លោកឧត្តមសេនីយ៍ទោ Tran Vinh Ngoc ប្រធាននយោបាយយោធភូមិភាគទី៧ ជូនពរឆ្នាំថ្មីបញ្ជាការដ្ឋានកងទ័ពជើងគោក និងកងពលតូចលេខ៧០ នៃកងយោធពលខេមរភូមិន្ទ

អញ្ជើញទទួលជួបគណៈប្រតិភូមានលោកនាយឧត្តមសេនីយ៍ ម៉ៅ សុផាន់ អគ្គមេបញ្ជាការរង និងជាមេបញ្ជាការកងទ័ពជើងគោក និងលោកឧត្តមសេនីយ៍ឯក ហែម ថា មេបញ្ជាការកងពលតូចលេខ៧០

លោកនាយឧត្តមសេនីយ៍ ម៉ៅ សុផាន់ ទទួលជួបលោកឧត្តមសេនីយ៍ទោ Tran  Vinh Ngoc

លោកឧត្តមសេនីយ៍ទោ Tran  Vinh Ngoc  ជូនពរឆ្នាំថ្មីបញ្ជាការដ្ឋានកងទ័ពជើងគោក

ក្នុងអំឡុងពេលទស្សនកិច្ចទៅកាន់អង្គភាពផ្សេងៗ លោកឧត្តមសេនីយ៍ទោ Tran Vinh Ngoc បានសម្តែងការរីករាយចំពោះសមិទ្ធផលដែលកម្ពុជាសម្រេចបានក្នុងរយៈពេលប៉ុន្មានឆ្នាំចុងក្រោយនេះ។ លោកក៏បានថ្លែងអំណរគុណដល់បញ្ជាការកងទ័ពជើងគោក ចំពោះការយកចិត្តទុកដាក់ និងការគាំទ្ររបស់ខ្លួនក្នុងការសម្របសម្រួលការអនុវត្តកិច្ចសហប្រតិបត្តិការ និងចងសម្ព័ន្ធមេត្រីភាពជាមួយអង្គភាពចំនួន ៨៧ នៃកងយោធពលខេមរភូមិន្ទ រួមទាំងអង្គភាពចំនួន ៧៧ នៃកងទ័ពជើងគោក។

នៅឆ្នាំ ២០២៥ កងទ័ពជើងគោកកម្ពុជាបានបញ្ជូនយោធិនពីរក្រុមទៅកាន់ប្រទេសវៀតណាមដើម្បីចូលរួមក្នុងពិធីព្យុហយាត្រា ហើយបញ្ជាការដ្ឋានកងទ័ពក៏បានបញ្ជូនក្រុមសិល្បៈមួយទៅសម្តែងក្នុងឱកាសអបអរសាទរខួបលើកទី ៨០ នៃទិវាបុណ្យឯករាជ្យជាតិនៃសាធារណរដ្ឋសង្គមនិយមវៀតណាមផងដែរ។ ជាពិសេស កងទ័ពនៃប្រទេសទាំងពីរបានរៀបចំជំនួបប្រាស្រ័យមិត្តភាពការពារជាតិព្រំដែនវៀតណាម-កម្ពុជាលើកទី ២ ដោយជោគជ័យនៅខេត្តតៃនិញ និងខេត្តស្វាយរៀង។

លោកឧត្តមសេនីយ៍ទោ Tran Vinh Ngoc ជូនពរឆ្នាំថ្មីកងពលតូចលេខ ៧០

ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ លោកឧត្តមសេនីយ៍ទោ Tran Vinh Ngoc បានជូនពរឧត្តមសេនីយ៍ នាយទាហាន នាយទាហានរង និងពលទាហានទាំងអស់នៃបញ្ជាការដ្ឋានកងទ័ពជើងគោក និង​កងពលតូចលេខ៧០ បន្តទទួលបានជោគជ័យ និងសម្រេចភារកិច្ចដែលបានប្រគល់ជូនដោយជោគជ័យ ព្រមទាំងរៀបចំបុណ្យចូលឆ្នាំថ្មីប្រពៃណីជាមួយក្រុមគ្រួសារក្នុងបរិយាកាសកក់ក្តៅ រីករាយ សន្តិភាព និងសប្បាយរីករាយ។ ជូនពរឱ្យទំនាក់ទំនងរវាងយោធភូមិភាគទី៧ និងបញ្ជាការដ្ឋានកងទ័ពជើងគោក និង​កងពលតូចលេខ៧០  កាន់តែជិតស្និទ្ធ និងអភិវឌ្ឍបន្ថែមទៀត។ ជូនពរចំណងសាមគ្គីភាព និងមិត្តភាពរវាងវៀតណាម និងកម្ពុជា កាន់តែរីកចម្រើនខ្លាំងក្លាថែមទៀត។

លោកនាយឧត្តមសេនីយ៍ ម៉ៅ សុផាន់ អគ្គមេបញ្ជាការរង និងជាមេបញ្ជាការកងទ័ពជើងគោក និងលោកឧត្តមសេនីយ៍ឯក ហែម ថា មេបញ្ជាការកងពលតូចលេខ៧០ បានថ្លែងអំណរគុណចំពោះមោ​ន​សញ្ចេត​នាល្អ ​ចំណងមិត្តភាព ភក្ដីភាព និងការលះបង់ដ៏ថ្លៃថ្នូរបស់កងទ័ពស្ម័គ្រចិត្តវៀតណាមក្នុងការជួយប្រជាជនកម្ពុជាឱ្យរួចផុតពីការប្រល័យពូជសាសន៍។ ព្រមទាំងក៏បានជូនពរឱ្យចំណងមិត្តភាព កិច្ចសហប្រតិបត្តិការ និងសាមគ្គីភាពជិតស្និទ្ធរវាងបញ្ជាការដ្ឋានកងទ័ពជើងគោក និង​កងពលតូចលេខ៧០ ជាមួយបញ្ជាការដ្ឋានយោធភូមិភាគទី៧ នៃកងទ័ពប្រជាជនវៀតណាម ត្រូវបានថែរក្សា និងបន្តអភិវឌ្ឍ ដែលរួមចំណែកដល់ការពង្រឹងទំនាក់ទំនងប្រពៃណីដ៏ល្អរវាងវៀតណាម និងកម្ពុជា៕

បកប្រែដោយ Duy Hoan