លោក Nguyen Manh Cuong អនុរដ្ឋមន្ត្រីក្រសួងការបរទេសវៀតណាម ជូនពរឆ្នាំថ្មី Bun Pimay របស់ឡាវ និងចូលឆ្នាំថ្មីរបស់កម្ពុជា
កប.អនឡាញ - នាព្រឹកថ្ងៃទី ៦ ខែមេសា ក្នុងឱកាសបុណ្យចូលឆ្នាំថ្មី Bun Pimay របស់ឡាវ និងបុណ្យចូលឆ្នាំថ្មីប្រពៃណីជាតិរបស់កម្ពុជា លោក Nguyen Manh Cuong អនុរដ្ឋមន្ដ្រីក្រសួងការបរទេស បានដឹកនាំគណៈប្រតិភូក្រសួងការបរទេសវៀតណាម អញ្ជើញទៅជូនពរឆ្នាំថ្មីដល់ស្ថានទូតឡាវ និងកម្ពុជាប្រចាំទីក្រុងហាណូយ។
នៅស្ថានទូតឡាវប្រចាំទីក្រុងហាណូយ ក្នុងបរិយាកាសដ៏កក់ក្តៅនៃបុណ្យចូលឆ្នាំថ្មី Bun Pimay លោក Nguyen Manh Cuong បានជូនពរបវមហាប្រសើរជូនដល់លោកស្រី Khamphao Ernthavanh ឯកអគ្គរដ្ឋទូតឡាវប្រចាំទីក្រុងហាណូយ រួមទាំងកម្មាភិបាលនិងបុគ្គលិកទាំងអស់នៃស្ថានទូត និងបក្ស រដ្ឋ និងប្រជាជនឡាវជាបងប្អូន សូមជូនពរឱ្យឡាវបន្តការអភិវឌ្ឍ និងវិបុលភាព។
    |
 |
|
គណៈប្រតិភូក្រសួងការបរទេសវៀតណាម និងបុគ្គលិកនៃស្ថានទូតឡាវប្រចាំទីក្រុងហាណូយថតរូបជុំគ្នា (រូបថត៖ dangcongsan.vn) |
លោក Nguyen Manh Cuong បានសង្កត់ធ្ងន់ថា លទ្ធផលនៃកិច្ចសហប្រតិបត្តិការប្រកបដោយប្រសិទ្ធភាពលើគ្រប់វិស័យរវាងប្រទេសទាំងពីរក្នុងរយៈពេលប៉ុន្មានឆ្នាំចុងក្រោយនេះបន្ដជាសក្ខីភាពដ៏រស់រវើកនៃ “ចំណងមិត្តភាពដ៏អស្ចារ្យ សាមគ្គីភាពពិសេស កិច្ចសហប្រតិបត្តិការគ្រប់ជ្រុងជ្រោយ និងការតភ្ជាប់ជាយុទ្ធសាស្ត្រ” រវាងវៀតណាម និងឡាវ ដែលជាទ្រព្យសម្បត្តិមិនអាចកាត់ថ្លៃបានរបស់ប្រជាជាតិទាំងពីរ។
តាងនាមស្ថានទូត លោកស្រី Khamphao Ernthavanh បានថ្លែងអំណរគុណយ៉ាងជ្រាលជ្រៅចំពោះមនោសញ្ចេតនារបស់លោក Nguyen Manh Cuong និងគណៈប្រតិភូក្រសួងការបរទេសវៀតណាម។
លោកស្រី Khamphao Ernthavanh ឯកអគ្គរដ្ឋទូត បានបញ្ជាក់ថា ស្ថានទូតនឹងសហការយ៉ាងជិតស្និទ្ធជាមួយក្រសួងការបរទេស និងស្ថាប័នពាក់ព័ន្ធវៀតណាមនានា ដើម្បីរៀបចំយ៉ាងសកម្មនូវរាល់សកម្មភាពការទូតកម្រិតខ្ពស់ ពិនិត្យនិងអនុវត្តប្រកបដោយប្រសិទ្ធភាពនូវកិច្ចព្រមព្រៀងកម្រិតខ្ពស់ តាមរយៈនោះ រួមចំណែកដល់ការពង្រឹង និងពង្រីកសាមគ្គីភាពពិសេសរវាងវៀតណាម និងឡាវបន្ថែមទៀត។
នៅស្ថានទូតកម្ពុជា ក្នុងបរិយាកាសដ៏រីករាយ និងកក់ក្ដៅនៃបុណ្យចូលឆ្នាំថ្មីប្រពៃណីជាតិរបស់កម្ពុជា លោក Nguyen Manh Cuong បានជូនពរបវមហាប្រសើរដល់លោកស្រី Touch Sopharath ឯកអគ្គរាជទូត និងបុគ្គលិកនៃស្ថានទូតកម្ពុជាប្រចាំទីក្រុងហាណូយ។
|
|
 |
|
លោក Nguyen Manh Cuong អនុរដ្ឋមន្ត្រី និងលោកស្រី Touch Sopharath ឯកអគ្គរាជទូតកម្ពុជាប្រចាំទីក្រុងហាណូយ (រូបថត៖ dangcongsan.vn) |
លោក Nguyen Manh Cuong អនុរដ្ឋមន្ត្រី បានសម្តែងការជឿជាក់ថា កម្ពុជានឹងបន្តសម្រេចបាននូវសមិទ្ធផលយ៉ាងធំធេង និងគ្រប់ជ្រុងជ្រោយបន្ថែមទៀតក្នុងការកសាង និងអភិវឌ្ឍប្រទេសជាតិ។
លោកស្រី Touch Sopharath ឯកអគ្គរាជទូតកម្ពុជាប្រចាំទីក្រុងហាណូយ បានថ្លែងអំណរគុណយ៉ាងជ្រាលជ្រៅចំពោះលោក Nguyen Manh Cuong អនុរដ្ឋមន្ត្រី និងគណៈប្រតិភូ បានមកជូនពរឆ្នាំថ្មី ហើយចាត់ទុកថា នេះជាសក្ខីភាពដ៏រស់រវើកនៃចំណងមិត្តភាពជាប្រពៃណី និងជិតស្និទ្ធរវាងប្រជាជាតិទាំងពីរ៕
បកប្រែដោយ Pham Diep