បញ្ជាការដ្ឋានទីក្រុងហូជីមិញ ជូនពរឆ្នាំថ្មីនៅតំបន់ប្រតិបត្តិការសឹករងកំពង់ធំ

លោកវរសេនីយ៍ឯក Nguyen Dinh Chuan បានជូនពរនាយទាហាន នាយទាហានរង និងពលទាហាន និងប្រជាជនខេត្តកំពង់ធំ ឱ្យមានសុខភាពល្អ សុភមង្គល វិបុលភាព និងសម្រេចបានសមិទ្ធផលជាច្រើនក្នុងការកសាង និងអភិវឌ្ឍប្រទេសជាតិ។

គណៈប្រតិភូបញ្ជាការដ្ឋានទីក្រុងហូជីមិញ សួរសុខទុក្ខ និងជូនពរឆ្នាំថ្មីនៅតំបន់ប្រតិបត្តិការសឹករងកំពង់ធំ

លោកវរសេនីយ៍ឯក Nguyen Dinh Chuan បានសម្តែងក្តីសង្ឃឹមថា ចំណងសាមគ្គីភាព និងមិត្តភាពប្រពៃណីរវាងវៀតណាម និងកម្ពុជានិយាយរួម និងរវាងកងកម្លាំងប្រដាប់អាវុធនៃទីក្រុងហូជីមិញ និងតំបន់ប្រតិបត្តិការសឹករងកំពង់ធំ ជាពិសេស នឹងត្រូវបានពង្រឹង និងពង្រីកប្រកបដោយចីរភាពបន្ថែមទៀត។

គណៈប្រតិភូបញ្ជាការដ្ឋានទីក្រុងហូជីមិញ ប្រគល់អំណោយដល់ក្រុម K72

ថ្នាក់ដឹកនាំនៃតំបន់ប្រតិបត្តិការសឹករងកំពង់ធំ បានថ្លែងអំណរគុណយ៉ាងជ្រាលជ្រៅចំពោះមនោសញ្ចេតនា និងការយកចិត្តទុកដាក់របស់បញ្ជាការដ្ឋានទីក្រុងហូជីមិញ ព្រមទាំងបានបញ្ជាក់ថា តំបន់ប្រតិបត្តិការសឹករងនឹងបន្តសម្របសម្រួលយ៉ាងជិតស្និទ្ធក្នុងការអនុវត្តភារកិច្ច រួមចំណែករក្សាសន្តិសុខនយោបាយ និងសណ្តាប់ធ្នាប់សុវត្ថិភាពសង្គមនៅតំបន់ព្រំដែន និងពូនជ្រំទំនាក់ទំនងមិត្តភាពសហប្រតិបត្តិការរវាងប្រទេសទាំងពីរឲ្យកាន់តែអភិវឌ្ឍថែមទៀត។

ក្នុងឱកាសនេះ បញ្ជាការដ្ឋានទីក្រុងបានទៅសួរសុខទុក្ខ និងលើកទឹកចិត្តដល់កម្មាភិបាល និងយុទ្ធជននៃក្រុម K72 (បញ្ជាការដ្ឋានយោធាខេត្ត Dong Nai) ដែលកំពុងបំពេញភារកិច្ចស្វែងរក និងប្រមូលអដ្ឋិធាតុកងទ័ពស្ម័គ្រចិត្តវៀតណាមដែលបានពលីជីវិតក្នុងអំឡុងពេលបំពេញកាតព្វកិច្ចអន្តរជាតិនៅកម្ពុជា៕

បកប្រែដោយ Huyen Trang