ជំរុញកិច្ចសហប្រតិបត្តិការបច្ចេកវិទ្យា និងការធ្វើបរិវត្តកម្មឌីជីថលរវាងវៀតណាម និងសហរដ្ឋអាមេរិក

នៅក្នុងជំនួប លោក Luong Tam Quang រដ្ឋមន្ត្រី បានបញ្ជាក់ថា វៀតណាមឱ្យតម្លៃលើទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយជាមួយសហរដ្ឋអាមេរិក ក្នុងនោះកិច្ចសហប្រតិបត្តិការលើវិស័យវិទ្យាសាស្ត្រ បច្ចេកវិទ្យា នវានុវត្តន៍ និងសេដ្ឋកិច្ចឌីជីថលគឺជាសសរស្តម្ភដ៏សំខាន់។ ទន្ទឹមនឹងនោះ លោក Luong Tam Quang រដ្ឋមន្ត្រីក៏បានសម្តែងនូវគោលបំណងចង់ឲ្យអង្គភាពអាជីវកម្ម និងដៃគូបច្ចេកវិទ្យារបស់សហរដ្ឋអាមេរិកពង្រឹងកិច្ចសហប្រតិបត្តិការជាមួយវៀតណាម រួមចំណែកសម្រេចបាននូវគោលដៅរបស់វៀតណាមក្នុងការធ្វើបរិវត្តកម្មឌីជីថល និងការបណ្តុះបណ្តាលធនធានមនុស្សប្រកបដោយគុណភាពខ្ពស់។

លោកនាយឧត្តមសេនីយ៍ Luong Tam Quang រដ្ឋមន្ត្រីក្រសួងនគរបាលវៀតណាម ទទួលជួបលោក Daniel Rosen នាយកប្រតិបត្តិនៃសាជីវកម្ម Rosen Partners (សហរដ្ឋអាមេរិក) (រូបថត៖ vnanet.vn)

លោក Luong Tam Quang រដ្ឋមន្ត្រីបានស្នើឱ្យសាជីវកម្ម Rosen Partners ក្រុមហ៊ុន R.MOR និងអង្គភាពអាជីវកម្មអាមេរិកផ្សេងទៀត បន្តផ្លាស់ប្តូរ និងចែករំលែកព័ត៌មានអំពីនិន្នាការបច្ចេកវិទ្យាថ្មីៗ បទពិសោធន៍អន្តរជាតិ និងគំរូសហប្រតិបត្តិការសមស្រប ដើម្បីបង្កើនការយល់ដឹង និងបង្កើតមូលដ្ឋានសម្រាប់ការស្រាវជ្រាវអំពីកិច្ចសហប្រតិបត្តិការនាពេលអនាគត។

រីឯលោក Daniel Rosen បានវាយតម្លៃខ្ពស់ចំពោះចក្ខុវិស័យរបស់វៀតណាមក្នុងការជំរុញការធ្វើបរិវត្តកម្មឌីជីថល នវានុវត្តន៍ និងការកសាងហេដ្ឋារចនាសម្ព័ន្ធឌីជីថលប្រកបដោយសុវត្ថិភាព និងចីរភាព។ លោក Daniel Rosen បានបញ្ជាក់ថា សាជីវកម្ម Rosen Partners រួមទាំងក្រុមហ៊ុន R.MOR មានគោលបំណងចង់ជំរុញកិច្ចសហប្រតិបត្តិការជាក់ស្តែងជាមួយអង្គភាពនានានៃក្រសួងនគរបាល និងបណ្តាដៃគូវៀតណាម៕

បកប្រែដោយ Huyen Trang