ពង្រឹងកិច្ចសហប្រតិបត្តិការរវាងកងកម្លាំងប្រដាប់អាវុធខេត្ត Lam Dong និងបណ្តាខេត្តរបស់កម្ពុជា

នៅមូលដ្ឋានទាំងនេះ គណៈប្រតិភូបានបញ្ជាក់ថា ចំណងសាមគ្គីភាព មិត្តភាពជាប្រពៃណី ស្មោះត្រង់ និងរឹងមាំរវាងវៀតណាម និងកម្ពុជា និយាយរួម និងរវាងខេត្ត Lam Dong និងតំបន់នានារបស់កម្ពុជានិយាយដោយឡែក ត្រូវបានពង្រឹង និងពង្រីកកាន់តែខ្លាំងឡើង។

គណៈប្រតិភូបញ្ជាការដ្ឋានយោធាខេត្ត Lam Dong ជូនពរឆ្នាំថ្មីនៅតំបន់ប្រតិបត្តិការសឹករងកំពង់ឆ្នាំង

គណៈប្រតិភូក៏បានជម្រាបជូនអំពីចំណុចសំខាន់ៗមួយចំនួននៃការអភិវឌ្ឍសេដ្ឋកិច្ចសង្គមរបស់ខេត្ត Lam Dong និងលទ្ធផលនៃការអនុវត្តភារកិច្ចយោធា និងការពារជាតិក្នុងមូលដ្ឋានរបស់កងកម្លាំងប្រដាប់អាវុធខេត្តក្នុងរយៈពេលកន្លងមក។ ភាគីវៀតណាមបានសង្ឃឹមថា នាពេលខាងមុខភាគីកម្ពុជានឹងបន្តពង្រឹងការសម្របសម្រួលក្នុងសកម្មភាពផ្លាស់ប្តូរព័ត៌មាន រក្សាសន្តិសុខនយោបាយ សណ្តាប់ធ្នាប់ និងសុវត្ថិភាពសង្គមនៅតំបន់ព្រំដែន រួមចំណែកពូនជ្រំទំនាក់ទំនងមិត្តភាព និងសាមគ្គីភាពរវាងប្រទេសទាំងពីរ។

គណៈប្រតិភូបញ្ជាការដ្ឋានយោធាខេត្ត Lam Dong អុជធូបគោរពវិញ្ញាណក្ខន្ធយុទ្ធវីរជននៅស្តូបមិត្តភាព វៀតណាម-កម្ពុជា ក្នុងខេត្តកំពង់ឆ្នាំង

ក្នុងក្របខ័ណ្ឌនៃដំណើរទស្សនកិច្ចការងារនេះ គណៈប្រតិភូបានទៅសួរសុខទុក្ខ និងផ្តល់អំណោយដល់ក្រុម K71 (បញ្ជាការដ្ឋានយោធាខេត្ត Tay Ninh) ដែលកំពុងបំពេញភារកិច្ចស្វែងរក និងប្រមូលអដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាមដែលបានពលីជីវិតនៅកម្ពុជា ព្រមទាំងទៅទស្សនាវិមានរំលឹកវិញ្ញាណក្ខន្ធរណសិរ្សលេខ ៤៧៩ ដាក់កម្រងផ្កា និងអុជធូបគោរពវិញ្ញាណក្ខន្ធយុទ្ធវីរជននៅស្តូបមិត្តភាពវៀតណាម-កម្ពុជា ក្នុងខេត្តកំពង់ឆ្នាំង៕

បកប្រែដោយ Huyen Trang