ប្រព័ន្ធផ្សព្វផ្សាយជប៉ុន និងអន្តរជាតិជូនព័ត៌មានព្រងព្រៀតអំពីលោក To Lam អគ្គលេខាបក្ស និងជាប្រធានរដ្ឋវៀតណាម

បន្ទាប់ពីរដ្ឋសភាវៀតណាមបានជ្រើសតាំងលោក To Lam អគ្គលេខាបក្ស ឲ្យកាន់តំណែងជាប្រធានរដ្ឋវៀតណាម ទីភ្នាក់ងារសារព័ត៌មានក្យូដូរបស់ជប៉ុនបានជូនដំណឹងយ៉ាងឆាប់រហ័សដោយវិភាគថា " ទំនុកចិត្តកម្រិតខ្ពស់របស់លោក To Lam គឺអាស្រ័យលើលទ្ធផលជាក់ស្តែងនៃការកែទម្រង់ សំដៅជំរុញការអភិវឌ្ឍសេដ្ឋកិច្ចក៏ដូចជាតួនាទីការទូតដ៏លេចធ្លោរបស់លោក"។ ក្យូដូបានដកស្រង់សុន្ទរកថារបស់លោក To Lam អគ្គលេខាបក្ស និងជាប្រធានរដ្ឋ ដោយបង្ហាញពីការប្តេជ្ញាចិត្តរបស់លោកក្នុងការលើកកម្ពស់ជីវភាពរស់នៅរបស់ប្រជាជន លើកកម្ពស់កំណើនប្រកបដោយចីរភាព និងពង្រីកការចូលរួមចំណែកដល់សន្តិភាព និងស្ថិរភាពនៅលើពិភពលោក។

លោក To Lam អគ្គលេខាបក្ស និងជាប្រធានរដ្ឋ ស្បថចូលកាន់តំណែង (រូបថត៖ baochinhphu.vn)

ក្នុងទំព័រជាភាសាជប៉ុនរបស់ខ្លួន Reuters ដែលជាទីភ្នាក់ងារព័ត៌មានធំជាងគេបំផុតមួយរបស់ពិភពលោក ក៏បានជូនព័ត៌មានយ៉ាងឆាប់រហ័ស និងស៊ីជម្រៅអំពីព្រឹត្តិការណ៍នេះផងដែរ។ Reuters បានដកស្រង់សុន្ទរកថារបស់លោក To Lam អគ្គលេខាបក្ស និងជាប្រធានរដ្ឋដោយសង្កត់ធ្ងន់លើការបង្កើត "ទម្រង់កំណើនថ្មីដែលពឹងផ្អែកលើវិទ្យាសាស្ត្រ និងបច្ចេកវិទ្យា កំណែទម្រង់ និងការធ្វើបរិវត្តកម្មឌីជីថល" ហើយផ្តល់អាទិភាពដល់ "ការការពារជាតិដោយខ្លួនទីពឹងខ្លួន"។

កាសែត ស្ថានីយ៍វិទ្យុ និងទូរទស្សន៍ជប៉ុនជាច្រើនទៀត ចាប់ពីថ្នាក់មជ្ឈិមដល់មូលដ្ឋាន ក៏បានជូនព័ត៌មានយ៉ាងទូលំទូលាយអំពីព្រឹត្តិការណ៍នេះផងដែរ ដោយកត់សម្គាល់ថា នេះជាព្រឹត្តិការណ៍ដ៏សំខាន់មួយដែលរួមចំណែកដល់ការអភិវឌ្ឍរបស់វៀតណាម ដែលជាដៃគូឈានមុខគេមួយរបស់ជប៉ុនលើវិស័យជាច្រើន៕

បកប្រែដោយ Huyen Trang