លោកនាយឧត្តមសេនីយ៍ Phan Van Giang ធ្វើការជាមួយគណៈអចិន្ត្រៃយ៍ នៃគណៈកម្មាធិការបក្សខេត្ត Quang Ninh

លោកនាយឧត្តមសេនីយ៍ Phan Van Giang មានប្រសាសន៍នៅក្នុងកិច្ចប្រជុំ

នៅរសៀលថ្ងៃទី១៧ ខែមីនា នៅខេត្ត Quang Ninh  លោកនាយឧត្តមសេនីយ៍ Phan Van Giang សមាជិកការិយាល័យនយោបាយ អនុលេខានៃគណៈកម្មាធិការបក្សយោធាមជ្ឈិម រដ្ឋមន្ត្រីក្រសួងការពារប្រទេស បានធ្វើការជាមួយគណៈអចិន្ត្រៃយ៍នៃគណៈកម្មាធិការបក្សខេត្ត Quang Ninh ក្នុងឱកាសដឹកនាំគណៈប្រតិភូជាន់ខ្ពស់ក្រសួងការពារប្រទេសវៀតណាម អញ្ជើញចូលរួមក្នុងសកម្មភាពនានាក្នុងក្របខ័ណ្ឌនៃជំនួបប្រាស្រ័យមិត្តភាពការពារជាតិព្រំដែនវៀតណាម-ចិន លើកទី១០ ដែលបានប្រារព្ធឡើងនៅខេត្ត Quang Ninh (វៀតណាម) និងតំបន់ស្វយ័តជនជាតិជាំងក្វាងស៊ី (ចិន)។

ទិដ្ឋភាពនៃកិច្ចប្រជុំ​

មានប្រសាសន៍នៅក្នុងកិច្ចប្រជុំ លោកនាយឧត្តមសេនីយ៍ Phan Van Giang បានទទួលស្គាល់ និងវាយតម្លៃខ្ពស់ចំពោះលទ្ធផលលេចធ្លោក្នុងការអភិវឌ្ឍសេដ្ឋកិច្ច-សង្គម និងការពង្រឹងការពារជាតិ និងសន្តិសុខរបស់ខេត្ត Quang Ninh ក្នុងឆ្នាំ២០២៥។ លោកបានស្នើឱ្យគណៈកម្មាធិការបក្ស និងអាជ្ញាធរខេត្ត Quang Ninh បន្តយល់ឱ្យបានហ្មត់ចត់ និងអនុវត្តយ៉ាងតឹងរ៉ឹងនូវសេចក្តីសម្រេចចិត្ត និងសេចក្តីសន្និដ្ឋានរបស់មជ្ឈិមស្តីពីយោធាការពារជាតិ រួមទាំងសេចក្តីសម្រេចលេខ ៤៤-NQ/TW ចុះថ្ងៃទី២៤ ខែវិច្ឆិកា ឆ្នាំ២០២៣ នៃគណៈកម្មាធិការមជ្ឈិមបក្ស លើកទី១៣ ស្តីពី «យុទ្ធសាស្ត្រការពារជាតិក្នុងស្ថានភាពថ្មី»។ ដឹកនាំកងកម្លាំងនានា​ឱ្យបន្តសម្របសម្រួលយ៉ាងជិតស្និទ្ធដើម្បីការពារព្រំដែន និងសន្តិសុខផ្ទៃក្នុងប្រកបដោយប្រសិទ្ធភាពក្នុងបរិបទនៃភារកិច្ចកសាងនិងការពារមាតុភូមិក្នុងយុគសម័យថ្មីនៃការអភិវឌ្ឍដែលមានតម្រូវការកាន់តែ​ខ្ពស់។ ភារកិច្ចអភិវឌ្ឍន៍សេដ្ឋកិច្ច-សង្គមត្រូវតែភ្ជាប់ទៅនឹងការធានាការពារជាតិរឹងមាំ ការរក្សាព្រំដែន កោះសមុទ្រ។ល៕

បកប្រែដោយ Duy Hoan