នុងប្រទេសនីមួយៗ ក៏ដូចជារៀបចំព្រឹត្តិការណ៍សម្ពោធសៀវភៅ និងសិក្ខាសាលាតាមប្រធានបទ។

ទិដ្ឋភាពនៃជំនួប (រូបថត៖ vnanet.vn)

ក្នុងឱកាសនេះ គណៈប្រតិភូបានវៀតណាមប្រគល់ជូនសហភាពអ្នកនិពន្ធ និងសិល្បករគុយបានូវសៀវភៅដ៏មានតម្លៃដូចជា៖ ស៊េរីសៀវភៅអំពីជីវិត និងអាជីពរបស់លោកប្រធាន Phidel Castro; សៀវភៅ "ប្រជាជាតិពីរ ប្រវត្តិសាស្ត្រមួយ" ជាភាសាអេស្ប៉ាញ ដែលបោះពុម្ព ដោយគ្រឹះស្ថានបោះពុម្ពផ្សាយវៀតណាម។ ទាំងនេះគឺជាសៀវភៅដំបូងក្នុងចំណោមសៀវភៅចំនួន ១២ ដែលវៀតណាមនឹងបោះពុម្ព និងផ្តល់ជូនគុយបាតាមការស្នើរបស់ស្ថានទូតគុយបាប្រចាំនៅវៀតណាម៕

បកប្រែដោយ Huyen Trang