«ទិវាការពារព្រំដែនដោយប្រជាជនទាំងមូល» នៅឃុំ Quang Truc

ឃុំ Quang Truc ខេត្ត Lam Dong មានព្រំប្រទល់ប្រវែងជាង ៤១ គីឡូម៉ែត្រ ជាប់នឹងខេត្តមណ្ឌលគីរី ប្រទេសកម្ពុជា ហើយមានជនជាតិចំនួន ២៦ ជនជាតិ ដែលភាគច្រើនជាជនជាតិភាគតិច។ ភូមិសាស្ត្រធំទូលាយ ស្ថានភាពសេដ្ឋកិច្ចសង្គមនៅតែមានការលំបាកជាច្រើន ដែលបង្កហានិភ័យផ្នែកសន្តិសុខ។

ថ្នាក់ដឹកនាំឃុំ Quang Truc (ខេត្ត Lam Dong) ប្រគល់ប័ណ្ឌសរសើរជូនបុគ្គលដែលមានស្នាដៃល្អក្នុងការអនុវត្ត "ទិវាការពារព្រំដែនដោយប្រជាជនទាំងមូល"

ដោយយល់ដឹងច្បាស់ពីតួនាទីពិសេសនៃការងារការពារព្រំដែនក្នុងប៉ុន្មានឆ្នាំថ្មីៗនេះ គណៈកម្មាធិការបក្ស អាជ្ញាធរមូលដ្ឋាននៃឃុំ Quang Truc តែងតែកំណត់ថា ការរៀបចំ «ទិវាការពារព្រំដែនដោយប្រជាជនទាំងមូល» ជាភារកិច្ចនយោបាយដ៏សំខាន់មួយ។

ការផ្សព្វផ្សាយព័ត៌មានអំពី "ទិវាការពារព្រំដែនដោយប្រជាជនទាំងមូល" ត្រូវបានជម្រុញយ៉ាងខ្លាំង ដោយមានសកម្មភាពជាច្រើនដូចជាការរៀបចំកិច្ចប្រជុំតាមភូមិៗ ការរួមបញ្ចូលទិវាទៅក្នុងពិធីបុណ្យសំខាន់ៗ ទិវាមហាសាមគ្គីជាតិ និងផ្សព្វផ្សាយតាមរយៈប្រព័ន្ធផ្សព្វផ្សាយសាធារណៈ និងបណ្តាញសង្គម។

មានសកម្មភាព និងល្បែងប្រជាប្រិយជាច្រើនក្នុង​ទិវា

គោលការណ៍ណែនាំ និងគោលនយោបាយរបស់បក្ស ច្បាប់របស់រដ្ឋស្តីពីព្រំដែនជាតិ ច្បាប់ស្តីពីការងារព្រំដែនវៀតណាម និងយុទ្ធសាស្ត្រការពារព្រំដែនជាតិក្នុងស្ថានភាពថ្មី ត្រូវបានផ្សព្វផ្សាយយ៉ាងទូលំទូលាយដល់កម្មាភិបាល បក្ខជន និងប្រជាជនគ្រប់ស្រទាប់វណ្ណៈ។ តាមរយៈការផ្សព្វផ្សាយនេះ ការយល់ដឹងរបស់ប្រជាជនអំពីការទទួលខុសត្រូវរបស់ពួកគេក្នុងការចូលរួមការការពារអធិបតេយ្យភាព និងសន្តិសុខព្រំដែនជាតិ ត្រូវបានលើកកម្ពស់កាន់តែខ្លាំងឡើង។

នៅក្នុងព្រឹត្តិការណ៍នេះ គណៈកម្មការរៀបចំបានប្រគល់ប័ណ្ឌសរសើរជូនបុគ្គលចំនួន ២១ រូប ដែលមានស្នាដៃល្អក្នុងការអនុវត្ត "ទិវាការពារព្រំដែនដោយប្រជាជនទាំងមូល" និងបានផ្តល់អាហារូបករណ៍ចំនួន ៣៥ ក្រោមគំរូ "កូនធម៌ប៉ុស្តិ៍ការពារព្រំដែន" និងគម្រោង "កម្មាភិបាល យុទ្ធជនក្នុងជួរកងទ័ពជួយគាំទ្រកុមារបានទៅសាលារៀន"៕

បកប្រែដោយ Duy Hoan