ថ្នាក់ដឹកនាំក្រសួងការពារប្រទេសជួបធ្វើការជាមួយអគ្គសេនាធិការដ្ឋាន និងអគ្គស្នងការដ្ឋាននយោបាយ

មានប្រសាសន៍នៅក្នុងជំនួបធ្វើការជាមួយអគ្គស្នងការដ្ឋាននយោបាយ លោកនាយឧត្តមសេនីយ៍ Phan Van Giang បានចាត់ទុកថា លទ្ធផលនៃឆ្នាំ ២០២៥ និងបណ្តាខែដំបូងនៃឆ្នាំ ២០២៦ គឺជាលទ្ធផលនៃការខិតខំប្រឹងប្រែង និងការប្តេជ្ញាចិត្តខ្ពស់របស់កម្មាភិបាល និងយុទ្ធជននៃកងទ័ពទាំងមូល។

លោកនាយឧត្តមសេនីយ៍ Phan Van Giang ជាអធិបតីនៃកិច្ចប្រជុំជាមួយអគ្គស្នងការដ្ឋាននយោបាយ

នាពេលខាងមុខ លោកនាយឧត្តមសេនីយ៍ Phan Van Giang បានស្នើឱ្យអគ្គស្នងការដ្ឋាននយោបាយ បន្តប្រកាន់ខ្ជាប់ និងដឹកនាំការអនុវត្តប្រកបដោយប្រសិទ្ធភាពនូវសេចក្តីសម្រេច សេចក្តីណែនាំ សេចក្តីសន្និដ្ឋាន និងបទប្បញ្ញត្តិពីថ្នាក់ដឹកនាំខាងលើ ស្រាវជ្រាវ ព្យាករណ៍ ធ្វើសេនាធិការ និងស្នើឡើងដល់ការិយាល័យនយោបាយ គណៈលេខា និងគណៈកម្មាធិការបក្សយោធាមជ្ឈិម ស្តីពីការដឹកនាំការកសាងកងទ័ពដ៏រឹងមាំខាងនយោបាយ។

លោកនាយឧត្តមសេនីយ៍ Phan Van Giang ក៏បានស្នើឱ្យអគ្គស្នងការដ្ឋាននយោបាយ ស្រាវជ្រាវ និងអនុវត្តការណែនាំរបស់លោក To Lam អគ្គលេខាបក្ស លេខាគណៈកម្មាធិការបក្សយោធាមជ្ឈិម និងសេចក្តីសម្រេចលេខ ៥៧-NQ/TW ចុះថ្ងៃទី ២២ ខែធ្នូ ឆ្នាំ ២០២៤ របស់ការិយាល័យនយោបាយ ស្តីពីការទម្លាយក្នុងវិទ្យាសាស្ត្រ បច្ចេកវិទ្យា នវានុវត្តន៍ និងការធ្វើបរិវត្តកម្មឌីជីថលជាតិ ដោយធានាបាននូវភាពជាក់ស្តែង និងប្រសិទ្ធភាព។ ពង្រឹងការត្រួតពិនិត្យ និងការគ្រប់គ្រងស្ថានភាពនយោបាយផ្ទៃក្នុង អនុវត្តព្រមៗគ្នានូវវិធានការបង្ការ និងប្រយុទ្ធប្រឆាំងនឹងសកម្មភាពបំផ្លិចបំផ្លាញរបស់កម្លាំងអរិភាព ធានាសន្តិសុខ និងសុវត្ថិភាពដាច់ខាតសម្រាប់ព្រឹត្តិការណ៍នយោបាយសំខាន់ៗរបស់បក្ស ប្រទេស និងកងទ័ព អនុវត្តការស្វែងរក ការប្រមូល និងការកំណត់អត្តសញ្ញាណអដ្ឋិធាតុយុទ្ធជនពលី អភិវឌ្ឍឧស្សាហកម្មការពារជាតិ វិទ្យាសាស្ត្រ និងបច្ចេកវិទ្យា។ល។

* នៅក្នុងជំនួបធ្វើការជាមួយអគ្គសេនាធិការដ្ឋាន តាងនាមគណៈអចិន្ត្រៃយ៍នៃគណៈកម្មាធិការបក្សយោធាមជ្ឈិម ថ្នាក់ដឹកនាំក្រសួងការពារប្រទេស លោកនាយឧត្តមសេនីយ៍ Phan Van Giang បានសង្កត់ធ្ងន់ថា លទ្ធផលលេចធ្លោដែលអគ្គសេនាធិការដ្ឋានសម្រេចបានក្នុងប៉ុន្មានឆ្នាំកន្លងមក បានរួមចំណែកយ៉ាងសំខាន់ដើម្បីគណៈកម្មាធិការបក្សយោធាមជ្ឈិម ក្រសួងការពារប្រទេស បំពេញភារកិច្ចនៅឆ្នាំ ២០២៥ និងបណ្តាខែដំបូងនៃឆ្នាំ ២០២៦។

លោកនាយឧត្តមសេនីយ៍ Phan Van Giang ជាអធិបតីនៃកិច្ចប្រជុំថ្នាក់ដឹកនាំក្រសួងការពារប្រទេសជួបធ្វើការជាមួយអគ្គសេនាធិការដ្ឋាន

នាពេលខាងមុខ លោកនាយឧត្តមសេនីយ៍ Phan Van Giang បានស្នើឱ្យអគ្គសេនាធិការដ្ឋានផ្តោតលើការលើកកម្ពស់សមត្ថភាពស្រាវជ្រាវ ការព្យាករណ៍ និងការវាយតម្លៃ ការប្រកាន់ខ្ជាប់យ៉ាងខ្លាំងនូវស្ថានភាព និងធ្វើសេនាធិការដល់បក្ស រដ្ឋ គណៈកម្មាធិការបក្សយោធាមជ្ឈិម ក្រសួងការពារប្រទេស ឱ្យបានឆាប់រហ័សអំពីគោលនយោបាយ និងវិធានការទប់ទល់ដើម្បីដោះស្រាយស្ថានភាពផ្សេងៗ ការពារភាពអសកម្ម និងការភ្ញាក់ផ្អើល។ លោកនាយឧត្តមសេនីយ៍ Phan Van Giang បានស្នើឱ្យអគ្គសេនាធិការដ្ឋានអនុវត្តយុទ្ធសាស្ត្រ សេចក្តីសម្រេច សេចក្តីសន្និដ្ឋាន គម្រោង គោលនយោបាយ និងច្បាប់ដែលបានចេញផ្សាយប្រកបដោយប្រសិទ្ធភាព។ លើសពីនេះ លោកបានសង្កត់ធ្ងន់លើការពង្រីកកម្លាំងដ៏ទូលំទូលាយ កៀរគរធនធាន និងកសាង និងពង្រឹងខឿនការពារជាតិដោយប្រជាជនទាំងមូល ការការពារតំបន់យោធា តំបន់ការពារ និងការពារតំបន់យ៉ាងរឹងមាំ។ល៕

បកប្រែដោយ Huyen Trang