សេនាធិការដ្ឋាននៃយោធភូមិភាគទី ៧ ពង្រីកកិច្ចសហប្រតិបត្តិការជាមួយកងពលធំអន្តរាគមន៍លេខ ២ កងយោធពលខេមរភូមិន្ទ

គណៈប្រតិភូយោធភូមិភាគទី ៧ ដឹកនាំដោយលោកវរសេនីយ៍ឯក  Phung The Hung សេនាធិការរងនៃយោធភូមិភាគទី ៧។ ក្នុងឱកាសនេះ លោកវរសេនីយ៍ឯក Phung The Hung បានជូនពរបវមហាប្រសើរដល់នាយទាហាន និងពលទាហាននៃកងពលធំអន្តរាគមន៍លេខ ២ និងក្រុមគ្រួសារ  ព្រមទាំងជម្រាបជូននូវលទ្ធផលនៃការអនុវត្តភារកិច្ចរបស់សេនាធិការដ្ឋាននៃយោធភូមិភាគទី ៧ ក្នុងឆ្នាំ២០២៥ និងពិភាក្សា និងវាយតម្លៃលើលទ្ធផលនៃកិច្ចសហប្រតិបត្តិការរវាងអង្គភាពទាំងពីរក្នុងរយៈពេលកន្លងមក។

លោកវរសេនីយ៍ឯក  Phung The Hung  ជូនពរឆ្នាំថ្មីដល់កងពលធំអន្តរាគមន៍លេខ ២

លោកវរសេនីយ៍ឯក Phung The Hung បានសង្កត់ធ្ងន់ថា "ទំនាក់ទំនងមិត្តភាព និងសាមគ្គីភាពរវាងកងកម្លាំងប្រដាប់អាវុធនៃប្រទេសទាំងពីរ គឺជាទ្រព្យសម្បត្តិមិនអាចកាត់តម្លៃបានឡើយ។  នៅពេលខាងមុខ ភាគីទាំងពីរគួរតែបង្កើនការផ្លាស់ប្តូរព័ត៌មាន សម្របសម្រួលនិងក្ដាប់ជាប់នូវស្ថានការណ៍  និងជៀសវាងភាពអសកម្ម ឬ ជាយថាហេតុ បន្ដសហការក្នុងការស្វែងរកនិងជីកគាស់អដ្ឋិធាតុយុទ្ធជនពលី ព្រមទាំងគាំទ្រដល់ជនដើមកំណើតវៀតណាម និងអាជីវកម្មវៀតណាមដែលកំពង់រស់នៅ និងធ្វើការដោយស្របច្បាប់នៅប្រទេសកម្ពុជា"។

កងពលធំអន្តរាគមន៍លេខ ២ ប្រគល់អំណោយដល់គណៈប្រតិភូសេនាធិការដ្ឋាននៃយោធភូមិភាគទី ៧

លោកឧត្ដមសេនីយ៍ឯក កែវ ធី មេបញ្ជាការរងកងទ័ពជើងគោក មេបញ្ជាការកងពលធំអន្តរាគមន៍លេខ ២ បានថ្លែងអំណរគុណយ៉ាងជ្រាលជ្រៅចំពោះមនោសញ្ចេតនា  និងការគាំទ្ររបស់សេនាធិការដ្ឋាននៃយោធាភូមិភាគទី៧ ព្រមទាំងបញ្ជាក់ថា នឹងបន្តសហការយ៉ាងជិតស្និទ្ធក្នុងការអនុវត្តភារកិច្ច រួមចំណែកពូនជ្រំសាមគ្គីភាព និងមិត្តភាពជាប្រពៃណីដ៏ល្អប្រសើររវាងប្រទេសទាំងពីរ ឆ្លើយតបតម្រូវការនៃភារកិច្ចក្នុងស្ថានភាពថ្មី។

គួររំលឹកថា មុននេះ គណៈប្រតិភូសេនាធិការដ្ឋាននៃយោធភូមិភាគទី ៧ អញ្ជើញទៅដាក់កម្រងផ្កា និងអុជធូបគោរពវិញ្ញាណក្ខន្ធវីរជនពលីនៅស្ដូបអនុស្សាវរីយ៍កងទ័ពស្ម័គ្រចិត្តវៀតណាមនៅទីក្រុងសៀមរាប ខេត្តសៀមរាប៕

បកប្រែដោយ Pham Diep