"ទិដ្ឋភាពនៃបេតិកភណ្ឌ" តាំងបង្ហាញកេរ្តិ៍ដំណែលចំនួន ២៥ នៅពន្ធនាគារ Hoa Lo

តាំងបង្ហាញឯកសារ និងរូបភាពនៃកេរ្តិ៍ដំណែលប្រវត្តិសាស្ត្រ និងវប្បធម៌ វត្ថុបុរាណបដិវត្តន៍ និងទីតាំងវត្ថុអនុស្សាវរីយ៍នៃព្រឹត្តិការណ៍ចំនួន ២៥ នៅទីក្រុងហាណូយ។ អ្នកស្រី La Bich Thuy បុគ្គលិកនៅមណ្ឌលកេរ្តិ៍ដំណែល Hoa Lo បាននិយាយថា ការដាក់តាំងបង្ហាញ "ទិដ្ឋភាពនៃបេតិកភណ្ឌ" ត្រូវបានគេរំពឹងថា នឹងរួមចំណែកលើកកម្ពស់តម្លៃនៃកេរ្តិ៍ដំណែល ទាក់ទាញអ្នកទស្សនាឱ្យមកទស្សនាកន្លែងប្រវត្តិសាស្ត្រនៅទីតាំងប្រវត្តិសាស្ត្រពន្ធនាគារ Hoa Lo។

អ្នកទេសចរទស្សនាការតាំងពិព័រណ៍នៅពន្ធនាគារ Hoa Lo  (រូបថត៖ ពន្ធនាគារ Hoa Lo)

“កន្លែងតាំងបង្ហាញគឺជាកន្លែងរក្សាទុកនូវអនុស្សាវរីយ៍ ជាកន្លែងកត់សម្គាល់ជ័យជំនះ និងការអភិវឌ្ឍនៃចលនាបដិវត្តន៍វៀតណាម។ ការបង្ហាញក៏ជាការតបស្នងសងគុណ រំលឹកគុណូបការៈ និងពលីកម្មវីរភាពរបស់កម្មាភិបាល យុទ្ធជន ដែលបានតស៊ូដើម្បីឯករាជ្យ និងសេរីភាពរបស់ប្រទេសជាតិ និងដើម្បីទីក្រុងហាណូយ - "ទីក្រុងវីរភាព” “ទីក្រុងដើម្បីសន្តិភាព"។ រួមចំណែកអប់រំទំនៀមទម្លាប់ សេចក្តីស្នេហាជាតិ មោទនភាពជាតិ និងស្មារតីទទួលខុសត្រូវការពារបេតិកភណ្ឌវប្បធម៌ជាតិ ក្នុងបុព្វហេតុកសាង និងអភិវឌ្ឍន៍វប្បធម៌វៀតណាមជឿនលឿនសម្បូររទៅដោយអត្តសញ្ញាណជាតិ”។

ការតាំងពិព័រណ៍ "ទិដ្ឋភាពនៃបេតិកភណ្ឌ" ប្រព្រឹត្តទៅរហូតដល់ថ្ងៃទី ១៥ ខែកញ្ញា នៅទីតាំងប្រវត្តិសាស្ត្រនៃពន្ធនាគារ Hoa Lo៕

តាម vovworld.vn