វៀតណាមបង្កើតមូលនិធិអភិវឌ្ឍន៍បញ្ញាសិប្បនិម្មិតជាតិ ដោយសុក្រឹត្យប្រព័ន្ធអេកូឡូស៊ីបញ្ញាសិប្បនិម្មិត
រដ្ឋាភិបាលវៀតណាមទើបបានចេញផ្សាយផែនការអនុវត្តច្បាប់ស្តីពីបញ្ញាសិប្បនិម្មិត។ ផែនការនេះមានគោលបំណងកំណត់ខ្លឹមសារការងារ ពេលវេលា វឌ្ឍនភាព និងការទទួលខុសត្រូវរបស់ភ្នាក់ងារ និងអង្គការពាក់ព័ន្ធ ក្នុងការអនុវត្តច្បាប់ស្តីពីបញ្ញាសិប្បនិម្មិត។
ចំណុចស្នូលនៃផែនការសកម្មភាពសម្រាប់ដំណាក់កាល ២០២៦-២០២៧ គឺការបង្កើតមូលនិធិអភិវឌ្ឍន៍បញ្ញាសិប្បនិម្មិតជាតិ។ ការបង្កើតមូលនិធិនេះ ត្រូវបានរំពឹងថា នឹងបង្កើតធនធានហិរញ្ញវត្ថុប្រកបដោយស្ថិរភាព ដោយជំរុញការស្រាវជ្រាវស៊ីជម្រៅ ការសាកល្បងគំរូថ្មីៗ ជាពិសេសគាំទ្រសហគមន៍អាជីវកម្ម ការចាប់ផ្តើមអាជីវកម្មប្រកបដោយភាពច្នៃប្រឌិត។
រួមជាមួយនឹងធនធានហិរញ្ញវត្ថុ ហេដ្ឋារចនាសម្ព័ន្ធឌីជីថលត្រូវបានកំណត់ជា "ឆ្អឹងខ្នង" នៃប្រព័ន្ធអេកូឡូស៊ីបញ្ញាសិប្បនិម្មិត។ យោងតាមផែនទីបង្ហាញផ្លូវ វៀតណាមនឹងអភិវឌ្ឍចង្កោមបញ្ញាសិប្បនិម្មិតតាមគំរូនៃការរួបបញ្ចូលរវាងបរិយាកាសរូបវន្ត និងបណ្តាញឌីជីថល។ មជ្ឈមណ្ឌលទាំងនេះ នឹងមានទីតាំងនៅក្នុងតំបន់បច្ចេកវិទ្យាខ្ពស់ តំបន់បច្ចេកវិទ្យាឌីជីថល និងមជ្ឈមណ្ឌលនវានុវត្តន៍ ដោយបង្កើតជាប៉ូលកំណើនដើម្បីទាក់ទាញការវិនិយោគពីបរទេស៕
តាម vovworld.vn