លោក Tran Cam Tu សមាជិកប្រចាំការ នៃគណៈលេខាមជ្ឈិមបក្ស ជួបសវនាការជាមួយសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា

ក្នុងជំនួប ថ្នាក់ដឹកនាំទាំងពីរបានជម្រាបជូនគ្នាទៅវិញទៅមកអំពីស្ថានភាពនៅក្នុងប្រទេសរៀងៗខ្លួន ហើយបានឯកភាពគ្នាថា នៅក្នុងបរិបទនៃការវិវឌ្ឍដ៏ស្មុគស្មាញ និងមិនអាចទាយទុកជាមុនបាននៅក្នុងពិភពលោក និងតំបន់ ទំនាក់ទំនងសហប្រតិបត្តិការជិតស្និទ្ធរវាងវៀតណាម និងកម្ពុជា ក៏ដូចជារវាងកម្ពុជា ឡាវ និងវៀតណាម ចាំបាច់ត្រូវពង្រឹងជាងពេលណាៗទាំងអស់។

លោក Tran Cam Tu សមាជិកប្រចាំការ នៃគណៈលេខាមជ្ឈិមបក្ស និងសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា

លោក Tran Cam Tu សមាជិកប្រចាំការនៃគណៈលេខាមជ្ឈិមបក្ស បានបញ្ជាក់ថា វៀតណាមតែងតែយកចិត្តទុកដាក់យ៉ាងខ្លាំង និងផ្តល់អាទិភាពខ្ពស់ចំពោះការពង្រឹង និងអភិវឌ្ឍទំនាក់ទំនងមិត្តភាពជាប្រពៃណី និងកិច្ចសហប្រតិបត្តិការលើគ្រប់វិស័យជាមួយកម្ពុជា ដោយចាត់ទុកថានេះជាទ្រព្យសម្បត្តិរួមដ៏មានតម្លៃមិនអាចកាត់ថ្លៃបានរបស់ប្រទេសទាំងពីរ ដែលមានអត្ថន័យជាយុទ្ធសាស្ត្រសម្រាប់ស្ថិរភាព និងការអភិវឌ្ឍរបស់ប្រទេសនីមួយៗ។ ដើម្បីពង្រឹង និងពង្រីកទំនាក់ទំនងភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការលើគ្រប់វិស័យ និងស្ថិតស្ថិរយូរអង្វែងរវាងគណបក្សទាំងពីរ និងប្រទេសទាំងពីរ ភាគីទាំងពីរបានឯកភាពគ្នាបន្តពង្រឹងទំនុកចិត្តនយោបាយ អនុវត្តជាក់ស្តែងលទ្ធផលនៃដំណើរទស្សនកិច្ចផ្លូវរដ្ឋរបស់លោក To Lam អគ្គលេខាបក្ស និងជាប្រធានរដ្ឋ និងលទ្ធផលនៃកិច្ចប្រជុំរវាងគណៈអចិន្ត្រៃយ៍នៃគណបក្សទាំងពីរក្នុងខែកុម្ភៈ ឆ្នាំ២០២៦ រួមទាំងការអភិវឌ្ឍ និងការចុះហត្ថលេខាលើកម្មវិធីសកម្មភាពរួមគ្នា ដើម្បីអនុវត្តការប្តេជ្ញាចិត្ត និងកិច្ចព្រមព្រៀងកម្រិតខ្ពស់រវាងប្រទេសទាំងពីរ។

