គណៈកម្មការដឹកនាំលេខ ៥១៥ នៃយោធភូមិភាគទី៧ អញ្ជើញចុះសួរសុខទុក្ខ ត្រួតពិនិត្យ និងប្រគល់ភារកិច្ចជូនក្រុម K70

លោកឧត្តមសេនីយ៍ត្រី Tran Chi Tam មានប្រសាសន៍ក្នុងកិច្ចប្រជុំ​

នៅថ្ងៃទី១៧ ខែមីនា គណៈកម្មការដឹកនាំលេខ ៥១៥ នៃយោធភូមិភាគទី ៧ ដឹកនាំដោយលោកឧត្តមសេនីយ៍ត្រី Tran Chi Tam អនុប្រធាននយោបាយនៃយោធភូមិភាគទី៧ អញ្ជើញចុះសួរសុខទុក្ខ ត្រួតពិនិត្យ និងប្រគល់ភារកិច្ចជូនក្រុម K70 មុនពេលចេញដំណើរ​ទៅកាន់ប្រទេសកម្ពុជា ដើម្បីអនុវត្តបេសកកម្មរុករក និងប្រមូលអដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាម ដែលបានពលីជីវិតក្នុងសម័យសង្គ្រាមនៅ​កម្ពុជា​។ យោងតាមផែនការ នៅក្នុងដំណាក់កាលទី២៥ (រដូវប្រាំង ២០២៥-២០២៦) ក្រុម K70 នឹងអនុវត្តភារកិច្ចរុករក និងប្រមូលអដ្ឋិធាតុយុទ្ធជនពលីនៅខេត្តកំពង់ចាម និងខេត្តត្បូងឃ្មុំ (កម្ពុជា)។

លោកឧត្តមសេនីយ៍ត្រី Tran Tri Tam និងកម្មាភិបាល យុទ្ធជន​នៃក្រុម K70

មានប្រសាសន៍ក្នុងឱកាសនេះ លោកឧត្តមសេនីយ៍ត្រី Tran Tri Tam  បានស្នើឱ្យគណៈកម្មការបក្ស មេបញ្ជាការក្រុម K70 បន្តត្រួតពិនិត្យយានយន្ត និងសម្ភារៈទាំងអស់ឱ្យបានហ្មត់ចត់ មុនពេលចេញដំណើរទៅបំពេញបេសកកម្មនៅកម្ពុជា។ ក្នុងអំឡុងពេលបំពេញបេសកកម្ម កម្មាភិបាល យុទ្ធជន ត្រូវតែយល់ច្បាស់ពីកាតព្វកិច្ច និងការទទួលខុសត្រូវរបស់ខ្លួន រក្សាសាមគ្គីផ្ទៃក្នុង គោរពយ៉ាងតឹងរ៉ឹងនូវវិន័យយោធា និងច្បាប់របស់ប្រទេសសាមី សម្របសម្រួលជាមួយកងកម្លាំងពាក់ព័ន្ធ ប្រមូលព័ត៌មាន រៀបចំស្រាវជ្រាវ រុករក និងខិតខំបំពេញបេសកកម្មឱ្យបានល្អ ធានាសុវត្ថិភាពជាដាច់ខាត៕

បកប្រែដោយ Duy Hoan