វៀតណាមត្រៀមខ្លួនជាស្រេចសហប្រតិបត្តិការជាមួយស្វីសក្នុងផែនទីបង្ហាញផ្លូវអភិវឌ្ឍន៍ថ្មី

លោក Le Hoai Trung រដ្ឋមន្ត្រីក្រសួងការបរទេសវៀតណាម ទទួលជួបលោកស្រី Helene Budliger Artieda រដ្ឋលេខាធិការក្រសួងសេដ្ឋកិច្ច អប់រំ និងស្រាវជ្រាវស្វីស

លោក Le Hoai Trung បានសង្កត់ធ្ងន់លើការវិវឌ្ឍដ៏ល្អរវាងប្រទេសទាំងពីរក្នុងរយៈពេលកន្លងមក ព្រមទាំងបញ្ជាក់ថា វៀតណាមកំពុងអនុវត្តផែនទីបង្ហាញផ្លូវអភិវឌ្ឍន៍ថ្មី ដោយផ្តោតលើការជំរុញការអភិវឌ្ឍវិទ្យាសាស្ត្រ បច្ចេកវិទ្យា និងនវានុវត្តន៍ ដើម្បីកសាងវិស័យឧស្សាហកម្ម និងសេវាកម្មទំនើប។ លោក Le Hoai Trung រដ្ឋមន្ត្រីក៏បានបញ្ជាក់ថា វៀតណាមត្រៀមខ្លួនជាស្រេចសហប្រតិបត្តិការជាមួយស្វីសក្នុងការអនុវត្តផែនទីបង្ហាញផ្លូវនេះ។

ទិដ្ឋភាពនៃជំនួប

លោកស្រី Helene Budliger Artieda រដ្ឋលេខាធិការបានជូនដំណឹងពីលទ្ធផលនៃការចរចាជុំថ្មីៗនេះលើកិច្ចព្រមព្រៀងពាណិជ្ជកម្មសេរីរវាងវៀតណាម និងសមាគមពាណិជ្ជកម្មសេរីអឺរ៉ុប (EFTA) ដោយបញ្ជាក់ថា ភាគីទាំងពីរបានដោះស្រាយភាពខុសគ្នាជាមូលដ្ឋានរបស់ពួកគេ ដើម្បីបញ្ចប់ការចរចាក្នុងពេលឆាប់ៗនេះ។ លោកស្រី Helene Budliger Artieda បានសង្កត់ធ្ងន់ថា ការចុះហត្ថលេខាលើកិច្ចព្រមព្រៀងនេះនឹងបើកដំណាក់កាលថ្មីនៃកិច្ចសហប្រតិបត្តិការរវាងវៀតណាម និងក្រុមប្រទេស EFTA ដោយផ្តល់ឱកាសសម្រាប់វិនិយោគិនស្វីសក្នុងការពង្រីកប្រតិបត្តិការនៅវៀតណាម។ ភាគីទាំងពីរបានឯកភាពគ្នាពន្លឿនការចរចា និងអនុវត្តកិច្ចព្រមព្រៀងពាណិជ្ជកម្មសេរីរវាងវៀតណាម និង EFTA នាពេលឆាប់ៗ ដែលធ្វើឱ្យស្វីសក្លាយជាវិនិយោគិនមួយក្នុងចំណោមវិនិយោគិនកំពូលទាំង ១០ នៅវៀតណាម៕

បកប្រែដោយ Huyen Trang