នេះគឺជាសកម្មភាពមួយក្នុងចំណោមសកម្មភាពនានាក្នុងក្របខ័ណ្ឌនៃជំនួបប្រាស្រ័យមិត្តភាពការពារព្រំដែនវៀតណាម-ចិនលើកទី១០ ការយាមល្បាតរួមគ្នាលើកទី៤០ និងការហ្វឹកហ្វឺនរួមគ្នានៅឈូងសមុទ្រតុងកឹងជាមួយកងទ័ពជើងទឹកចិនរបស់ក្រុមនាវារួមមាននាវាលេខ ០១៥- Trang Hung Dao នាវាលេខ០១២-Ly Thai To និងគណៈប្រតិភូកងទ័ពជើងទឹកប្រជាជនវៀតណាម។

leftcenterrightdel
មេបញ្ជាការនៃក្រុមនាវាទាំងពីរ​ជួបប្រជុំសម្តែងការគួរសមនៅលើនាវាលេខ ៥៦៨ កងទ័ពជើងទឹកចិន

មេបញ្ជាការនៃក្រុមនាវាទាំងពីរបានសម្តែងការរីករាយដែលយន្តការល្បាតរួមគ្នាបានរួមចំណែកដល់ការរក្សាសន្តិសុខ និងសណ្តាប់ធ្នាប់នៅក្នុងឈូងសមុទ្រតុងកឹង បង្កើនសមត្ថភាពក្នុងការឆ្លើយតបទៅនឹងបញ្ហាប្រឈមសន្តិសុខមិនមែនប្រពៃណី និងពង្រឹងទំនុកចិត្ត និងការយោគយល់គ្នាទៅវិញទៅមក លើកកម្ពស់ទំនាក់ទំនងសហប្រតិបត្តិការមិត្តភាពរវាងកងទ័ពជើងទឹកវៀតណាម និងចិន។

leftcenterrightdel
គណៈប្រតិភូកងទ័ពជើងទឹកប្រជាជនវៀតណាមបានទៅទស្សនានាវា លេខ ៥៦៨ កងទ័ពជើងទឹកចិន

បេសកកម្មល្បាត និងហ្វឹកហ្វឺនរួមគ្នារវាងកងទ័ពជើងទឹកវៀតណាម និងចិននេះមានលក្ខណៈពិសេសថ្មីៗជាច្រើន រួមទាំងការដែលរដ្ឋមន្ត្រីក្រសួងការពារជាតិនៃប្រទេសទាំងពីរនឹងមានវត្តមាននៅកំពង់ផែហ្វាងឆេង ដើម្បីស្តាប់របាយការណ៍ពីមេបញ្ជាការនៃក្រុមនាវាទាំងពីរស្តីពីការងារត្រៀម និងសូមបទបញ្ជាឱ្យចាកចេញពីកំពង់ផែដើម្បីអនុវត្តបេសកកម្ម។ ក្នុងពេលជាមួយគ្នានេះ មុខវិជ្ជាបណ្តុះបណ្តាលមានភាពចម្រុះ និងសម្បូរបែបជាងមុន ជាមួយនឹងលំហាត់បាញ់គ្រាប់ពិតលើកដំបូងដោយប្រើអាវុធស្រាលក្នុងការហ្វឹកហាត់ប្រឆាំងចោរសមុទ្រ។

leftcenterrightdel
ថ្នាក់ដឹកនាំមូលដ្ឋានកងទ័ពជើងទឹកក្វាងចូវបានទៅទស្សនានាវាលេខ ០១៥-Tran Hung Dao

នៅថ្ងៃទី១៦ ខែមីនា គណៈប្រតិភូកងទ័ពជើងទឹកប្រជាជនវៀតណាមបានទៅទស្សនានាវាលេខ ៥៦៨ របស់កងទ័ពជើងទឹកចិន ចំណែក​ថ្នាក់ដឹកនាំមូលដ្ឋានក្វាងចូវ និងនាយទាហានកងទ័ពជើងទឹកចិនបានទៅទស្សនានាវាលេខ ០១៥-Tran Hung Dao៕

បកប្រែដោយ Duy Hoan