លោក Pham Minh Chinh នាយករដ្ឋមន្ត្រី៖ មិនទុកឲ្យមានការខ្វះខាតប្រេងឥន្ធនៈក្នុងគ្រប់កាលៈទេសៈ

លោក Pham Minh Chinh នាយករដ្ឋមន្ត្រីបានស្នើថា៖ "ក្រសួងឧស្សាហកម្ម និងពាណិជ្ជកម្ម ព្រមទាំងក្រសួង និងស្ថាប័នផ្សេងៗទៀតត្រូវអនុវត្តការណែនាំរបស់គណៈកម្មាធិការអចិន្ត្រៃយ៍របស់រដ្ឋាភិបាល  ធានាសន្តិសុខថាមពល មិនទុកឲ្យមានការខ្វះខាតប្រេងឥន្ធនៈក្នុងគ្រប់កាលៈទេសៈ ហើយបន្តដឹកនាំរកដំណោះស្រាយដើម្បីធានាការផ្គត់ផ្គង់ប្រេងឆៅនាំចូលប្រទេស។ EVN និងអង្គភាពពាក់ព័ន្ធទាំងអស់គួរតែរក្សាប្រតិបត្តិការប្រកបដោយសុវត្ថិភាព និងស្ថិរភាពនៃរោងចក្រចម្រាញ់ប្រេង បង្កើនប្រសិទ្ធភាពសមត្ថភាពកែច្នៃ និងធានាការផ្គត់ផ្គង់ប្រេងឥន្ធនៈសម្រាប់ផលិតកម្មក្នុងប្រទេស និងសម្រាប់ផលិតកម្មអាជីវកម្ម។ ក្រសួងហិរញ្ញវត្ថុ សម្របសម្រួលជាមួយក្រសួងឧស្សាហកម្មនិងពាណិជ្ជកម្ម ដើម្បីតាមដានយ៉ាងដិតដល់តម្លៃប្រេងឥន្ធនៈប្រចាំថ្ងៃ ដោយដោះស្រាយយ៉ាងហ្មត់ចត់នូវការស្តុកទុក ការឡើងតម្លៃ ការរត់ពន្ធ និងការប្រែប្រួលតម្លៃដែលមិនត្រឹមត្រូវនឹងស្ថានភាពជាក់ស្តែង"។

លោក Pham Minh Chinh នាយករដ្ឋមន្ត្រី មានប្រសាសន៍នៅក្នុងកិច្ចប្រជុំ (រូបថត៖ vnanet.vn)

លោក Pham Minh Chinh នាយករដ្ឋមន្ត្រីក៏បានស្នើឲ្យមានការរៀបចំផែនការឡើងវិញ និងសាងសង់ឃ្លាំងទុកបម្រុងប្រេងឥន្ធនៈ ជំរុញការសន្សំសំចៃថាមពល ថាមពលបៃតង និងការរៀបចំរចនាសម្ព័ន្ធឡើងវិញនៃការប្រើប្រាស់ធនធានស្របតាមនិន្នាការធ្វើបរិវត្តកម្មឌីជីថល និងការធ្វើបរិវត្តកម្មបៃតង។ លោកក៏បានស្នើឱ្យមានការរៀបចំសន្និសីទកាសែត រៀងរាល់ប្រាំថ្ងៃម្តង ដើម្បីផ្តល់ព័ត៌មានផ្លូវការ និងបរានុម័តដល់ប្រជាជនអំពីការផ្គត់ផ្គង់ និងតម្លៃផលិតផលប្រេងឥន្ធនៈ៕

បកប្រែដោយ Thanh Cong