គណៈប្រតិភូខេត្តព្រៃវែងអញ្ជើញមកសួរសុខទុក្ខ និងជូនពរឆ្នាំថ្មីដល់ខេត្ត Dong Thap

ទទួលជួបគណៈប្រតិភូមានលោក Pham Thanh Ngai អនុលេខានៃគណៈកម្មាធិការបក្សខេត្ត និងជាប្រធានគណៈកម្មាធិការប្រជាជនខេត្ត Dong Thap ព្រមទាំងតំណាងមកពីមន្ទីរ និងស្ថាប័នពាក់ព័ន្ធ។

ទិដ្ឋភាពនៃជំនួប (រូបថត៖ baodongthap.vn)

ក្នុងជំនួប ភាគីទាំងពីរបានពិភាក្សាអំពីលទ្ធផលនៃកិច្ចព្រមព្រៀងសហប្រតិបត្តិការរវាងខេត្ត Dong Thap ចាស់ និងខេត្តព្រៃវែង។ អាស្រ័យលើនេះខេត្តទាំងពីរបានចុះហត្ថលេខាលើអនុស្សរណៈនៃកិច្ចសហប្រតិបត្តិការលើវិស័យ ដូចជាសន្តិសុខនយោបាយ និងសណ្តាប់ធ្នាប់សង្គមនៅតំបន់ព្រំដែន កិច្ចការព្រំដែន កសិកម្ម ប្រព័ន្ធធារាសាស្ត្រ ពាណិជ្ជកម្ម ទេសចរណ៍ សុខាភិបាល អប់រំ វប្បធម៌ សង្គមកិច្ច និងការអភិវឌ្ឍតំបន់ព្រំដែន។

លោក Pham Thanh Ngai មានប្រសាសន៍ក្នុងជំនួប (រូបថត៖ baodongthap.vn)

តាមរយៈការអនុវត្តកិច្ចសហប្រតិបត្តិការនេះ លទ្ធផលលេចធ្លោជាច្រើនត្រូវបានសម្រេចនៅក្នុងវិស័យជាច្រើន។ ជាពិសេស នៅឆ្នាំ២០២៥ តម្លៃសរុបនៃទំនិញនាំចូល និងនាំចេញឆ្លងកាត់ព្រំដែនរវាងខេត្ត Dong Thap និងខេត្តព្រៃវែងសម្រេចបាន ១.២៥ ពាន់លានដុល្លារអាមេរិក កើនឡើងប្រាំដងបើប្រៀបធៀបទៅនឹងឆ្នាំ២០២២។ ក្នុងនោះ ទំហំនៃការនាំចេញសម្រេចបាន ១១៤ លានដុល្លារអាមេរិក និងការនាំចូលសម្រេចបាន ១.១៣៦ ពាន់លានដុល្លារអាមេរិក។ល។

លោក សួន សូម៉ាលីន អភិបាលខេត្តព្រៃវែង ដែលតំណាងគណៈប្រតិភូ បានជម្រាបជូនអំពីលទ្ធផលនៃកិច្ចសហប្រតិបត្តិការរវាងខេត្តទាំងពីរក្នុងរយៈពេលកន្លងមក។ ក្នុងឱកាសបុណ្យចូលឆ្នាំថ្មីប្រពៃណីជាតិវៀតណាមឆ្នាំ២០២៦ លោក សួន សូម៉ាលីន បានជូនពរដល់ថ្នាក់ដឹកនាំខេត្ត កម្មាភិបាល កងកម្លាំងប្រដាប់អាវុធ និងប្រជាជនខេត្ត Dong Thap ឲ្យមានសុខភាពល្អ សុភមង្គល និងសម្រេចបាននូវសមិទ្ធផល និងជោគជ័យថ្មីៗជាច្រើនថែមទៀត។

លោក Pham Thanh Ngai ប្រគល់អំណោយជូន លោក ស្បោង សារ៉ាត (រូបថត៖ baodongthap.vn)

លោក ស្បោង សារ៉ាត ប្រគល់ផ្កា និងអំណោយដល់ថ្នាក់ដឹកនាំខេត្ត (រូបថត៖ baodongthap.vn)

លោក Pham Thanh Ngai បានយល់ស្របជាមួយនឹងការលើកឡើងរបស់អភិបាលខេត្តព្រៃវែងថាត្រូវតែចុះហត្ថលេខាលើកិច្ចព្រមព្រៀងសហប្រតិបត្តិការថ្មី និងមានប្រសិទ្ធភាពថែមទៀត។ នេះគឺការរួមបញ្ចូលទាំងកិច្ចសហប្រតិបត្តិការក្នុងការអភិវឌ្ឍហេដ្ឋារចនាសម្ព័ន្ធ និងកិច្ចសហប្រតិបត្តិការសេដ្ឋកិច្ចឆ្លងកាត់ព្រំដែនរវាងខេត្តទាំងពីរនាពេលខាងមុខ។ ខេត្ត Dong Thap បន្ទាប់ពីប្របាច់រួមបញ្ចូលគ្នា មានសក្តានុពល និងគុណសម្បត្តិជាច្រើន ជាពិសេសខេត្តទាំងពីរមានភាពស្រដៀងគ្នាក្នុងវិស័យកសិកម្ម និងជលផល។

ថ្នាក់ដឹកនាំខេត្ត Dong Thap និងគណៈប្រតិភូថតរូបអនុស្សាវរីយ៍​ (រូបថត៖ baodongthap.vn)

លោក Pham Thanh Ngai បានសម្តែងក្តីសង្ឃឹមថា ថ្នាក់ដឹកនាំខេត្តទាំងពីរនឹងសិក្សាពីវិធីសាស្ត្រនានា​ដើម្បីកិច្ចសហប្រតិបត្តិការសម្រេចបានលទ្ធផលកាន់តែប្រសើរឡើង។ ក្នុងពេលជាមួយគ្នានេះ ថ្នាក់ដឹកនាំខេត្តសង្ឃឹមថា ថ្នាក់ដឹកនាំខេត្តព្រៃវែងនឹងជួយគាំទ្រប្រជាជនដើមកំណើតវៀតណាមឱ្យមានជីវភាពភាពរស់នៅសុខស្រួល និងសុវត្ថិភាព ដើម្បីអភិវឌ្ឍសេដ្ឋកិច្ច។

ក្នុងឱកាសបុណ្យចូលឆ្នាំថ្មីប្រពៃណីជាតិវៀតណាម តាងនាមថ្នាក់ដឹកនាំខេត្ត Dong Thap លោក Pham Thanh Ngai បានជូនពរគណៈប្រតិភូខេត្តព្រៃវែង ឲ្យមានសុខភាពល្អ និង ជូនពរឲ្យទំនាក់ទំនងសហប្រតិបត្តិការរវាងខេត្តទាំងពីរកាន់តែរឹងមាំ និងអភិវឌ្ឍបន្ថែមទៀតនាពេលខាងមុខ៕

បកប្រែដោយ Duy Hoan