លោក Le Minh Hung ត្រូវបានបោះឆ្នោតជ្រើសតាំងឱ្យកាន់តំណែងជានាយករដ្ឋមន្ត្រីសម្រាប់អាណត្តិ ២០២៦-២០៣១
កប.អនឡាញ - នារសៀលថ្ងៃទី ៧ ខែមេសា នៅក្នុងសម័យប្រជុំលើកទីមួយនៃរដ្ឋសភានីតិកាលទី ១៦ លោក Le Minh Hung សមាជិកការិយាល័យនយោបាយ លេខាមជ្ឈិមបក្ស ប្រធានគណៈចាត់តាំងមជ្ឈិមបក្ស ត្រូវបានរដ្ឋសភាជ្រើសតាំងឲ្យកាន់តំណែងជានាយករដ្ឋមន្ត្រីសម្រាប់អាណត្តិ ២០២៦-២០៣១។
សេចក្តីសម្រេចចិត្តបោះឆ្នោតជ្រើសតាំងលោក Le Minh Hung ជានាយករដ្ឋមន្ត្រី ត្រូវបានរដ្ឋសភាអនុម័ត ដោយមានប្រតិភូមានវត្តមានចំនួន ៤៩៥/៤៩៥ គាំទ្រ (ស្មើនឹង ១០០% នៃចំនួនប្រតិភូសរុប)។
    |
 |
|
លោក Le Minh Hung នាយករដ្ឋមន្ត្រីវៀតណាម |
បន្ទាប់ពីរដ្ឋសភាអនុម័តលើសេចក្តីសម្រេចជ្រើសតាំងនាយករដ្ឋមន្ត្រី លោក Le Minh Hung បានស្បថចូលកាន់តំណែង។
ក្រោមទង់ជាតិដ៏ពិសិដ្ឋ នៅចំពោះមុខរដ្ឋសភា ប្រជាជន និងអ្នកបោះឆ្នោតទូទាំងប្រទេស លោក Le Minh Hung នាយករដ្ឋមន្ត្រីវៀតណាម បានស្បថថា៖ ស្មោះត្រង់ជាដាច់ខាត់ចំពោះមាតុភូមិ ចំពោះប្រជាជន និងចំពោះរដ្ឋធម្មនុញ្ញនៃសាធារណរដ្ឋសង្គមនិយមវៀតណាម ខិតខំបំពេញភារកិច្ចដែលបក្ស រដ្ឋ និងប្រជាជនប្រគល់ជូន៕
បកប្រែដោយ Huyen Trang