ផ្សព្វផ្សាយតម្លៃប្រវត្តិសាស្ត្រ និងវប្បធម៌ដ៏វិសេសវិសាលរបស់វៀតណាមតាមរយៈ "ដំណើរកម្សាន្តនិទាឃរដូវមិត្តភាពឆ្នាំ២០២៦"

លោក Nguyen Ngoc Ky ប្រធានសហភាពអង្គការមិត្តភាពទីក្រុងហាណូយ បានមានប្រសាសន៍ថា អាជ្ញាធរឃុំ Huong Son នឹងរៀបចំឯកសារមួយដើម្បីដាក់ជូនអង្គការយូណេស្កូ សម្រាប់ការទទួលស្គាល់កេរ្តិ៍ដំណែលជាតិពិសេស Huong Son ជាតំបន់បេតិកភណ្ឌវប្បធម៌ និងធម្មជាតិពិភពលោកនៅឆ្នាំ ២០៣០។

ប្រតិភូអុជធូបនៅវត្ត Thien Tru (រូបថត៖ គណៈកម្មការរៀបចំ)

ក្នុងក្របខ័ណ្ឌនៃកម្មវិធី ប្រតិភូនានាបានចូលរួមលំហវប្បធម៌ និងវិញ្ញាណដ៏វិសេសវិសាលរបស់រដ្ឋធានីក្នុងរដូវបុណ្យ។ ចំណុចលេចធ្លោនៃដំណើរកម្សាន្តនេះគឺការឆ្លងកាត់បទពិសោធន៍ជិះទូកតាមដងអូរ Yen ឆ្លងកាត់ភ្នំដ៏ស្រស់ស្អាត ទៅកាន់វត្ត Thien Tru ដែលជាស្នាដៃស្ថាបត្យកម្មឆ្នើមមួយរបស់កេរ្តិ៍ដំណែលជាតិពិសេស Huong Son។ នៅទីនេះ ប្រតិភូទាំងឡាយបានគយគនទេសភាព ស្វែងយល់អំពីតម្លៃប្រវត្តិសាស្ត្រ វប្បធម៌ និងចូលរួមសកម្មភាពផ្លាស់ប្តូរ ដាំដើមឈើអនុស្សាវរីយ៍ និងឆ្លងកាត់បទពិសោធន៍ផលិតផលសិប្បកម្មក្នុងភុមិសិប្បកម្មប្រពៃណីក្នុងមូលដ្ឋាន។

ក្នុងឱកាសចូលរួមព្រឹត្តិការណ៍នេះ លោក Saadi Salama ឯកអគ្គរដ្ឋទូតប៉ាឡេស្ទីនប្រចាំនៅវៀតណាម បានសម្តែងនូវការចាប់អារម្មណ៍ចំពោះសម្រស់ដ៏ស្ងប់ស្ងាត់ និងបរិយាកាសខាងវិញ្ញាណដ៏វិសេសវិសាលនៃកេរ្តិ៍ដំណែលជាតិពិសេស Huong Son។ យោងតាមលោក Saadi Salama កម្មវិធី "ដំណើរកម្សាន្តនិទាឃរដូវមិត្តភាព" បានរួមចំណែកដល់ការជួយមិត្តភក្តិអន្តរជាតិឱ្យមានការយល់ដឹងកាន់តែស៊ីជម្រៅអំពីវប្បធម៌ ប្រជាជនវៀតណាម និងជាស្ពានដ៏សំខាន់មួយដើម្បីពង្រឹងការយល់ដឹង សាមគ្គីភាព និងចំណងមិត្តភាពរវាងប្រជាជនវៀតណាមនិយាយរួម និងប្រជាជនទីក្រុងហាណូយនិយាយដោយឡែក ជាមួយមិត្តភក្តិអន្តរជាតិ៕

បកប្រែដោយ Huyen Trang