យោងតាមទិន្នន័យដែលចេញផ្សាយនៅព្រឹក ថ្ងៃទី ៤ ខែមេសា ដោយអគ្គនាយកដ្ឋានស្ថិតិ (ក្រសួងហិរញ្ញវត្ថុ) ផលិតផលក្នុងស្រុកសរុប (GDP) ក្នុងត្រីមាសទី១ ឆ្នាំ២០២៦ បានកើនឡើង ៧.៨៣% បើប្រៀបធៀបទៅនឹងរយៈពេលដូចគ្នាកាលពីឆ្នាំមុន។ នេះគឺជាលទ្ធផលវិជ្ជមានក្នុងបរិបទស្ថានភាពសេដ្ឋកិច្ចពិភពលោក និងតំបន់ដែលមានភាពប្រែប្រួលជាច្រើន។

ក្នុងរយៈពេលបីខែដំបូងនៃឆ្នាំនេះ វិស័យកសិកម្ម ព្រៃឈើ និងនេសាទបានរក្សាកំណើនស្ថិរភាព ដោយកើនឡើង ៣.៣៦% , ៣.២២% និង ៤.៥១%  បើប្រៀបធៀបទៅនឹងរយៈពេលដូចគ្នាកាលពីឆ្នាំមុន ដែលបញ្ជាក់ពីតួនាទីរបស់ខ្លួនជាសសរស្តម្ភនៃសេដ្ឋកិច្ច ដែលរួមចំណែកដល់សន្តិសុខស្បៀង និងស្ថិរភាពម៉ាក្រូសេដ្ឋកិច្ច។ ផលិតកម្មឧស្សាហកម្មនៅក្នុងត្រីមាសទីមួយនៃឆ្នាំ ២០២៦ ដោយមានវិស័យផលិតកម្មជាកម្លាំងចលករនៃសេដ្ឋកិច្ចទាំងមូល បានកើនឡើងក្នុងអត្រា ៩.៧៣% ដោយរួមចំណែក ៣២.៥២%។

leftcenterrightdel
ផលិតផលក្នុងស្រុកសរុបនៅក្នុងត្រីមាសទីមួយនៃឆ្នាំ ២០២៦ បានកើនឡើង ៧.៨៣% បើប្រៀបធៀបទៅនឹងរយៈពេលដូចគ្នាកាលពីឆ្នាំមុន (រូបថត៖ VNA)

នៅក្នុងវិស័យសេវាកម្ម តម្រូវការអ្នកប្រើប្រាស់ក្នុងអំឡុងពេលបុណ្យចូលឆ្នាំថ្មីប្រពៃណីជាតិវៀតណាម និងការកើនឡើងនៃភ្ញៀវទេសចរអន្តរជាតិមកកាន់ប្រទេសវៀតណាមបានរួមចំណែកដល់ការរីកចម្រើននៃវិស័យពាណិជ្ជកម្ម និងសេវាកម្ម។ ភ្ញៀវទេសចរអន្តរជាតិមកកាន់ប្រទេសវៀតណាមក្នុងរយៈពេលបីខែដំបូងនៃឆ្នាំនេះមានចំនួន ៦.៧៦ លាននាក់ កើនឡើង ១២.៤% បើប្រៀបធៀបទៅនឹងរយៈពេលដូចគ្នាកាលពីឆ្នាំមុន និងជាកម្រិតខ្ពស់បំផុតសម្រាប់ត្រីមាសទីមួយក្នុងប្រវត្តិសាស្ត្រ។

ចំណុចភ្លឺមួយនៅក្នុងរូបភាពសេដ្ឋកិច្ចត្រីមាសទីមួយគឺការទាក់ទាញនៃការវិនិយោគផ្ទាល់ពីបរទេស (FDI) ដោយការវិនិយោគបរទេសដែលបានចុះបញ្ជីសរុបនៅក្នុងប្រទេសវៀតណាមឈានដល់ ១៥.២ ពាន់លានដុល្លារអាមេរិកគិតត្រឹមថ្ងៃទី ៣១ ខែមីនា ឆ្នាំ២០២៦។ សន្ទស្សន៍តម្លៃទំនិញប្រើប្រាស់ និងតួលេខនាំចូល/នាំចេញកំពុងបង្ហាញពីនិន្នាការកើនឡើងវិជ្ជមាន។

អ្នកសេដ្ឋកិច្ច លោកបណ្ឌិត Le Duy Binh បានគូសបញ្ជាក់ពី ដំណោះស្រាយជាច្រើន ដើម្បីរក្សាសន្ទុះកំណើន និងសម្រេចបាននូវគោលដៅកំណើន ១០% ឬច្រើនជាងនេះនៅឆ្នាំនេះ៖

"យើងត្រូវផ្តោតលើវិធានការដើម្បីធ្វើឲ្យស្ថានភាពម៉ាក្រូសេដ្ឋកិច្ចមានស្ថិរភាព។ សង្ឃឹមថា ជម្លោះនៅមជ្ឈិមបូព៌ានឹងធូរស្រាល ហើយការងើបឡើងវិញនៃខឿនសេដ្ឋកិច្ចធំៗមួយចំនួននឹងគាំទ្រដល់ការនាំចេញរបស់វៀតណាម។ ការវិនិយោគសាធារណៈនឹងត្រូវបានជំរុញ ហើយយើងរំពឹងថានឹងចាក់បញ្ចូលដើមទុនទៅក្នុងសេដ្ឋកិច្ចបានលឿន និងមានប្រសិទ្ធភាពជាងមុន"៕

បកប្រែដោយ Duy Hoan