ម្ចាស់ឆ្នោតជាង ៩៩% នៅទូទាំងប្រទេសបានទៅបោះឆ្នោតជ្រើសរើសសមាជិករដ្ឋសភា និងក្រុមប្រឹក្សាប្រជាជនគ្រប់លំដាប់ថ្នាក់

នៅពេលដែលការបោះឆ្នោតបានបញ្ចប់ ការិយាល័យបោះឆ្នោតនៅទូទាំងប្រទេសនៅរក្សាស្ថិរភាព សណ្តាប់ធ្នាប់ និងគោរពបទប្បញ្ញត្តិស្ដីពីបោះឆ្នោត។ ប្រជាជនជឿទុកចិត្ត និងគាំទ្រការបោះឆ្នោត។ ការចូលរួមយ៉ាងសកម្មរបស់ម្ចាស់ឆ្នោតបានបង្ហាញពីការយល់ឃើញយ៉ាងស៊ីជម្រៅអំពីតម្លៃនៃសន្លឹកឆ្នោត​។

ម្ចាស់ឆ្នោតនៅភូមិ Muong Va  ឃុំ Sop Cop (ខេត្ត Son La) បោះឆ្នោត

ប្រព័ន្ធផ្សព្វផ្សាយក្នុងប្រទេស និងអន្តរជាតិបន្តតាមដាន និងធ្វើបច្ចុប្បន្នភាពអំពីការវិវត្តនៃការបោះឆ្នោត។ ការផ្សាយព័ត៌មានផ្តោតលើស្ថានភាពជាក់ស្ដែងនៃការបោះឆ្នោតនៅក្នុងខេត្ត ក្រុង និងការិយាល័យបោះឆ្នោត រួមទាំងការបោះឆ្នោតរបស់ថ្នាក់ដឹកនាំបក្ស និងរដ្ឋ   កងកម្លាំងប្រដាប់អាវុធ ម្ចាស់ឆ្នោតវ័យចំណាស់ ម្ចាស់ឆ្នោតវ័យក្មេងលើកដំបូងទៅបោះឆ្នោត ជនជាតិភាគតិច ម្ចាស់ឆ្នោតនៅតំបន់ព្រំដែន កោះ តំបន់ភ្នំ និងតំបន់ជួបការលំបាក ៗល។

កម្មាភិបាលនៃប៉ុស្តិ៍ការពារព្រំដែន Lung Cu  កងទ័ពការពារព្រំដែនខេត្ត Tuyen Quang ណែនាំម្ចាស់ឆ្នោតក្នុងការបោះឆ្នោត

លើសពីនេះ ប្រព័ន្ធផ្សព្វផ្សាយអន្តរជាតិជាច្រើនក៏យកចិត្តទុកដាក់ និងផ្សព្វផ្សាយព័ត៏មានអំពីថ្ងៃបោះឆ្នោតរបស់វៀតណាមដូចជា៖ TASS, Sputnik, RT (រុស្ស៊ី), ទីភ្នាក់ងារសារព័ត៌មាន KPL Lao, Pasaxon (ឡាវ), The Straits Times (សិង្ហបុរី), Nikkei Asia (ជប៉ុន), ទីភ្នាក់ងារសារព័ត៌មាន Yonhap (កូរ៉េខាងត្បូង),... គិតត្រឹមម៉ោង ៧ យប់ថ្ងៃ១៥ ខែមីនា មានអត្ថបទចំនួន ៦.៤០២ បានចុះផ្សាយការបោះឆ្នោតក្នុងកាសែត  ទស្សនាវដ្តី និងច្រកទ្វារអេឡិចត្រូនិកៗល៕

បកប្រែដោយ Pham Diep