ថ្នាក់ដឹកនាំទាំងពីរក៏បានឯកភាពគ្នាពង្រឹងការផ្លាស់ប្តូរ និងទំនាក់ទំនងនៅកម្រិតខ្ពស់ និងគ្រប់កម្រិត លើកកម្ពស់កិច្ចសហប្រតិបត្តិការបន្ថែមទៀតរវាងក្រសួង ស្ថាប័ន មូលដ្ឋាននានា និងការផ្លាស់ប្ដូរប្រជាជន និង​ប្រជាជន។ ភ្ជាប់ទំនាក់ទំនងពាណិជ្ជកម្ម វិនិយោគ ហេដ្ឋារចនាសម្ព័ន្ធ ហិរញ្ញវត្ថុ និងធនាគារ និងខ្សែសង្វាក់ផ្គត់ផ្គង់ ដោយបង្កើតលក្ខខណ្ឌអំណោយផលសម្រាប់អង្គភាពអាជីវកម្មនៃប្រទេសទាំងពីរ ដើម្បីពង្រីកកិច្ចសហប្រតិបត្តិការ។ កិច្ចសហប្រតិបត្តិការក្នុងការអប់រំ និងបណ្តុះបណ្តាល ជាពិសេសក្នុងការបណ្តុះបណ្តាលធនធានមនុស្សដែលមានគុណភាពខ្ពស់។ ការសម្របសម្រួលក្នុងការប្រយុទ្ធប្រឆាំងនឹងឧក្រិដ្ឋកម្ម រួមទាំងឧក្រិដ្ឋកម្មឆ្លងដែន។ កិច្ចខិតខំប្រឹងប្រែងដើម្បីបញ្ចប់ការខ័ណ្ឌសីមា បោះបង្គោលព្រំដែន  រួមគ្នាកសាងព្រំដែនសន្តិភាព មិត្តភាព កិច្ចសហប្រតិបត្តិការ និងអភិវឌ្ឍប្រកបដោយចីរភាព។

លោក Tran Cam Tu សមាជិកប្រចាំការ នៃគណៈលេខាមជ្ឈិមបក្ស ជួបសវនាការជាមួយសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា

ភាគីទាំងពីរក៏បានឯកភាពគ្នាក្នុងការលើកកម្ពស់ការឃោសនា និងការអប់រំអំពីចំណងមិត្តភាពជាប្រពៃណី សាមគ្គីភាព និងការជួយគ្នាទៅវិញទៅមករវាងប្រទេសទាំងពីរ និងលើកកម្ពស់ការផ្លាស់ប្តូរប្រជាជន ជាពិសេសការពង្រឹងចំណងមិត្តភាពរវាងយុវជននៃប្រទេសទាំងពីរ ដោយហេតុនេះពង្រឹងមូលដ្ឋានគ្រឹះសង្គម លើកកម្ពស់ចំណងមិត្តភាព និងបង្កើតការឯកភាពគ្នា និងការគាំទ្រពីប្រជាជននៃប្រទេសទាំងពីរសម្រាប់ការអភិវឌ្ឍទំនាក់ទំនងវៀតណាម-កម្ពុជា។ លោក Tran Cam Tu សមាជិកប្រចាំការនៃគណៈលេខាមជ្ឈិមបក្ស បានស្នើឱ្យភាគីទាំងពីរសម្របសម្រួលយ៉ាងជិតស្និទ្ធក្នុងការរៀបចំសកម្មភាពនានាដើម្បីរំលឹកខួបលើកទី ៦០ នៃការបង្កើតទំនាក់ទំនងការទូតរវាងវៀតណាម និងកម្ពុជា (ថ្ងៃទី ២៤ ខែមិថុនា ឆ្នាំ១៩៦៧ / ថ្ងៃទី២៤ ខែមិថុនា ឆ្នាំ២០២៧) ដោយហេតុនេះលើកតម្កើងតម្លៃប្រវត្តិសាស្ត្រដ៏ធំធេងនៃចំណងមិត្តភាពជាប្រពៃណី សាមគ្គីភាព និងការជួយទៅវិញទៅមករវាងប្រទេសទាំងពីរ និងរក្សាតម្លៃនៃចំណងសាមគ្គីភាព មិត្តភាពជិតស្និទ្ធ  ដែលជាទ្រព្យសម្បត្តិមានអាចកាត់ថ្លៃបានសម្រាប់មនុស្សជំនាន់ក្រោយ។

ក្នុងឱកាសនេះ លោក Tran Cam Tu សមាជិកប្រចាំការនៃគណៈលេខាមជ្ឈិមបក្ស បានស្នើឱ្យភាគីកម្ពុជាបន្តយកចិត្តទុកដាក់លើការដោះស្រាយបញ្ហាឋានៈស្រប​ច្បាប់ ដើម្បីឱ្យប្រជាជនដើមកំណើតវៀតណាមនៅកម្ពុជាអាចមានជីវភាពរស់នៅដោយស្ថិរភាព និងរួមចំណែកវិជ្ជមានដល់ការអភិវឌ្ឍដ៏រុងរឿងរបស់កម្ពុជា និងទំនាក់ទំនងទ្វេភាគី៕

បកប្រែដោយ Duy Hoan