ជម្រុញការដោះដូរពាណិជ្ជកម្មរវាងសហគមន៍ធុរកិច្ចវៀតណាម និងកម្ពុជា

ក្នុងជំនួបពិភាក្សាជាមួយលោកស្រីឯកអគ្គរាជទូត លោក Bui Tat Thang បានអបអរសាទរចំពោះសមិទ្ធផលសេដ្ឋកិច្ចសង្គមដែលកម្ពុជាសម្រេចបាននាពេលកន្លងនេះ។ លោកបានសង្កត់ធ្ងន់ថា វៀតណាម និងកម្ពុជា គឺជាប្រទេសជិតខាងជិតស្និទ្ធ ដែលតែងតែប្រកៀកស្មាគ្នា។ នៅក្នុងអាស៊ាន VASEAN បានបញ្ជាក់ថាទំនាក់ទំនងរវាងប្រទេសទាំងពីរគឺជាទ្រព្យសម្បត្តិដ៏មានតម្លៃ ដែលគប្បីបន្តរក្សា និងពូនជ្រំ។

លោក Bui Tat Thang ជួបពិភាក្សាជាមួយលោកស្រី ទូច សុផារ័ត្ន (រូបថត៖ Mekong ASEAN)

លោក Bui Tat Thang ក៏បានកំណត់បេសកកម្មស្នូលរបស់សមាគម VASEAN គឺជាស្ពានជួយគាំទ្រដល់កិច្ចសហប្រតិបត្តិការអភិវឌ្ឍសេដ្ឋកិច្ច និងតភ្ជាប់ពាណិជ្ជកម្មរវាងសហគមន៍ធុរកិច្ចនៃប្រទេសទាំងពីរ។ យោងតាមលោក សកម្មភាពរបស់សមាគមមិនត្រឹមតែជាការផ្លាស់ប្តូរពាណិជ្ជកម្មប៉ុណ្ណោះទេ ប៉ុន្តែថែមទាំងរួមចំណែកដល់ការលើកកម្ពស់ការយល់ដឹង ដែលបង្កើតមូលដ្ឋានគ្រឹះសម្រាប់សាមគ្គីភាព និងការអភិវឌ្ឍប្រកបដោយចីរភាពរវាងប្រទេសទាំងពីរផងដែរ។

លោកប្រធានសមាគម VASEAN បានសម្តែងបំណងប្រាថ្នាចង់សហការយ៉ាងជិតស្និទ្ធជាមួយស្ថានទូតកម្ពុជា ដើម្បីសម្រេចបាននូវគំនិតផ្តួចផ្តើមសហប្រតិបត្តិការសេដ្ឋកិច្ច រក្សាការផ្លាស់ប្តូរជាប្រចាំ និងផ្តោតលើការបង្កើនការតភ្ជាប់ពាណិជ្ជកម្មរវាងសហគមន៍ធុរកិច្ចនៃប្រទេសទាំងពីរ។

លោកស្រី ទូច សុផារ័ត្ន ឯកអគ្គរាជទូតកម្ពុជាប្រចាំប្រទេសវៀតណាម បានថ្លែងអំណរគុណចំពោះថ្នាក់ដឹកនាំសមាគម VASEAN ដែលបានមកអបអរសាទរក្នុងឱកាសបុណ្យចូលឆ្នាំថ្មីកម្ពុជា។ លោកស្រីឯកអគ្គរាជទូតកម្ពុជា បានសង្កត់ធ្ងន់លើការគាំទ្រដ៏មានតម្លៃរបស់វៀតណាមចំពោះប្រទេសកម្ពុជា ចាប់ពីការតស៊ូដើម្បីឯករាជ្យភាព រហូតដល់ការការពារជាតិ និងការអភិវឌ្ឍបច្ចុប្បន្ន។ ក្នុងនាមជាសមាជិកសកម្មរបស់អាស៊ាន វៀតណាម និងកម្ពុជានឹងតែងតែជាប្រទេសជិតខាងជិតស្និទ្ធ ដោយគាំទ្រគ្នាទៅវិញទៅមកក្នុងវេទិកាអន្តរជាតិ និងសហការយ៉ាងជិតស្និទ្ធដើម្បីគោលដៅអភិវឌ្ឍន៍រួម។

លោកស្រី ទូច សុផារ័ត្ន ក៏បានបញ្ជាក់ផងដែរថា នឹងបន្តសហការយ៉ាងជិតស្និទ្ធជាមួយសមាគម VASEAN ដើម្បីជម្រុញទំនាក់ទំនងពាណិជ្ជកម្ម និងការផ្លាស់ប្តូររវាងធុរកិច្ច និងប្រជាជននៃប្រទេសទាំងពីរ៕

បកប្រែដោយ Thuy Anh