លោក To Lam អគ្គលេខាបក្ស៖ ប្តេជ្ញាចិត្តយ៉ាងមុតមាំចំពោះគោលដៅខ្ពស់បំផុតនៃការគ្របដណ្តប់ការថែទាំសុខភាពជូន​ប្រជាជនទាំងមូល

នៅរសៀលថ្ងៃទី២៧ ខែកុម្ភៈ នៅទីក្រុងហាណូយ លោក To Lam អគ្គលេខាបក្ស បានអញ្ជើញចុះសួរសុខទុក្ខ និងអបអរសាទរដល់កម្មាភិបាល បុគ្គលិក នៃមន្ទីរពេទ្យមិត្តភាព ក្នុងឱកាសខួបលើកទី៧១ នៃទិវាគ្រូពេទ្យវៀតណាម (ថ្ងៃទី ២៧ ខែកុម្ភៈ ឆ្នាំ ១៩៥៥ - ថ្ងៃទី ២៧ ខែកុម្ភៈ ឆ្នាំ ២០២៦)។

លោក To Lam អគ្គលេខាបក្ស អញ្ជើញចុះសួរសុខទុក្ខ និងអបអរសាទរដល់កម្មាភិបាល បុគ្គលិក នៃមន្ទីរពេទ្យមិត្តភាព

នៅទីនេះ លោក To Lam អគ្គលេខាបក្ស បានសង្កត់ធ្ងន់ថា ក្នុងរយៈពេលកន្លងមក វិស័យសុខាភិបាលបានរួមចំណែកយ៉ាងសំខាន់ក្នុងការលើកកម្ពស់សុខភាព គុណភាពជីវិត និងអាយុយឺនយូររបស់ប្រជាជន។ នេះមិនត្រឹមតែជាសមិទ្ធផលរបស់វិស័យសុខាភិបាលតែប៉ុណ្ណោះទេ ប៉ុន្តែវាក៏ជាសមិទ្ធផលនៃរបបសង្គមនិយមផងដែរ ដែលជាការបង្ហាញយ៉ាងច្បាស់លាស់អំពីចរិត​ល្អ និងមនុស្សធម៌របស់រដ្ឋវៀតណាម។ យោងតាមលោកអគ្គលេខាបក្ស ប្រទេសជាតិកំពុងចូលដល់ដំណាក់កាលអភិវឌ្ឍន៍ថ្មីមួយ ហើយតម្រូវការដែលដាក់លើវិស័យសុខាភិបាលកាន់តែខ្ពស់ឡើងៗ ជាពិសេសក្នុងការអនុវត្តសេចក្តីសម្រេចចិត្តនៃមហាសន្និបាត លើកទី១៤ របស់បក្ស និងសេចក្តីសម្រេចចិត្តលេខ ៧២ របស់ការិយាល័យនយោបាយ ស្តីពីដំណោះស្រាយដ៏លេចធ្លោមួយចំនួន ដើម្បីពង្រឹងការការពារ ការថែទាំ និងការកែលម្អសុខភាពប្រជាជន។

លោក To Lam អគ្គលេខាបក្ស មានប្រសាសន៍ក្នុងជំនួប

លោកអគ្គលេខាបក្សក៏បានស្នើឲ្យ​មាន​ការយកចិត្តទុកដាក់ក្នុងការកសាងក្រុមបុគ្គលិកពេទ្យដែលមានភាពរឹងមាំខាងទ្រឹស្តីវេជ្ជសាស្ត្រ មានជំនាញខាងបច្ចេកទេសវេជ្ជសាស្ត្រ ជាគំរូល្អខាងសីលធម៌វេជ្ជសាស្ត្រ មានទំនួលខុសត្រូវខ្ពស់ មានចរិតរឹងមាំ និងលះបង់ចំពោះអ្នកជំងឺ។ ជាមួយគ្នានេះ ត្រូវបន្តលើកកម្ពស់ការអនុវត្តវិទ្យាសាស្ត្រ និងបច្ចេកវិទ្យា ច្នៃប្រឌិតវិធីសាស្រ្តគ្រប់គ្រង និងបង្កើនប្រសិទ្ធភាពនៃប្រព័ន្ធថែទាំសុខភាព ដើម្បីបម្រើប្រជាជនឱ្យកាន់តែប្រសើរជាង​មុន​ លឿនជាងមុន និងងាយស្រួលជាងមុន។

បកប្រែដោយ Duy Hoan