សហភាពអឺរ៉ុបមិនទាន់កំណត់ពេលវេលាបញ្ចូលអ៊ុយក្រែនជាសមាជិកនៅឡើយទេ
នាថ្ងៃទី១៥ ខែកុម្ភៈ លោកស្រី Kaja Kallas តំណាងជាន់ខ្ពស់ទទួលបន្ទុកគោលនយោបាយកិច្ចការបរទេស និងសន្តិសុខនៃសហភាពអឺរ៉ុប (EU) និងជាអនុប្រធានគណៈកម្មការអឺរ៉ុប បានឲ្យដឹងថា ប្រទេសជាសមាជិកសហភាពអឺរ៉ុបមិនទាន់ត្រៀមខ្លួនជាស្រេចកំណត់ពេលវេលាជាក់លាក់សម្រាប់ការចូលជាសមាជិករបស់អ៊ុយក្រែននៅក្នុងសហភាពនេះនៅឡើយទេ។
ថ្លែងនៅក្នុងសន្និសីទសន្តិសុខទីក្រុងមុយនិច (អាល្លឺម៉ង់) លោកស្រី Kallas បាននិយាយថា នៅតែមានការងារជាច្រើនដែលត្រូវធ្វើ។
    |
 |
|
រូបថតឧទាហរណ៍ (IRNA/TTXVN) |
សេចក្តីថ្លែងការណ៍នេះធ្វើឡើងក្រោយពីលោក Volodymyr Zelensky ប្រធានាធិបតីអ៊ុយក្រែន នាពេលថ្មីៗនេះបានអំពាវនាវឱ្យសហភាពអឺរ៉ុបកំណត់ពេលវេលាជាក់លាក់សម្រាប់ការចូលជាសមាជិកជាផ្លូវការរបស់អ៊ុយក្រែននៅក្នុងសហភាពអឺរ៉ុប។ អ៊ុយក្រែនត្រូវបានផ្តល់ឋានៈជាបេក្ខភាពសហភាពអឺរ៉ុបនៅក្នុងខែមិថុនា ឆ្នាំ២០២២។
នាថ្ងៃទី១៥ ខែកុម្ភៈ ផងដែរ លោកZelensky ប្រធានាធិបតី បាននិយាយថា គណៈប្រតិភូអ៊ុយក្រែនបានទទួលក្របខ័ណ្ឌសម្រាប់ការចរចាត្រីភាគីជាមួយរុស្ស៊ី និងសហរដ្ឋអាមេរិក ក្នុងនោះធានាថាសន្តិសុខគឺជាអាទិភាពចម្បងរបស់ទីក្រុងគៀវ។ ការចរចាជុំថ្មីរវាងរុស្ស៊ី សហរដ្ឋអាមេរិក និងអ៊ុយក្រែននឹងត្រូវបានធ្វើឡើងនៅទីក្រុងហ្សឺណែវ ប្រទេសស្វីស នៅថ្ងៃទី១៧ និង១៨ ខែកុម្ភៈខាងមុខ៕
តាម vovworld.vn