បញ្ជាការដ្ឋានយោធាខេត្ត An Giang ជូនពរឆ្នាំថ្មីប្រពៃណីដល់អង្គភាពនានានៅកម្ពុជា

ក្នុងបរិយាកាសដ៏កក់ក្តៅ និងពោរពេញទៅដោយមិត្ដភាព គណៈប្រតិភូបញ្ជាការដ្ឋានយោធាខេត្ត An Giang បានជូនពរឆ្នាំថ្មីប្រពៃណីដល់នាយទាហាន នាយទាហានរង និងពលទាហាននៅប៉ុស្ដិ៍នគរបាលច្រកទ្វារព្រំដែនអន្តរជាតិភ្នំដិន តំបន់ប្រតិបត្ដិការសឹករងតាកែវ និងតំបន់ប្រតិបត្ដិការសឹករងកំពង់ស្ពឺ មានសុខភាពល្អ សុភមង្គល និងជោគជ័យគ្រប់ភារកិច្ច។

លោកវរសេនីយ៍ឯក  Nguyen Van Hien មេបញ្ជាការរងបញ្ជាការដ្ឋានយោធាខេត្ត An Giang (ខាងឆ្វេង) ជូនពរឆ្នាំថ្មីនៅប៉ុស្ដិ៍នគរបាលច្រកទ្វារព្រំដែនអន្តរជាតិភ្នំដិន

គណៈប្រតិភូជូនពរឆ្នាំថ្មីនៅតំបន់ប្រតិបត្ដិការសឹករងតាកែវ

ក្នុងឱកាសនេះ គណៈប្រតិភូបញ្ជាការដ្ឋានយោធាខេត្ត An Giang បានថ្លែងអំណរគុណយ៉ាងជ្រាលជ្រៅចំពោះការយកចិត្តទុកដាក់របស់អាជ្ញាធរ កងកម្លាំងប្រដាប់អាវុធ និងប្រជាជនកម្ពុជាបង្កលក្ខណៈងាយស្រួលសម្រាប់ក្រុម K៩៣ អនុវត្ដប្រកបដោយប្រសិទ្ធភាពក្នុងការរុករក និងជីកគាស់អដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាមដែលពលីជីវិតកាលពីសម័យសង្គ្រាមនៅកម្ពុជា។

ក្នុងពេលជាមួយគ្នានេះ គណៈប្រតិភូបញ្ជាការដ្ឋានយោធាខេត្ត An Giang សង្ឃឹមថា នាពេលខាងមុខ ភាគីទាំងពីរបន្តសហការយ៉ាងល្អក្នុងការផ្លាស់ប្តូរព័ត៌មាន ក្ដាប់ជាប់នូវស្ថានភាព រក្សាស្ថិរភាពតាមបណ្តោយព្រំដែន​ កសាងនិងរឹតបន្ដឹងសាមគ្គីភាពពិសេសរវាងកងកម្លាំងប្រដាប់អាវុធខេត្ត An Giang និងអង្គភាពនានារបស់ភាគីកម្ពុជា។

គណៈប្រតិភូបញ្ជាការដ្ឋានយោធាខេត្ត An Giang លើកទឹកចិត្តនិងប្រគល់អំណោយដល់នាយទាហាន នាយទាហានរង និងពលទាហាននៃក្រុម K៩៣ ដែលកំពុងបំពេញបេសកកម្មនៅខេត្តកំពង់ស្ពឺ

ក្នុងឱកាសនេះ គណៈប្រតិភូបញ្ជាការដ្ឋានយោធាខេត្ត An Giang លើកទឹកចិត្ត​ និងប្រគល់អំណោយដល់នាយទាហាន នាយទាហានរង និងពលទាហាននៃក្រុម K៩៣ ដែលកំពុងបំពេញបេសកកម្មនៅខេត្តកំពង់ស្ពឺ៕

បកប្រែដោយ Pham Diep