តំបន់ប្រតិបត្តិការសឹករងមណ្ឌលគីរីជូនពរឆ្នាំថ្មីបញ្ជាការដ្ឋានយោធាខេត្ត Dak Lak

គណៈប្រតិភូតំបន់ប្រតិបត្តិការសឹករងមណ្ឌលគីរី និងបញ្ជាការដ្ឋានយោធាខេត្ត Dak Lak ជួប​ពិភាក្សាការងារ

គណៈប្រតិភូតំបន់ប្រតិបត្តិការសឹករងមណ្ឌលគីរីជូនពរកម្មាភិបាល យុទ្ធជននៃបញ្ជាការដ្ឋានយោធាខេត្ត Dak Lak មានសុខភាពល្អបរិបូរណ៍ មានសុភមង្គល និងទទួលបានជោគជ័យលើគ្រប់ភារកិច្ចទាំងអស់។ ជូនពរឱ្យចំណងមិត្តភាព និងសាមគ្គីភាពរវាងកងកម្លាំងប្រដាប់អាវុធនៃខេត្ត Dak Lak និងខេត្តមណ្ឌលគីរី កាន់តែជិតស្និទ្ធ និងអភិវឌ្ឍបន្ថែមទៀត។

តំបន់ប្រតិបត្តិការសឹករងមណ្ឌលគីរី វាយតំលៃខ្ពស់ចំពោះការយកចិត្តទុកដាក់ ជំនួយ និងការសម្របសម្រួលរវាងកងកម្លាំងទាំងពីរក្នុងរយៈពេលកន្លងមក ដែលបានរួមចំណែកដល់ការពង្រឹងការពារជាតិ និងសន្តិសុខនៃប្រទេសទាំងពីរ។ ក្នុងការទូតការពារជាតិ មានការផ្លាស់ប្តូរព័ត៌មានជាប្រចាំ ក្តាប់ជាប់ស្ថានភាពព្រំដែន និងសហការយ៉ាងជិតស្និទ្ធក្នុងការដោះស្រាយបញ្ហាពាក់ព័ន្ធ។

តំបន់ប្រតិបត្តិការសឹករងមណ្ឌលគីរី  ជូនពរឆ្នាំថ្មីបញ្ជាការដ្ឋានយោធាខេត្ត Dak Lak

ប្រតិភូថតរូបអនុស្សាវរីយ៍

តាងនាមថ្នាក់ដឹកនាំនៃបញ្ជាការដ្ឋានយោធាខេត្ត Dak Lak  លោកវរសេនីយ៍ឯក Dinh Van Hung ប្រធាននយោបាយនៃបញ្ជាការដ្ឋានយោធាខេត្ត Dak Lak បានបញ្ជាក់ថា ទំនាក់ទំនងល្អ និងមនោសញ្ចេតនាល្អរវាងភាគីទាំងពីរ ដែលបានពូនជ្រំនាពេលកន្លងមកគឺជាភស្តុតាងច្បាស់លាស់នៃចំណងសាមគ្គីភាព មិត្តភាព និងការជួយគ្នាទៅវិញទៅមក តាំងពីសម័យសង្គ្រាមរហូតដល់បច្ចុប្បន្ន ដែលជាកម្លាំងចលករដើម្បីជំរុញការអភិវឌ្ឍបន្ថែមទៀតនាពេលអនាគត៕

បកប្រែដោយ Duy Hoan