សកម្មភាពដ៏សប្បាយក្នុងពិធីបុណ្យវៀតណាម-ជប៉ុននៅទីក្រុង Da Nang ២០២៤

កម្មវិធីសម្តែងសិល្បៈនៅមហោស្រពវៀតណាម - ជប៉ុននៅទីក្រុង Da Nang ឆ្នាំ ២០២៤ (រូបថត៖ Tuyet Le/VOV)

ព្រឹត្តិការណ៍នេះត្រូវបានរៀបចំឡើងដើម្បីរួមចំណែកធ្វើឲ្យស៊ីជម្រៅនូវទំនាក់ទំនងសហប្រតិបត្តិការមិត្តភាពរវាងវៀតណាមនិងជប៉ុននិយាយរួម និងរវាងទីក្រុង​ Da Nang​ និងដៃគូជប៉ុននិយាយដោយឡែក។

អញ្ជើញថ្លែងមតិនៅទីនេះ លោកស្រី Nguyen Thi Anh Thi អនុប្រធានគណៈកម្មាធិការប្រជាជនទីក្រុង​ Da Nang បានអះអាងថា ពិធីបុណ្យវៀតណាម-ជប៉ុន គឺជាព្រឹត្តិការណ៍កិច្ចការបរទេសដ៏សំខាន់មួយរបស់ទីក្រុង Da Nang។

“បន្តពីជោគជ័យនៃពិធីបុណ្យវៀតណាម-ជប៉ុននៅទីក្រុង Da Nang​ ឆ្នាំ ២០២៣ ទីក្រុង Da Nang បន្តរៀបចំពិធីបុណ្យវៀតណាម-ជប៉ុនលើកទី ៩ ឆ្នាំ ២០២៤។ នេះគឺជាឆ្នាំដែលបើកចេញដំណាក់កាលអភិវឌ្ឍន៍ថ្មី ប្រកបដោយទស្សនវិស័យ សម្រាប់ទំនាក់ទំនងវៀតណាម-ជប៉ុន បន្ទាប់ពីថ្នាក់ដឹកនាំនៃប្រទេសទាំងពីរបានឯកភាពគ្នាក្នុងការបង្កើនទំនាក់ទំនងទៅជា “ភាព​ជាដៃគូយុទ្ធសាស្ត្រគ្រប់ជ្រុងជ្រោយដើម្បីសន្តិភាព និងវិបុលភាពនៅតំបន់អាស៊ី និងពិភពលោក”។ យើងសប្បាយចិត្តណាស់ នៅពេលដែលតំបន់នានារបស់ជប៉ុនចូលរួមក្នុងមហោស្រពឆ្នាំនេះមានការកើនឡើងខ្លាំងបើធៀបនឹងឆ្នាំមុនៗ”។

អញ្ជើញចូលរួមក្នុងពិធីនេះ លោក Ito Naoki ឯកអគ្គរដ្ឋទូតវិសាមញ្ញ និងពេញសមត្ថភាពរបស់ជប៉ុនប្រចាំនៅវៀតណាម សង្ឃឹមថា មហោស្រពនេះនឹងជាឱកាសមួយដើម្បីជម្រុញចំណាប់អារម្មណ៍របស់ប្រទេសជប៉ុនក្នុងស្រទាប់យុវជនជំនាន់ក្រោយ ជួយពួកគេស្វែងយល់អំពីប្រទេសជប៉ុនកាន់តែស៊ីជម្រៅថែមទៀត៕

តាម vovworld.vn