រុស្ស៊ីប្រកាសពីដំណើរទស្សនកិច្ចរបស់លោក​ ពូទីន ប្រធានាធិបតី ទៅកាន់ប្រទេសចិន

ថ្លែងនៅខាងក្រៅសន្និសីទ "រុស្ស៊ី និងឥណ្ឌា - ឆ្ពោះទៅរករបៀបវារៈទ្វេភាគីថ្មី" លោក Andrey Rudenko អនុរដ្ឋមន្ត្រីការបរទេសរុស្ស៊ី បានឲ្យដឹងថា កាលវិភាគនៃដំណើរទស្សនកិច្ចកំពុងត្រូវបានកំណត់ ហើយព័ត៌មានលម្អិតនឹងត្រូវប្រកាសក្នុងពេលឆាប់ៗនេះ។

លោក វ្ល៉ាឌីមៀ ពូទីន ប្រធានាធិបតីរុស្ស៊ី ជួបជាមួយលោក ស៊ី ជីនពីង ប្រធានាធិបតីចិននៅទីក្រុងប៉េកាំង ប្រទេសចិន ក្នុងខែកុម្ភៈ ឆ្នាំ២០២២ (រូបថត៖ Sputnik/Aleksey Druzhinin/Kremlin តាមរយៈ Reuters)

យោងតាមលោក Rudenko អនុរដ្ឋមន្ត្រី វិបត្តិនៅអ៊ីរ៉ង់អាចជាប្រធានបទសំខាន់មួយនៅក្នុងការពិភាក្សានាពេលខាងមុខ ក្នុងបរិបទដែលការនាំចូលប្រេងមួយផ្នែកធំរបស់ចិន ដែលឆ្លងកាត់ច្រកសមុទ្រ Hormuz កំពុងរងផលប៉ះពាល់ដោយស្ថានភាពតានតឹង។

ទាក់ទងនឹងបញ្ហាអ៊ុយក្រែន រុស្ស៊ីបានបញ្ជាក់ពីការត្រៀមខ្លួនជាស្រេច ក្នុងការចរចា ប្រសិនបើអ៊ុយក្រែនបង្ហាញពីឆន្ទៈក្នុងការចូលរួម ប៉ុន្តែមិនទាន់មានកាលបរិច្ឆេទជាក់លាក់ណាមួយឡើយ។

ទាក់ទងនឹងទំនាក់ទំនងជាមួយសហរដ្ឋអាមេរិក លោក Rudenko បានសង្កត់ធ្ងន់ថា រុស្ស៊ីរក្សាគោលជំហរដ៏ខ្ជាប់ខ្ជួន ហើយជឿជាក់ថា បណ្តាប្រទេសត្រូវប្រកាន់ខ្ជាប់នូវគោលការណ៍និងស្តង់ដារអន្តរជាតិដែលបានសន្យា ដោយចាត់ទុកថា សហរដ្ឋអាមេរិកបានងាកចេញពីគោលការណ៍ទាំងនេះក្នុងករណីមួយចំនួន៕

តាម vovworld.vn