ជំរុញទេសចរណ៍វៀតណាមនៅអឺរ៉ុប
កប.អនឡាញ - ចាប់ពីថ្ងៃទី ២៤ ខែមិថុនា ដល់ថ្ងៃទី ២ ខែកក្កដា នាយកដ្ឋានទេសចរណ៍ជាតិវៀតណាមបានរៀបចំកម្មវិធីឧទ្ទេសនាមទេសចរណ៍វៀតណាមនៅទីក្រុងប៉ារីស ប្រទេសបារាំង ទីក្រុង Milan ប្រទេសអ៊ីតាលី និងទីក្រុង Frankfurt ប្រទេសអាល្លឺម៉ង់។
នេះគឺជាផ្នែកមួយនៃសកម្មភាពជាបន្តបន្ទាប់ ដើម្បីជំរុញទេសចរណ៍វៀតណាមនៅអឺរ៉ុប ដែលជាឱកាសសម្រាប់អង្គភាពអាជីវកម្មទេសចរណ៍តភ្ជាប់ បង្កើតទំនាក់ទំនងសហប្រតិបត្តិការអាជីវកម្ម ទាក់ទាញភ្ញៀវទេសចរបារាំង អាល្លឺម៉ង់ និងអ៊ីតាលីនិយាយដោយឡែក និងអឺរ៉ុបនិយាយរួម ចូលមកវៀតណាម និងផ្ទុយទៅវិញ។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/06/28/upload_2117/05.jpg?dpi=150&quality=100&w=500) |
សកម្មភាពផ្សព្វផ្សាយវប្បធម៌ សិល្បៈប្រពៃណីវៀតណាម (រូបថត៖ vov.vn) |
កម្មវិធីឧទ្ទេសនាមទេសចរណ៍វៀតណាមនៅបារាំង អាល្លឺម៉ង់ និងអ៊ីតាលី រួមមានសកម្មភាពជំនួបទ្វេភាគីរវាងទីភ្នាក់ងារទេសចរណ៍ជាតិ ការតភ្ជាប់ B2B រវាងអង្គភាពអាជីវកម្មវៀតណាម និងដៃគូអឺរ៉ុប; កម្មវិធីផ្សព្វផ្សាយវប្បធម៌ និងសិល្បៈប្រពៃណីវៀតណាមដល់សាធារណជនអឺរ៉ុបបានទាក់ទាញការចូលរួមពីក្រុមហ៊ុនទេសចរណ៍ និងមិត្តភក្តិអន្តរជាតិយ៉ាងច្រើនកុះករ។
មកទល់បច្ចុប្បន្ននេះ អឺរ៉ុបនៅតែជាទីផ្សារភ្ញៀវទេសចរសំខាន់សម្រាប់ទេសចរណ៍វៀតណាម។ នៅឆ្នាំ ២០២៣ វៀតណាមទទួលភ្ញៀវទេសចរជាង ១.៤ លាននាក់ កើនឡើង ១៨៧% បើធៀបនឹងឆ្នាំ ២០២២។ ក្នុងរយៈពេលប្រាំខែដំបូងនៃឆ្នាំ ២០២៤ មានភ្ញៀវទេសចរអឺរ៉ុបជាង ៩៧៥ ពាន់នាក់មកវៀតណាម កើនឡើងជាង ៥៧% ក្នុងរយៈពេលដូចគ្នាឆ្នាំមុន៕
បកប្រែដោយ Huyen Trang