ប្រព័ន្ធផ្សព្វផ្សាយក្នុងតំបន់វាយតម្លៃខ្ពស់ចំពោះវឌ្ឍនភាពគួរឱ្យកត់សម្គាល់នៅក្នុងរចនាសម្ព័ន្ធថ្នាក់ដឹកនាំរបស់ប្រទេសវៀតណាម
កប.អនឡាញ - នៅថ្ងៃទី៧ ខែមេសា ប្រព័ន្ធផ្សព្វផ្សាយនៅក្នុងប្រទេសចិន រុស្ស៊ី សិង្ហបុរី ថៃ ជប៉ុន និងឥណ្ឌា បានផ្សព្វផ្សាយព័ត៌មានអំពីការដែល លោក To Lam អគ្គលេខាបក្ស ត្រូវបានរដ្ឋសភាជ្រើសតាំងឲ្យកាន់តំណែងជាប្រធានរដ្ឋវៀតណាមសម្រាប់អាណត្តិ ២០២៦-២០៣១។ សារព័ត៌មានអន្តរជាតិបានវាយតម្លៃថា នេះជាព្រឹត្តិការណ៍ដ៏សំខាន់មួយ ដែលបញ្ជាក់ពីកិត្យានុភាពក្នុងការដឹកនាំ ដោយផ្តល់អាទិភាពដល់កំណើនសេដ្ឋកិច្ច កំណែទម្រង់ និងការលើកកម្ពស់តួនាទីរបស់វៀតណាម។
ប្រព័ន្ធផ្សព្វផ្សាយក្នុងតំបន់ និងអន្តរជាតិនាថ្ងៃទី ៧ ខែមេសា បានបោះពុម្ពផ្សាយអត្ថបទវាយតម្លៃអំពីការបោះឆ្នោតជ្រើសតាំងមុខតំណែងថ្នាក់ដឹកនាំរបស់ប្រទេសវៀតណាម។
នាថ្ងៃទី៧ ខែមេសា ប្រព័ន្ធផ្សព្វផ្សាយចិន រួមទាំងទីភ្នាក់ងារសារព័ត៌មានស៊ីនហួរ ទូរទស្សន៍កណ្តាលចិន (CCTV) និង Global Times បានផ្សព្វផ្សាយអំពីការដែលលោក To Lam អគ្គលេខាបក្ស ត្រូវបានរដ្ឋសភាជ្រើសតាំងឲ្យកាន់តំណែងជាប្រធានរដ្ឋវៀតណាមសម្រាប់អាណត្តិ ២០២៦-២០៣១។
    |
 |
|
លោក To Lam អគ្គលេខាបក្ស និងជាប្រធានរដ្ឋវៀតណាម |
ទីភ្នាក់ងារសារព័ត៌មានស៊ីនហួរបានដកស្រង់សុន្ទរកថាចូលកាន់មុខតំណែងរបស់លោក To Lam អគ្គលេខាបក្ស និងជាប្រធានរដ្ឋ ក្នុងនោះបានបញ្ជាក់ថា ភារកិច្ចចម្បងគឺរក្សាបរិយាកាសសន្តិភាព និងស្ថិរភាព ជម្រុញការអភិវឌ្ឍប្រទេសជាតិប្រកបដោយចីរភាព និងលើកកម្ពស់ជីវភាពរស់នៅរបស់ប្រជាជន។
ប្រព័ន្ធផ្សព្វផ្សាយសិង្ហបុរីបានផ្សព្វផ្សាយអំពីការដែលលោក To Lam អគ្គលេខាបក្ស ត្រូវបានរដ្ឋសភាជ្រើសតាំងឲ្យកាន់តំណែងជាប្រធានរដ្ឋវៀតណាមសម្រាប់អាណត្តិ ២០២៦-២០៣១។ កាសែត The Straits Times និង CNA (សិង្ហបុរី) បានសន្និដ្ឋានថា ការសម្រេចចិត្តនេះគឺជាព្រឹត្តិការណ៍ដ៏សំខាន់មួយនៅក្នុងរចនាសម្ព័ន្ធថ្នាក់ដឹកនាំរបស់ប្រទេសវៀតណាម។
ប្រព័ន្ធផ្សព្វផ្សាយថៃ ជាពិសេស nationthailand.com បានសង្កត់ធ្ងន់លើការប្តេជ្ញាចិត្តរបស់លោក To Lam អគ្គលេខាបក្ស និងជាប្រធានរដ្ឋ ក្នុងការផ្លាស់ប្តូរគំរូអភិវឌ្ឍឆ្ពោះទៅរកសេដ្ឋកិច្ចច្នៃប្រឌិត បច្ចេកវិទ្យាខ្ពស់ និងលើកកម្ពស់ជីវភាពរស់នៅរបស់ប្រជាជន។
កាសែត Nikkei Asia (តូក្យូ) នៅប្រទេសជប៉ុន បានផ្សព្វផ្សាយអត្ថបទមួយក្រោមចំណងជើងថា “លោក To Lam អគ្គលេខាបក្សកុម្មុយនិស្តវៀតណាម ក្លាយជាប្រធានរដ្ឋ បំពេញតួនាទីទាំងពីរតែម្តង”។ អត្ថបទនេះកត់សម្គាល់ថា អាណត្តិថ្មីរបស់លោក To Lam អគ្គលេខាបក្ស និងជាប្រធានរដ្ឋ បានផ្តោតទៅលើការផ្ដល់អាទិភាពដល់កំណើនសេដ្ឋកិច្ច កំណែទម្រង់គោលនយោបាយ ការកែលម្អប្រសិទ្ធភាពនៃយន្តការគ្រប់គ្រង និងផ្តោតលើគម្រោងហេដ្ឋារចនាសម្ព័ន្ធសំខាន់ៗ។
ទន្ទឹមនឹងនេះ គេហទំព័រ devdiscourse របស់ឥណ្ឌាបានសន្និដ្ឋានថា ក្រោមការដឹកនាំរបស់លោក To Lam អគ្គលេខាបក្ស និងជាប្រធានរដ្ឋ ប្រទេសវៀតណាមបន្តរក្សាតួនាទីតុល្យភាពក្នុងគោលនយោបាយការបរទេស ដោយពង្រឹងតួនាទីរបស់ខ្លួននៅក្នុងតំបន់ ខណៈពេលដែលជម្រុញការអភិវឌ្ឍសេដ្ឋកិច្ច៕
បកប្រែដោយ Duy Hoan