លោកនាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេសកម្ពុជាបានទទួលស្វាគមន៍គណៈប្រតិភូ។

តាងនាមគណៈកម្មាធិការបក្សខេត្ត ក្រុមប្រឹក្សាប្រជាជនខេត្ត គណៈកម្មាធិការប្រជាជនខេត្ត គណៈកម្មាធិការរណសិរ្សមាតុភូមិវៀតណាមខេត្ត An Giang និងប្រជាជនទាំងអស់នៃខេត្ត An Giang លោកស្រី Tran Thi Thanh Huong បានជូនពរលោកនាយឧត្តមសេនីយ៍ សៅ សុខា និងឧត្តមសេនីយ៍ នាយទាហាន នាយទាហានរង ពលទាហាន នៃបញ្ជាការដ្ឋានកងរាជអាវុធហត្ថលើផ្ទៃប្រទេសកម្ពុជា ឲ្យមានសុខភាពល្អ សុភមង្គល និងជោគជ័យគ្រប់ប្រការ។

leftcenterrightdel
ទិដ្ឋភាពនៃជំនួប (រូបថត៖ baoangiang.com.vn)

លោកស្រី Tran Thi Thanh Huong បានជម្រាបជូនអំពីការអនុវត្តភារកិច្ចនយោបាយ និងសមិទ្ធផលនៃការអភិវឌ្ឍសេដ្ឋកិច្ចសង្គមរបស់ខេត្ត An Giang ក្នុងឆ្នាំកន្លងមក។ នាពេលខាងមុខ គណៈកម្មាធិការបក្សខេត្ត An Giang នឹងបន្តដឹកនាំស្ថាប័ន អង្គភាព និងមូលដ្ឋាននានា រក្សា ពង្រឹង និងពង្រីកបន្ថែមទៀតនូវទំនាក់ទំនងសហប្រតិបត្តិការជិតស្និទ្ធរវាងភាគីទាំងពីរ ជាពិសេសបង្កើនសកម្មភាពផ្លាស់ប្តូរ និងកិច្ចសហប្រតិបត្តិការលើវិស័យសន្តិសុខ ពាណិជ្ជកម្ម ទេសចរណ៍ វប្បធម៌ និងអប់រំ។ល។

លោកស្រី Tran Thi Thanh Huong បានសម្តែងក្តីសង្ឃឹមថា លោកនាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេសកម្ពុជា នឹងបន្តយកចិត្តទុកដាក់ និងដឹកនាំកងកម្លាំងព្រំដែនឱ្យសម្របសម្រួលយ៉ាងជិតស្និទ្ធជាមួយខេត្ត An Giang។ ការសម្របសម្រួលនេះមានគោលបំណងរក្សាសន្តិសុខ និងសណ្តាប់ធ្នាប់នៅតំបន់ព្រំដែនគោក និងលើសមុទ្រ ដោយបង្កើតលក្ខខណ្ឌអំណោយផលសម្រាប់ប្រជាជននៃប្រទេសទាំងពីរធ្វើការ អភិវឌ្ឍសេដ្ឋកិច្ច និងលើកកម្ពស់ជីវភាពរស់នៅរបស់ពួកគេ។

តាងនាមបញ្ជាការដ្ឋានកងរាជអាវុធហត្ថលើផ្ទៃប្រទេសកម្ពុជា លោកនាយឧត្តមសេនីយ៍ សៅ សុខា បានថ្លែងអំណរគុណយ៉ាងជ្រាលជ្រៅចំពោះមនោសញ្ចេតនារបស់លោកស្រី Tran Thi Thanh Huong និងគណៈកម្មាធិការបក្ស អាជ្ញាធរ និងប្រជាជនខេត្ត An Giang ចំពោះដំណើរទស្សនកិច្ច និងការជូនពរឆ្នាំថ្មីដល់បញ្ជាការដ្ឋានកងរាជអាវុធហត្ថលើផ្ទៃប្រទេសកម្ពុជា។

លោកនាយឧត្តមសេនីយ៍ សៅ សុខា បានអះអាងថានឹងបន្តសម្របសម្រួលយ៉ាងជិតស្និទ្ធជាមួយកងកម្លាំងខេត្ត An Giang ក្នុងការថែរក្សា ការពារសន្តិសុខ និងសណ្តាប់ធ្នាប់នៅតំបន់ព្រំដែនគោក និងលើសមុទ្រ ប្រកបដោយសុវត្ថិភាព និងស្ថិរភាព៕

បកប្រែដោយ Huyen Trang