ជប៉ុន សហរដ្ឋអាមេរិក និងកូរ៉េខាងត្បូងជួបពិភាក្សាតាមទូរស័ព្ទអំពីការឆ្លើយតបទៅនឹងកូរ៉េខាងជើងបន្ទាប់ពីការបាញ់មីស៊ីល

ទីស្នាក់ការក្រសួងការបរទេសជប៉ុន (រូបថត៖ REUTERS)

ក្នុងអំឡុងពេលនៃការសន្ទនាតាមទូរស័ព្ទ លោក Otsuka Kengo អគ្គនាយករងនៃការិយាល័យអាស៊ី និងអូសេអានី នៃក្រសួងការបរទេសជប៉ុន លោក Baek Yong-jin អគ្គនាយកទទួលបន្ទុកគោលនយោបាយឧបទ្វីបកូរ៉េ នៅក្រសួងការបរទេសកូរ៉េខាងត្បូង និងលោក David Wilezol អនុរដ្ឋមន្ត្រីការបរទេសសហរដ្ឋអាមេរិក បានបញ្ជាក់ជាថ្មីនូវទស្សនៈរបស់ខ្លួនដោយចាត់ទុកថា ការបាញ់មីស៊ីលផ្លោងរបស់កូរ៉េខាងជើង រំលោភលើសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ។ ជប៉ុន សហរដ្ឋអាមេរិក និងកូរ៉េខាងត្បូង ក៏បានចាត់ទុកសកម្មភាពទាំងនេះថា ជាការញុះញង់ គំរាមកំហែងដល់សន្តិភាព និងសន្តិសុខក្នុងតំបន់ និងសហគមន៍អន្តរជាតិ ហើយបានអំពាវនាវឱ្យទីក្រុងព្យុងយ៉ាងបញ្ឈប់សកម្មភាពទាំងនេះ។ ក្រសួងការបរទេសជប៉ុន ក៏បានបញ្ជាក់ថា ប្រទេសជប៉ុន សហរដ្ឋអាមេរិក និងកូរ៉េខាងត្បូង បានយល់ព្រមបន្តសម្របសម្រួលការឆ្លើយតប ចំពោះសកម្មភាពនាពេលខាងមុខរបស់កូរ៉េខាងជើង៕

តាម vovworld.vn